Joel 1:7 - De Beebaa Dabu

⁷ Gilaadeu gu oha agu grapevine, ma de hagabaubau agu fig. Gai gu holehole ma gu deai gili o denga manu, gai laa o denga manu gu tea.

Joel 1:7 Iomraidhean Croise

Psalm 105:33

Gai ia ne hadihadi iho alaadeu veelengaa grape ma denga fig, ma manu ssomo alodahi i delaadeu henua.

Exodus 10:14

Gai denga itebuubuu ne loomai ga hhao honga de henua alodahi go Egypt. Gai gilaadeu ga toga i honga denga ungaamee alodahi o de henua go Egypt, gai gu kona mmao i de lagolago itebuubuu. Gai tigi ai ange donu se lagolago itebuubuu bee nei i denga masavaa gu hulo, aabe go masavaa e loomai.

Exodus 10:15

Gai denga itebuubuu ne loomai ga hhao honga de gelegele o de henua alodahi, ga hai gu honga de henua. Gai gilaadeu ga gai manu ssomo alodahi tee oohaa i denga duudangaa haisi — go mee alodahi e ssomo i honga de gelegele ma olaadeu hua. Gu deai donu hua aabe ni lau i denga manu ssomo nnui aama manu ssomo vaaligiligi i de henua alodahi o Egypt.

Isaiah 24:7

Gu dai deai donu uvaini hoou, denga grapevine gu maakau; gai dangada alodahi nogo malangilangi laa gu tangi.

Isaiah 32:12

Hagailiilihia oodou hadahada i hiidinga o denga veelenga danuaa, ma denga grapevine hhua lagolago,

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Jeremiah 8:13

Au e lodo e hagihagi gilaadeu, go Tagi Maolunga e hagadaba. Gai e deai donu hua de grapevine. E deai hogi hua o denga fig, gai olaadeu lau gu mmae. Agu mee alodahi gu gaavange gi gilaadeu e kave gee naa donu mai i olaadeu daha.”

Hosea 2:12

Au e sele iho naa ana grapevine ma ana fig go mee aana e hagadaba laa bolo go dono hagaoanga mai i daho ono dau soa. Au e hai naa mommee laa gi se lodo henua, gai denga manu lodo henua e gai naa mee iai.

Joel 1:12

De grapevine gu magau, de fig gu mmae; de pomegranate, ma de palm aama de apple hogi, denga manu ssomo alodahi gu odi i de maakau. Gai gu deai donu se malangilangi i daho dangada.

Amos 4:9

Gu lagolago hanonga aagu ne oha ai oodou veelenga ma oodou veelengaa grape, ma de hai gi mmagi oodou manu ma de dongidongi. Gai denga itebuubuu ne gai oodou fig ma oodou olive aagai goodou tee aahe mai gi de au, go Tagi Maolunga e hagadaba.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Malachi 3:11

Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.