Joel 1:18 - De Beebaa Dabu

¹⁸ Denga manu haangai gu tangi! Denga kaau gu ngadi hulo saele donu huu, go hiidinga gu deai mommee iai helii; denga ssiibi gu duasala donu hogi.

Joel 1:18 Iomraidhean Croise

1 Kings 18:5

Gai Ahab ne hai ange gi Obadiah, “Hannoo hagadaga i denga vai alodahi i honga de henua aama lodo geelonga alodahi, ga tilo ai be hanu helii e haangai ai denga hoosa ma donkey gi mouli ai gilaadeu, gai gi dee daa ai hanu adaadeu manu.”

1 Kings 8:5

Gai de hodooligi go Solomon, ma de hagabuulingaa dangada o Israel gu hagabuni mai laa gi ono daha ga tuu i mada i mua o de ngavesi laa, ma de hai ssigidaumaha i denga ssiibi ma kaau lagolago mmao, gilaadeu tee maua i de daohi aabe go de dau taelodo.

Jeremiah 12:4

Dee hee maa taulooloa de ngadi dagodo o de henua, gai denga helii alodahi i honga de gelegele gu mmae? Go hiidinga dangada e nnoho i kilaa e baubau, denga manu dolodolo ma manu llele gu maakau, go hiidinga dangada e hagataba, “Ia e dee gidee donu mee e hai mai gi gidaadeu.”

Hosea 4:3

Deenei ai, de henua gu ngadi dagodo, gai alodahi e nnoho i kilaa gu deai olaadeu mahi, denga manu dolodolo o lodo henua ma manu llele ma mamu i lausedi gu maakau.

Joel 1:20

Gai manu lodo henua gu tangi adu gi de goe; go hiidinga denga saalingaa vai gu deai vai iai, gai de ahi gu dudu denga mommee iai helii.

Amos 1:2

Ia ne hagadaba: “Tagi Maolunga e hagangolo mai i Zion, ma de basa mai i Jerusalem bei de babaa o de hatuli; mommee iai helii a de gau hagaloosi manu e tangi naa, gai ulu de mounga go Carmel e mmae naa.”

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Haggai 1:10

Deenei ai, go oodou hiidinga tee hano iho ai de mee maluulu i de langi, ga hagadee ssomo ai manu i honga de henua.

Romans 8:22

Gidaadeu e iloo bolo denga mee ne hagadau e bei dagodo o de hine haanau i dono mmae i de masavaa e hai ai ono hagalangona, ga dae mai ai gi iainei.