Joel 1:13 - De Beebaa Dabu

¹³ De gau haimeedabu, goodou kahu i malo daladala, ma de tangi, de gau hai hegau i de mommee o ssigidaumaha, goodou tangi ssee. De gau e haia hegau i mada luu mada o dogu Maadua, goodou loomai, kahu i malo daladala i dahi boo; go hiidinga gu deai donu sigidaumaha o grain ma sigidaumaha o mee unu, e gaamai gi de hale o doodou Maadua!

Joel 1:13 Iomraidhean Croise

2 Samuel 12:16

Gai David ne dangidangi ange gi de Maadua i hiidinga o tamaa gauligi laa; ia ne hagahiigai ma de ulu dono hale, ga dagodo i honga lehu, i de boo laa alodahi.

1 Kings 21:27

De masavaa huu a Ahab ne langona ai muna laa, gai ia ga ssae ono malo, ga gahu i denga malo daladala, ma de hagahiigai, ga dagodo i lodo malo daladala ma de seesee saele gu daemaha.

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Isaiah 61:6

Gai goodou e hagaingoo ange naa go de gau haimeedabu o Tagi Maolunga, gai e hagabinga naa bolo go de gau hai hegau o taadeu Maadua. Goodou e gaimee naa i de lava o denga huaahenua, ma de tala tuhi naa doodou kave olaadeu goloa.

Jeremiah 4:8

Gai goodou gahu i malo daladala ma de hinangalosaa ma de tangi, go hiidinga de bole laumalie o Tagi Maolunga e dee hano gee naa donu i gidaadeu.

Jeremiah 9:10

Au e dangi naa ma de dangi see i hiidinga o denga mounga, ma de dangi i hiidinga o mommee iai helii i lodo henua. Mommee laa gu ngadi daakodo ma teai dangada e seesee ai, gu dee langona hogi leo o denga manu haangai ai. Gai denga manu llele ma manu dolodolo gu hulo gee mai i kilaa.

Ezekiel 21:12

Tama a tangada, dangi ma de dangi see, go hiidinga de mee nei e hai baasi ange gi ogu dangada, gai e hai baasi ange gi dagi alodahi o Israel. Gilaadeu e dugu ange naa gi de gadilaasa madali ogu dangada alodahi. Deenei ai, hagailiilia oo hadahada.

Ezekiel 27:31

Gilaadeu e dahi naa olaadeu biho ga malali i oo hiidinga, ma de kahu i malo daladala. Gilaadeu e tangi ssee naa ma de daemaha olaadeu lodo, i de kona delaadeu hinangalosaa.

Ezekiel 7:18

Gai gilaadeu e kahu naa i denga malo daladala ma de hoohonu i de maatagu; gilaadeu gu dookaa, gai olaadeu biho gu dahi ma gu malali.

Hosea 9:5

Ni aha naa oodou e hai i de laangi o oodou daonga, ma laangi o taonga a Tagi Maolunga?

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Joel 2:14

Gai goai e iloo be ia e dee ahe naa dana maanadu ga dugu dahi manuuia, bei sigidaumaha o denga grain ma sigidaumaha o mee unu e vange gi Tagi Maolunga doodou Maadua?

Joel 2:17

De gau haimeedabu e hai hegau laa i mada luu mada o Tagi Maolunga gi tangi i magavaa o de velanda o de temple ma de mommee o ssigidaumaha. Gilaadeu gi hagataba, “Tagi Maolunga, hagaola ina oo dangada. Koe gi dee haia gi hagangadi mee ina dangada o doo boolonga, aabe gi daalaa hakadanga i daho denga huaahenua. Gai gu aha gu hagataba ai denga huaahenua, ‘I hee iai delaadeu Maadua?’ ”

Numbers 28:14

Gai e gaamai madali dahi kaau laa, dahi bido hin uvaini; gai gaamai madali ssiibi daane laa dahi diba i diba e dolu o dahi hin uvaini, gai gaamai madali dahi ssiibi gauligi laa, e dahi diba i diba e haa o dahi hin uvaini, e hai ai ssigidaumaha o mee unu. Deenei ssigidaumaha dudu e hai i malama alodahi o de ngadau, i de masavaa e duu ai de maasina i dai.

Numbers 28:4

Dahi ssiibi e hai ai ssigidaumaha i taiao, gai dahi e hai ai ssigidaumaha i de ahiahi,

Numbers 28:7

Gai ssigidaumaha o mee unu e gaamai madali mee nei, se dahi diba i diba e haa o dahi hin uvaini; gai ssigidaumaha o mee vii nei e llingi i mada luu mada o Tagi Maolunga, i de mommee dabu.

Numbers 29:6

Denga sigidaumaha nei e hai madali ssigidaumaha dudu e hai laa i de masavaa e duu ai de maasina i dai, ma ssigidaumaha dudu i de laa tubua, madali ssigidaumaha o grain, ma ssigidaumaha o mee unu, bei de hainga ange gi mee nei. Gai se sigidaumaha nnamu kala e hai laa i de ahi ange gi Tagi Maolunga.

1 Corinthians 4:1

Gai tangada gi iloo de mee nei, gimaau ni dangada hai hegau niio Klisdo, gai ni dangada gu dugu ange aagena mee a de Maadua e dee iloo laa.

1 Corinthians 9:13

Goodou e dee iloo bolo dangada ne haia hegau o de temple ne kave alaadeu gai mai i de temple, gai dangada ne haia hegau i de mommee o ssigidaumaha ne kave delaadeu duuhanga mai i denga mee ne hai ai sigidaumaha?

2 Corinthians 11:23

Noo gilaadeu ni dangada hai hegau niio Klisdo, gai au e danuaa ange donu i gilaadeu — au e basa adu bei dagodo o dahi dangada senga. Agu hegau e maolunga ange, gai ne lagolago ange ogu hanonga ne tili ange ai gi lo te hale pono, gai e dee maua i de dau ogu hanonga ne hagailiilihia ai, ne dee modu dogu duu ange gi de magau.

2 Corinthians 3:6

Gai go ia ne haia gi maua e gimaadeu i de hai gi ni dangada hai hegau niio de hagatoo donu hagaheloongoi hoou. Gai de hagatoo donu hagaheloongoi tee sisi i de hainga, aagai ne sisi i daho de Hagasaalunga ⌊Dabu⌋. Gai de hainga ne sisi laa e daa ga maakau dangada, aagai de Hagasaalunga e gaamai de mouli.

2 Corinthians 6:4

gai gimaadeu gu hagaago danuaa adu i mee alodahi, bolo gimaadeu ni dangada hai hegau niio de Maadua: i demaadeu lodo mmahi i de golomagi lodo, i de masavaa o denga hagaduasala, ma mee hai ngadaa, aama mee hagamanavasaa,

Revelation 11:3

Gai au e hai naa gi hulo luoogu dangada tala hagadonu gi pasa pelaabisi i e 1,260 laangi, gai gilaau e kahu naa i malo daladala.”