Joel 1:12 - De Beebaa Dabu

¹² De grapevine gu magau, de fig gu mmae; de pomegranate, ma de palm aama de apple hogi, denga manu ssomo alodahi gu odi i de maakau. Gai gu deai donu se malangilangi i daho dangada.

Joel 1:12 Iomraidhean Croise

Psalm 4:7

Koe gu hai gi kii ange de laumalie dogu malangilangi i de malangilangi o dangada i de masavaa e lagolago ai grain ma tau uvaini.

Psalm 92:12

Tangada heohi e bei de nui somo danuaa, gai ia e somo bei dahi cedar o Lebanon.

Song of Songs 2:3

Dogu dau soa i magavaa o denga dama daane, e bei de apple i magavaa o denga manu ssomo o lodo henua. Au e malangilangi i de noho i lalo dono malu, gai au e hiigai ina ono hua.

Song of Songs 4:13

Au manu e doo ni pomegranate hhua danuaa, ma henna ma nard,

Isaiah 16:10

Gu deai se malangilangi be se lodo danuaa i lodo veelenga iai hua lagolago; gu deai dangada e daahili aabe hevaalogi i lodo veelengaa grape; gai gu deai dangada e dagadagahia grape e hai ai uvaini go hiidinga au gu hai gi tuu de hevaalogi ⌊i de malangilangi⌋.

Isaiah 24:11

Dangada e hagabuni i honga denga haiava ma e tangi i teai uvaini; de malangilangi alodahi gu sui ma gu se lodo baubau, gai de lodo danuaa alodahi gu dee maleva i henua i lalo.

Isaiah 24:7

Gu dai deai donu uvaini hoou, denga grapevine gu maakau; gai dangada alodahi nogo malangilangi laa gu tangi.

Isaiah 9:3

Koe gu hai gi soa de huaahenua, ma de hai gi kii ange delaadeu malangilangi; gilaadeu e malangilangi i mada luoo mada bei de malangilangi o dangada i de masavaa o de hagihagi, ma de malangilangi o denga daane i de masavaa e vaevae ai goloa e maua i de hebagi.

Jeremiah 48:3

Hagalaangona adu de tangi o dangada i Horonaim, gilaadeu e tangi i delaadeu vaivai haia ma de oohaa.

Jeremiah 48:33

Gai gu deai se malangilangi be se lodo danuaa i gelegele e doo ai manu i de henua o Moab. Au gu hai gi deai uvaini i mommee e kumi ai uvaini; gu deai hogi dangada e dagadagahia denga grape ma de malangilangi i kilaa; Gai dangada e oo, gai e dee se oo i delaadeu malangilangi.

Joel 1:10

Denga veelenga gu ngadi daakodo, gai de gelegele gu hagahinangalosaa ono dagodo; denga grain gu lava i de oha, gu deai donu hogi uvaini hoou ma lolo.

Joel 1:16

E aha, gidaadeu tee gidee laa teai gai, ma teai se malangilangi be se lodo danuaa i de hale o taadeu Maadua?

Jonah 4:7

Aagai taiao age huu gai de Maadua ne hai gi humai dahi ilo gi gaina de manu laa gi mmae ai.

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Malachi 3:11

Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.

Numbers 13:23

Gai gilaadeu ne hulo ga tae gi de geelonga o Eshcol, ga tuu iho dahi laa iai de gau looloa grape, ga nnoa ange gi dahi laagau, gai e dogolua daane ga saabai ga hulo ai gilaadeu. Gai gilaadeu ne kave hogi hanu hua pomegranate aama hanu hua fig.