Jeremiah 9:21 - De Beebaa Dabu

²¹ De magau gu gage mai laa lodo odaadeu abaaba vaaligiligi, ma gu ulu gi lodo odaadeu hale danuaa; gai gu daa ma gu maakau denga gauligi i honga haiava ma denga dama daane i mommee e hagabuni ai dangada.

Jeremiah 9:21 Iomraidhean Croise

2 Chronicles 36:17

Tagi Maolunga ne hai hogi gi humai de hodooligi o de gau Babylon gi hai baasi ange gi gilaadeu, gai ia ne daa ga maakau alaadeu dama daane i de gadilaasa i lo te laadeu mommee dabu, ia tee lodo aloha ange donu gi dahi alaadeu dama daane, be se damaa hine, be se daane maadua, aabe se daane madumadua. Gai de Maadua ne dugu ange ia gi hagadee kii ina gilaadeu.

Isaiah 40:30

Denga dama daane e daalea donu hogi ma odi olaadeu mahi, denga dama daane e baakuu donu;

Jeremiah 15:7

Au e nonu naa gilaadeu bei de hai e hili ai laa denga grain i de poogo laagau, i gaogao denga haitoga o de henua. Au e hai naa gilaadeu gi hinangalosaa i alaadeu dama, ma de daa gi maakau ogu dangada; go hiidinga gilaadeu tigi sui donu i olaadeu dagodo.

Jeremiah 18:21

Deenei ai, haia gi humai de onge gi alaadeu dama; haia gi daia gilaadeu gi maakau i de gadilaasa. Haia alaadeu haahine gi deai alaadeu dama ma de maakau olaadeu bodu; alaadeu daane gi maakau i de mee hagamaakau, gai alaadeu dama daane gi maakau i de gadilaasa i de hebagi.

Jeremiah 44:7

Gai e hagadaba Tagi Maolunga, de Maadua o denga hagabuulinga hebagi, go de Maadua o Israel: Gu aha goodou gu hai ai naa gi humai dahi hai ngadaa bee nei gi goodou, i doodou daa ga maakau denga daane ma haahine, ma gauligi aama gaagaa i Judah, gai gi deai ai oodou dangada e doe?

Jeremiah 50:30

Deenei ai, ono daane mmahi e maakau naa i honga ono haiava, gai ono daane hebagi alodahi e dee mmuu naa i de laangi laa, go Tagi Maolunga e hagadaba.

Jeremiah 6:11

Aagai au gu honu i de bole o Tagi Maolunga, au gu dee maua i de golomagi dogu bole. ⌊Gai e hagadaba Tagi Maolunga,⌋ “Haia gi hano iho lili gi denga gauligi i honga de haiava, ma denga dama daane gu hagabuni laa; gai e duu ange naa hogi gi taane ma dono bodu, ma de gau maatua, aama de gau madumaatua.

Jeremiah 6:21

Deenei ai, e hagadaba Tagi Maolunga, “Tilo, au e dugu naa hanu mee e haia ga baakuu de huaadangada nei. Denga damana ma denga dama e laavea ai naa ga baakuu; gai dangada e paa ange gi gilaadeu ma olaadeu soa e maakau ai naa.”

Jeremiah 7:33

Gai angaanga o de gau nei e gaavange naa e gai denga manu llele ma manu dolodolo gi gaina, gai e deai naa donu dangada e dugia gilaadeu.

Jeremiah 8:2

Gai olaadeu ivi e daakodo saele naa i lalo de laa ma de maasina aama denga heduu o de langi, go mee olaadeu ne llodo e hai hegau ange aagena, ma de daudali ai aama de daumaha ange aagena. Gai olaadeu ivi e dee hagabudu naa donu aabe e danu, aagai e bei naa denga duudae e daakodo saele laa i honga de gelegele.

Joel 2:9

Gilaadeu e llele laa honga de aduhale, gilaadeu e saavini i honga denga buibui; gilaadeu e kage age gi lodo hale, gai gilaadeu e ulu naa i denga abaaba vaaligiligi bei tangada gaiaa.

Amos 5:2

“Israel e bei de bua moe gu magau laa, gai e dee ahe ange naa donu e mouli age; gai gu dilia i honga dono henua donu, gu deai e hagahidi age ia.”

Amos 6:9

Noo e dinoangahulu daane e doe i dahi hale, gai gilaadeu alodahi e odi naa i de maakau.

Zephaniah 1:17

Au e hagahai ngadaa naa dangada, gai gilaadeu e seesee saele naa bei dagodo o de gau dee kide, go hiidinga gilaadeu gu haisala ange gi Tagi Maolunga. Olaadeu dodo e hagassii saele naa bei de mama o de gelegele, gai olaadeu angaanga e bei naa denga mee hakino gee.