Jeremiah 9:12 - De Beebaa Dabu

¹² Goai tangada gu heiangi abodonu e donu ange gi de mee nei? Gai goai a Tagi Maolunga gu tala ange mee nei aagena, gi maua ai e ia i de tala de mee nei? Gu aha gu maoha ai nei de henua ma gu ngadi dagodo be se vao, gu deai dangada e hulo laa kilaa?

Jeremiah 9:12 Iomraidhean Croise

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Psalm 107:43

Tangada heiangi gi daohia mee nei; gai ia gi manadua de abodonu o Tagi Maolunga.

Isaiah 42:23

Goai i oodou daha e hagalaangona muna nei, aabe noho e hagalaangona i laangi e loomai?

Jeremiah 23:10

De henua gu honu i de gau dagodo haisala; de henua gu dangi i hiidinga gu hagamalaia, gai mommee iai helii i lodo henua gu mmae. Alaadeu dahulinga gu baubau, gai gu dee hagahai hegau olaadeu sauaa i de heohi.

Jeremiah 23:16

Gai e hagadaba Tagi o denga hagabuulinga hebagi: “Goodou gi dee hagalaangona muna a denga pelaabisi e tala adu; gilaadeu e hai goodou gi tali hagalodolodo ange gi mee dee haigamaiana. Gilaadeu e tala midi alaadeu e hadu age donu huu i olaadeu lodo, e dee ni muna mai i daho Tagi Maolunga.

Jeremiah 23:22

Aagai noo gilaadeu ne tuu i mada luoogu mada, gai gilaadeu ne tala ange agu muna gi ogu dangada, ma de hai gilaadeu gi daahuli gee mai i alaadeu dahulinga dee heohi aama mai i alaadeu hegau baubau.

Jeremiah 23:28

De pelaabisi gu hai laa dahi midi gi daalaa dana midi, aagai tangada e daohia agu muna gi kana ange gi daalaa agu muna i de heohi. Gai e dee dagodo daudahi donu lau o de grain ma denga hua, go Tagi Maolunga e hagadaba.

Jeremiah 9:20

Denga haahine, goodou hagalaangona muna a Tagi Maolunga, huugea oodou dalinga hagalaangona ai ana muna. Agoagona ange oodou damaa hine i de hai e hai ai tangi see, gai goodou hagadau agoagona i de hai tau ange gi de magau.

Ezekiel 14:23

Gai gilaadeu e hagaaneane naa oo lodo, i de masavaa aau e gidee ai alaadeu dahulinga ma alaadeu hegau, gai goodou e iloo naa bolo au tee ngadi hai donu huu mee laa, go de Ia Aamua go Iahweh e hagadaba.”

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Hosea 4:10

Gilaadeu e gaimee naa aagai e dee maua gi boobosu; gilaadeu e hai be se manu naa, aagai e dee maua i de hagadili; go hiidinga gilaadeu gu daahuli gee i Tagi Maolunga gai ga dugu ange gilaadeu

Joel 1:11

De gau hai veelenga, go goodou gi dookaa, de gau e dooa denga grapevine, goodou tangi see; goodou tangi i teai wheat ma barley; go hiidinga teai huamanu e hagihagi.

Zephaniah 3:6

“Au gu hai gi llilo denga huaahenua; olaadeu mommee buibui makaga gu maoha. Au gu hai gi ngadi daakodo olaadeu haiava, gu deai donu dangada e seesee i kilaa. Olaadeu aduhale gu lava i de oha; gai e deai naa donu dangada e doe — gu deai donu dangada iai.

Matthew 24:15

“Deenei ai, noo gu gidee e goodou de mee hakino gee e haia laa ga ngadi dagodo de mommee, gu duu i de mommee dabu, go mee gu tala laa i daho de pelaabisi go Daniel,” (gai tangada e daulia muna nei gi donu ange),

Deuteronomy 32:29

Mee naa gi ni dangada heiangi gilaadeu ma de tonu ange gi de mee nei, gai gilaadeu gu tonu ange gi olaadeu dagodo i muli mai!

Revelation 1:3

E manuuia tangada e daulia muna pelaabisi nei, gai e manuuia hogi gilaadeu e langona ga daohi muna gu lava i de sisi; go hiidinga de masavaa gu baa mai donu.