Jeremiah 8:5 - De Beebaa Dabu

⁵ Gai gu aha de gau nei gu huuhuli gee ai nei? Gai gu aha Jerusalem gu duudagi ai nei de huli dua? Gilaadeu e daohi donu huu hegau hagasenga; gai gilaadeu e dee llodo e aahe mai.

Jeremiah 8:5 Iomraidhean Croise

Proverbs 4:13

Daohia agu agoago, aude dilia donu, gai diiloo ange gi danuaa, go hiidinga deenei doo mouli.

Isaiah 1:20

aagai noo goodou e dee llodo gai e hai oodou hai, gai goodou e daia naa ga maakau i de gadilaasa.” Tagi Maolunga gu tala muna nei.

Isaiah 30:10

Gilaadeu e hai ange gi dangada e gidee mee tigi loomai, “Goodou e dee hai gi gidee e goodou denga midi hagaago ange!” gai e hai ange gi denga pelaabisi, “Goodou aude pasa pelaabisi mai gi gimaadeu i de heohi! Aagai daalaa donu huu amaadeu e llodo e hagallongo, go muna pelaabisi e dee ni muna abodonu.

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Jeremiah 2:32

E aha, e maua e de gauligi hahine gi ngalo ono mee hagalaagii, aabe go de hine gu dai hai bodu i de ngalo ono malo? Aagai ogu dangada gu ngalo au i hanu laangi lagolago.

Jeremiah 3:5

koe ga lili naa donu i masavaa alodahi? Gai doo bole e duudagi naa donu ga hano ai?’ Tilo, aanei au muna gu tala, aagai koe e hai baubau alodahi aau e mau i de hai.”

Jeremiah 5:27

Olaadeu hale e hoohonu i hegau hagasenga, bei buibui e hoohonu laa i denga manu llele; gilaadeu gu kona de lava ma de mmahi,

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 5:6

Deenei ai, dahi laiono mai i lodo mee muimui e daa naa gilaadeu ga maakau, dahi wolf e hangahanga naa gilaadeu, dahi leopard e dagitilo naa i gaogao olaadeu aduhale e hangahanga dangada alodahi e ssao mai i kilaa, i hiidinga gilaadeu gu kona de hagamaanege gai ne lagolago olaadeu hanonga ne aahe dua ai.

Jeremiah 6:17

Au ne hili hanu dangada dagitilo moodou, ga hai ange, ‘Goodou hagalaangona de ili o de hanga manu!’ Aagai goodou e hagataba, ‘Gimaadeu e dee hagallongo donu.’

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Jeremiah 9:6

Gu kona mmao de vaivai haia o dangada, gu laumalie de hagasenga, gai dangada gu dee llodo gi iloo e gilaadeu au,” go Tagi Maolunga e hagadaba.

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Hosea 11:5

E aha, gilaadeu e dee aahe naa gi Egypt, gai Assyria e dee dagi naa gilaadeu, i hiidinga delaadeu dee llodo e daahuli olaadeu lodo?

Hosea 11:7

Ogu dangada e nnoho huu e daahuli gee i de au, gai ga hagahia naa donu e gilaadeu de Ia Maolunga Mmao laa, aagai ia e dee hagahiihidi age donu gilaadeu.

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Hosea 4:16

De gau Israel e hagamakaga olaadeu lodo, bei dagodo o de kaau hahine; gai e maua ai naa e Tagi Maolunga i de hagaloosi gilaadeu bei denga ssiibi i de mommee laumalie iai helii?

Zechariah 7:11

Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna.

John 5:40

aagai goodou e dee llodo e loomai gi de au gi maua ai e goodou de mouli.

1 Thessalonians 5:21

aagai hagataalea ange mee alodahi; gai daohi mee danuaa.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Revelation 2:25

aagai goodou daohia donu huu de gai oodou gu kave naa ga dae ai gi dogu humai.