Jeremiah 8:18 - De Beebaa Dabu

¹⁸ Dogu hinangalosaa gu dee maua gi ui, gai ogu lodo gu baageaa.

Jeremiah 8:18 Iomraidhean Croise

Psalm 143:7

Tagi Maolunga, hagamoolau basa mai gi de au; dogu hagasaalunga gu daemaha mmao. Koe gi dee hagamuunia luoo mada i de au, ana vakaa au ga bei gilaadeu e hulo laa gi de mommee o de gau maakau.

Isaiah 22:4

Deenei ai, au e hagadaba, “Goodou hulo gee mai i ogu daha; dugua donu huu au gi dangi see. Aude hagaaneane ina mai au, i dogu dangi i de oohaa o de aduhale o ogu dangada.”

Jeremiah 23:9

Dagodo o denga pelaabisi: Gu mmae mmao ogu lodo; ogu ivi alodahi gu bolebole. Au gu bei tangada gu unu laa ma gu senga, ma tangada gu dagina laa i denga uvaini, i hiidinga o Tagi Maolunga aama hiidinga o ana muna dabu.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

Jeremiah 6:24

Gimaadeu gu langona olaadeu longo, gai omaadeu lima gu pole. Gimaadeu gu dee paba mmao omaadeu lodo, gimaadeu gu mmae bei de hine gu hai ono hagalangona.

Jeremiah 9:1

Mee naa gi se saalingaa vai dogu biho gai luoogu mada gi se vai e ssali ai loimada! Gai au ga dangi ai i de laangi ma de boo i hiidinga de daaia ga maakau o ogu dangada!

Lamentations 5:17

Gimaadeu gu mmae omaadeu lodo i hiidinga o de mee nei, omaadeu ganomada gu dee kide i hiidinga o mee nei.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.