Jeremiah 7:23 - De Beebaa Dabu

²³ aagai au ne tala ange gi gilaadeu muna nei: ‘Goodou hagallongo mai gi de au, gai au ga hai ai goodou go ogu dangada, gai au go doodou Maadua. Goodou daudali i mee alodahi aagu gu tala adu gi goodou, gi danuaa adu ai gi goodou.’

Jeremiah 7:23 Iomraidhean Croise

De Beebaa go Job 36:11

Noo gilaadeu e daudali ange ma de daumaha ange gi de ia, gai gilaadeu e duadonu i taulooloa olaadeu mouli, gai gilaadeu e malangilangi i taulooloa olaadeu ngadau.

Psalm 119:3

gai e dee hai hegau i mee dee heohi, aagai gilaadeu e seesee i ono lodo.

Psalm 40:6

Koe e dee lodo i sigidaumaha ma mee ngadi gaavange, gai koe gu hhuge luoogu dalinga. Koe tee hai au gi haia ssigidaumaha dudu ma ssigidaumaha o haisala.

Psalm 81:13

Mee naa gi hagallongo mai ogu dangada gi de au, gai Israel gi daudali i ogu lodo!

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Exodus 16:32

Gai Moses ga hai ange, “Tagi Maolunga gu hagadaba, bolo goodou gi haoa e dahi omer maana ga doange e tilo oodou atangada i muli mai, gi gidee ai e gilaadeu de gai aagu ne haangai adu ai goodou i de vao, i dua dagu dagi goodou ga kave gee mai i de henua go Egypt.”

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Jeremiah 11:4

go agu muna gu tala ange gi oodou dubuna madagidagi, i de masavaa aagu ne hagassao mai ai gilaadeu i Egypt, go de ahi mmahi e hagavaivai ai laa denga iron. Gai au ne hai ange, ‘Goodou hagallongo mai gi de au, ma de hai mee alodahi aagu gu tala adu gi goodou, gai au ga hai ai goodou go ogu dangada, gai au go doodou Maadua.

Jeremiah 11:7

Mai i de masavaa aagu ne hagassao mai ai oodou dubuna i Egypt ga dae mai ai gi anailaa nei, gai tee modu dagu hagakana ange gilaadeu, ma de hai ange, “Goodou hagallongo mai gi de au.”

Jeremiah 13:11

Gai e bei de mee e nnoa ai laa lo te ungaalodo o tangada, au ne nnoa ange naa dangada o Israel ma dangada o Judah gi lo togu ungaalodo, go Tagi Maolunga e hagadaba, e hai ai gilaadeu go dogu hagabuulingaa dangada, gai gilaadeu ga kave ai dogu ingoo ma de tuhi au, aama de hagamahamaha ai au. Aagai gilaadeu tee hagallongo mai gi de au.

Jeremiah 22:21

Au ne basa adu gi de goe i de masavaa oou e duadonu ai, aagai koe ne hai mai, ‘Au e dee hagallongo adu!’ Deenei dau dahulinga e hai mai i doo gauligi; koe tee hagallongo mai donu gi de au.

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Jeremiah 24:7

Gai au e hai naa gi iloo e gilaadeu i olaadeu lodo, bolo go au donu go Iahweh. Gai gilaadeu go ogu dangada, gai au go delaadeu Maadua, go hiidinga gilaadeu e aahe mai naa gi de au i olaadeu lodo alodahi.

Jeremiah 31:33

Gai deenei dagu hagatoo donu hagaheloongoi e hai madali dangada o Israel i dua laangi laa, go Tagi Maolunga e hagadaba. Au e hai naa gi daakodo agu hainga i alaadeu maanadu, ma de sisi ange gi olaadeu lodo. Gai au e hai naa go delaadeu Maadua, gai gilaadeu go ogu dangada.

Jeremiah 32:23

Gai de masavaa huu olaadeu ne loomai ga henua ai, gai gilaadeu tee hagallongo adu gi au muna, aabe ne seesee i au hainga; gilaadeu tee hai donu dahi mee daudahi, aau ne tala ange gilaadeu gi haia. Deelaa ai, koe gu hai gi loomai denga hai ngadaa nei alodahi gi gilaadeu.

Jeremiah 38:20

Jeremiah ga hai ange, “Gilaadeu e dee poo naa donu goe e gaavange gi gilaadeu. Gai koe daudali i muna a Tagi Maolunga aagu e tala adu gi de goe, gi danuaa adu ai gi de goe, gai doo mouli e ola naa.

Jeremiah 42:6

E dee hilihili donu be e danuaa aabe e baubau, gai gimaadeu e hagallongo ange naa donu gi Tagi Maolunga taadeu Maadua, go de ia amaadeu e hai goe gi hano gi ono daha, gi danuaa mai ai gi gimaadeu, i demaadeu hagallongo ange gi Tagi Maolunga taadeu Maadua.”

Zephaniah 3:2

Se aduhale e dee hagallongo ange gi dahi, ma tee malangilangi i de hagaheohi a dahi ia. Gai ia e dee hagadonu Tagi Maolunga, gai e dee lodo e hagabaa ange gi dono Maadua.

Zechariah 6:15

Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”

Zechariah 7:7

E dee aanei muna a Tagi Maolunga gu tala i daho ono pelaabisi i mua, i de masavaa o Jerusalem e honu ai i tangada ma de lava. Gai denga aduhale i luoono baasi, ma de bido gi ngaage aama mommee iai duuduu paa i lalo e nnoho ai hogi dangada.’ ”

Romans 16:26

aagai iainei gu hagaago mai ma de hai gi iloo e denga huaahenua alodahi i muna a denga pelaabisi gu lava laa i de sisi, bei dagodo muna a de Maadua e dee ngado mai laa, gi maua ai e gilaadeu i de daudali ai i de gai —

2 Corinthians 10:5

Gimaadeu e daa denga maanadu hagamaolunga alodahi e hai baasi ange laa gi de iloo de Maadua, ma de noonooa denga maanadu alodahi ga hai gi hagallongo ange gi Klisdo,

Deuteronomy 11:27

se hagamanuuia noo goodou e hagallongo ange gi muna a Tagi Maolunga doodou Maadua, aagu gu tala adu gi goodou anailaa nei,

Deuteronomy 13:4

Gai goodou daudali ange i Tagi Maolunga doodou Maadua, gai maatagu i de ia. Daohi ana muna, ma de hagallongo ange gi de ia, ma de daumaha ange gi de ia, aama de hagapigi ange gi de ia.

Deuteronomy 13:5

Aagai de pelaabisi aabe go tangada e haia denga midi e daa donu gi magau, go hiidinga ia gu hai dangada gi hai baasi ange gi Tagi Maolunga doodou Maadua, go ia ne hagassao ina mai goodou i de henua go Egypt, ma de hagaola goodou mai i de henua oodou nogo hai hegau hagaduasala ina ai. De gau bee nei ne hai goodou gi daahuli gee, i de haiava a Tagi Maolunga doodou Maadua gu tala adu goodou gi daudali ai. Goodou aaua gee donu de baubau nei mai i oodou daha.

Deuteronomy 30:2

gai goodou ma oodou dama ga aahe mai gi Tagi Maolunga doodou Maadua, ga daudali i ana muna, i oodou lodo alodahi aama oodou hagasaalunga alodahi, bei dagu hai gu tala adu ai gi goodou anailaa nei,

Deuteronomy 30:20

ma de aaloha i Tagi Maolunga doodou Maadua, ga hagallongo ange gi ana muna, ma de hagapigi ange gi de ia. Go hiidinga Tagi Maolunga go doodou mouli, gai ia e hai naa gi lagolago oodou laangi e mouli ai, i honga de henua aana gu hagatoo donu ange gi oodou dubuna madagidagi, go Abraham, ma Isaac, aama Jacob.

Deuteronomy 30:8

Gai goodou e aahe ange naa ga hagallongo ange gi Tagi Maolunga, ma de daohi ana muna alodahi, aagu e tala adu nei gi goodou anailaa nei.

Deuteronomy 4:10

gai dagodo o de laangi oodou ne tuu ai, i mada luu mada o Tagi Maolunga doodou Maadua i Horeb, i de masavaa aana ne hai mai gi de au, “Hagabuni ina mai de huaadangada gi mada luoogu mada, gai au ga tala ange gi langona e gilaadeu agu muna, gi iloo ai e gilaadeu de maatagu i de au, i taulooloa olaadeu mouli i honga de henua, gai gilaadeu ga agoago ange ai alaadeu dama.”

Deuteronomy 4:40

Deenei ai, goodou daohia ana mee gu hagasauaa aama ana hainga gu tala adu gi goodou, go hainga aagu e tala adu nei gi goodou anailaa nei, gi danuaa adu ai gi goodou ma oodou dama e loomai i oodou dua, gai goodou ga nnoho ai i de henua a Tagi Maolunga doodou Maadua e gaavadu gi goodou ga hano ai.

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.

Deuteronomy 5:29

Mee naa gi deenei dagodo olaadeu lodo; gilaadeu e maatagu i de au ma de daudali i agu hainga alodahi, gi nnoho paba ai gilaadeu ma alaadeu dama e loomai i olaadeu dua.

Deuteronomy 5:33

Goodou daudali i muna alodahi a Tagi Maolunga doodou Maadua gu tala adu gi goodou, gi mouli ai goodou ma de nnoho paba, gai gi daulooloa ai doodou nnoho i honga de henua oodou ga hulo naa e kave.

Deuteronomy 6:3

De gau Israel, goodou hagalaangona, ma de kana ange ga daudali i mee nei, gi nnoho paba ai goodou ma de hagadili ga soa, i de henua iai vai uu ma hooni lagolago, bei de hai a Tagi Maolunga de Maadua o oodou dubuna madagidagi gu hagatoo donu adu ai gi goodou.

Hebrews 5:9

gai ga honu abodonu huu dono heohi, gai ia gu hai ai tagelo o de mouli e dee ngado ange gi dangada alodahi e hagallongo ange gi de ia,

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.