Biblia Todo Logo
Bìoball air-loidhne

- Sanasan -




Jeremiah 7:19 - De Beebaa Dabu

19 E aha, go au alaadeu gu hai laa gi lili? go Tagi Maolunga e hagadaba. E aha, e dee go gilaadeu donu huu alaadeu e hagammae ma de hagadookaa?

Faic an caibideil Dèan lethbhreac




Jeremiah 7:19
21 Iomraidhean Croise  

Mai i de masavaa o omaadeu dubuna madagidagi ga dae mai ai gi anailaa nei, gai gimaadeu gu kona mmao de haisala. Gai go hiidinga omaadeu haisala, gimaadeu ma omaadeu hodooligi, ma omaadeu dangada haimeedabu gu daia i de gadilaasa, ma de gaavee gee i de henua, gimaadeu gu gaiaadia omaadeu goloa, ma de hagadookaa ina i daho hodooligi o denga henua gee, bei omaadeu dagodo anailaa nei.


Noo koe e haisala, gai ni aha e baubau ange ai laa gi de Maadua? Noo gu lagolago oo haisala, gai ni aha ai aau gu hai ange laa gi de ia?


aagai noo goodou e dee llodo gai e hai oodou hai, gai goodou e daia naa ga maakau i de gadilaasa.” Tagi Maolunga gu tala muna nei.


Deenei ai, de Ia Aamua, Tagi o denga hagabuulinga hebagi, de Ia Mmahi o Israel, e hagadaba: “E vakaa naa ogu hagadaumee, au e hagaduasala naa gilaadeu i dogu bole, ma de sui ange hegau a dangada e kino i de au.


Alodahi e haia denga diinonga e dookaa naa, ma de hagangadi mee ina; gilaadeu alodahi e ssenga ange naa.


Tinana ne hanaua e dogohidu dama e baageaa naa ga hai ana manava hagaodi. De laa o dono mouli e danu naa donu huu i lo te laangi; ia e hagadogaa ma de hagangadi mee ina. Gai au e daa naa gi maakau dangada e doe i de gadilaasa, i mada i mua o olaadeu hagadaumee,” go Tagi Maolunga e hagadaba.


Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?


Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.


Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.


De madangi e ili ga kave gee oo dangada hagaloosi, gai dangada e balea adu goe i de hebagi e gaavee gee naa. Gai koe e hagadogaa ina naa ma de hagangadi mee ina i hiidinga o au hegau baubau alodahi.


Aagai goodou tee hagallongo mai gi de au, go Tagi Maolunga e hagadaba, aagai ne hai au ga lili i oodou hegau, ga hidi mai ai doodou duasala.


Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”


go hiidinga baubau alaadeu ne hai ga lili ai au, i delaadeu dudu denga mee maanongi ma de daumaha ange gi denga diinonga alaadeu ma olaadeu dubuna tigi iloo.


Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”


De leo o tangi see e langona mai i Zion: ‘Gidaadeu gu odi i de maoha! Gidaadeu gu kona mmao i de dookaa. Gidaadeu e hulo gee donu i taadeu henua i hiidinga odaadeu hale gu maoha.’ ”


Koe ne hai be se manu madali de gau Egypt, go dangada e paa adu gi de goe gai e llodo e dagodo haisala, gai koe ga hai ai gi kona dogu lili.


E aha, gidaadeu e llodo e hai gi lodo gaiaa Tagi Maolunga? E aha, gidaadeu e mmahi ange laa i de ia?


Gilaadeu ne hai ia ga maagoda i olaadeu diinonga, ma de hai ga lili ia i alaadeu hegau hakino gee.


Lean sinn:

Sanasan


Sanasan