Jeremiah 7:13 - De Beebaa Dabu

¹³ De masavaa oodou e hai ai mee nei alodahi, go Tagi Maolunga e hagadaba, au tee modu de basa adu gi goodou, aagai goodou tee hagallongo mai; au ne hagahi goodou, aagai goodou tee pasa mai.

Jeremiah 7:13 Iomraidhean Croise

Proverbs 1:24

Au ne hagahi goodou, gai goodou tee llodo e hagallongo agu muna; au ne haalo adu dogu lima gi goodou, gai teai se goodou ne anga mai;

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Isaiah 65:12

au e hagadabena adu naa gi goodou de gadilaasa, gai goodou alodahi e ino ange naa gi de ia e daia gi maakau; go hiidinga au ne hagaagahi, aagai goodou tee pasa mai, au ne basa adu, aagai goodou tee hagallongo. Goodou ne hai de baubau i mada luoogu mada, ma de hilihili mee oogu e dee malangilangi ai.”

Isaiah 66:4

deelaa ai, au e hilihili naa hogi de hai gi vaivai haia gilaadeu, ma de hai gi tuu ange gilaadeu gi mee olaadeu e maatagu ai. Go hiidinga de masavaa aagu ne hagaagahi ai, aagai teai ne basa mai; de masavaa oogu ne basa ai, aagai tee hagalaangona. Aagai gilaadeu ne hai de baubau i mada luoogu mada, ma de hilihili mee oogu e dee malangilangi ai.”

Jeremiah 11:7

Mai i de masavaa aagu ne hagassao mai ai oodou dubuna i Egypt ga dae mai ai gi anailaa nei, gai tee modu dagu hagakana ange gilaadeu, ma de hai ange, “Goodou hagallongo mai gi de au.”

Jeremiah 11:8

Aagai gilaadeu tee hagallongo mai, aabe ne aanga mai gi agu muna, gai ne hagamakaga olaadeu lodo baubau. Gai au ne gaavange gi gilaadeu denga hagamalaia, gu tala laa i de hagatoo donu hagaheloongoi, go mee aagu ne tala ange gilaadeu gi daudali ai, aagai gilaadeu tee daudali ai.’ ”

Jeremiah 13:10

De hagabuulingaa dangada baubau nei tee llodo e hagallongo mai gi de au, gai ne hagamakaga olaadeu lodo, gai ne hulo ga daudali ange i denga diinonga ma de daumaha ange gi gilaadeu, e bei donu dagodo o de mee nnoa ungaalodo nei — gilaadeu gu deai donu olaadeu haigamaiana!

Jeremiah 13:11

Gai e bei de mee e nnoa ai laa lo te ungaalodo o tangada, au ne nnoa ange naa dangada o Israel ma dangada o Judah gi lo togu ungaalodo, go Tagi Maolunga e hagadaba, e hai ai gilaadeu go dogu hagabuulingaa dangada, gai gilaadeu ga kave ai dogu ingoo ma de tuhi au, aama de hagamahamaha ai au. Aagai gilaadeu tee hagallongo mai gi de au.

Jeremiah 25:3

“Ne madalua ma dolu ngadau — mai i de madaangahulu ma dolu ngadau o Josiah, tama daane a Amon ne hodooligi ai i Judah ga dae mai ai gi anailaa nei — Tagi Maolunga ne hagaago mai ana muna gi de au, gai au e dee modu dogu basa adu ai gi goodou, gai goodou e dee hagallongo mai.

Jeremiah 26:5

ma de hagallongo ange gi muna a ogu dangada hai hegau go denga pelaabisi, aagu gu dee modu laa de hai gi loadu gi oodou daha, aagai goodou tigi hagallongo ange donu gi gilaadeu;

Jeremiah 29:19

Go hiidinga gilaadeu tee hagallongo mai gi agu muna, go Tagi Maolunga e hagadaba; go muna aagu tee modu de tala ange gi gilaadeu, i daho ogu dangada hai hegau go denga pelaabisi. Aagai goodou tee llodo e hagallongo alaadeu muna, go Tagi Maolunga e hagadaba.

Jeremiah 32:33

Gilaadeu gu huuhuli mai olaadeu dua gi de au e dee go olaadeu mada; gai e dee galemu donu tee modu dagu agoago ange gilaadeu, aagai gilaadeu e dee hagallongo mai aabe daohi agu haelenga.

Jeremiah 35:14

Jonadab tama daane a Recab ne tala ange gi ana dama gilaadeu gi dee unumia uvaini, gai gilaadeu ne daohi muna nei. Gilaadeu tee unu donu uvaini ga dae mai ai gi anailaa nei, go hiidinga gilaadeu ne daudali i muna a delaadeu dubuna gu tala ange gi gilaadeu. Aagai au gu dee modu dogu basa adu gi goodou, gai goodou e dee hagallongo mai gi de au.

Jeremiah 35:15

Au gu dee modu hogi de hai ogu dangada hai hegau, go denga pelaabisi gi loadu gi oodou daha, gi hai adu, ‘Dahi ma dahi gi hano gee mai i ana hegau baubau, ma gi suuia ana dahulinga; gai goodou gi dee daudali ange i denga diinonga, ma de daumaha ange gi gilaadeu, gi maua ai e goodou i de nnoho i de henua, aagu gu gaavadu gi goodou ma oodou dubuna.’ Aagai goodou tee aanga mai aabe ne hagallongo mai gi de au.

Jeremiah 35:17

Deenei ai, e hagadaba Tagi Maolunga, de Maadua o denga hagabuulinga hebagi, de Maadua o Israel: Tilo, au e hai naa gi loomai denga hagaduasala alodahi aagu gu lava laa i de tala e hai baasi ange ai gi Judah ma dangada alodahi e nnoho i Jerusalem, go hiidinga au ne basa ange gi gilaadeu, aagai gilaadeu tee hagallongo mai; au ne hagaagahi gilaadeu, aagai gilaadeu tee pasa mai.”

Jeremiah 44:23

Gai go hiidinga goodou ne hai ssigidaumaha i mee maanongi, ma de hai baasi ange gi Tagi Maolunga i doodou haisala, gai tee hagallongo ange gi muna a Tagi Maolunga, aabe ne daudali i ana hainga ma ana muna gu hagasauaa, aama ana muna gu tala — deenei ai, de hai ngadaa nei gu hai adu gi goodou, bei doodou hai gu gidee ai naa anailaa nei.”

Jeremiah 44:4

Gai tee modu donu dagu hai gi loadu ogu dangada hai hegau go denga pelaabisi gi oodou daha, gi hai adu, ‘Goodou aude haia hegau hakino gee oogu e kino ai laa!’

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Jeremiah 6:10

Goai aagu e basa ange aagena ma de hagakana ange? Gai goai naa e hagalangona agu muna? Tilo, olaadeu dalinga gu pono, gai gilaadeu gu dee maua i de hagallongo. Tilo, muna a Tagi Maolunga gu ni mee hakadanga i olaadeu daha; gilaadeu e dee malangilangi ai donu.

Jeremiah 7:25

Mai i de masavaa o oodou dubuna madagidagi ne ssao mai ai i Egypt ga dae mai ai gi anailaa nei, gai tee modu dagu hai gi loomai ogu dangada hai hegau go denga pelaabisi gi olaadeu daha.

Hosea 11:2

Aagai ga dee modu huu dagu hagaagahi gilaadeu, gai gu kii ange donu delaadeu hulo ga hagammao gee i de au. Gilaadeu ne sigidaumaha ange gi denga Baal, ma de dudu mee maanongi ange gi denga diinonga.

Hosea 11:7

Ogu dangada e nnoho huu e daahuli gee i de au, gai ga hagahia naa donu e gilaadeu de Ia Maolunga Mmao laa, aagai ia e dee hagahiihidi age donu gilaadeu.

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Zechariah 7:13

Au e dee hagallongo naa hogi delaadeu dangidangi, i de masavaa alaadeu e hagahi mai ai au, bei delaadeu hai tee hagallongo ai laa agu muna, go Tagi o denga hagabuulinga hebagi e hagadaba.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!