Jeremiah 6:23 - De Beebaa Dabu

²³ Gilaadeu gu dau alaadeu mee hholu ma olaadeu dao; gilaadeu e vaivai hai dangada ma tee llodo aaloha. Delaadeu loomai i honga hoosa e bei de hadihadi mai o denga beabeau; gilaadeu e hagatau hugadoo i olaadeu hagabuulinga hebagi, e hebagi adu gi de goe, tamaa hine o Zion.”

Jeremiah 6:23 Iomraidhean Croise

Isaiah 10:32

Anailaa nei gai ia e nnoho naa i Nob, ia e tugi ange naa dono lima gi tamaa hine o Zion, i de mounga o Jerusalem.

Isaiah 13:18

Alaadeu mee hholu e daa naa ga maakau denga dama daane, gilaadeu e dee abodonu ange naa gi denga gaagaa, aabe e llodo aaloha ange gi denga gauligi.

Isaiah 17:12

Hagalaangona adu de hagalongaa o denga huaahenua soa; olaadeu leo e bei de saamumu o denga beau! Hagalaangona adu de hellumi o denga huaadangada; gilaadeu e haganngolo bei tai laumalie!

Isaiah 19:4

Au e dugu ange naa de gau Egypt gi dahi dagi e vaivai haia laa dangada gai dahi hodooligi hagamaatagu e dagi naa gilaadeu,” go de Ia Aamua, Tagi o denga hagabuulinga hebagi e hagadaba.

Jeremiah 25:32

E hagadaba Tagi o denga hagabuulinga hebagi: “Tilo, dahi hai ngadaa e duu ange naa gi denga huaahenua alodahi; dahi madangi mmahi e ssau mai naa i luu bido o henua i lalo.”

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 30:14

Oo dau soa alodahi gu ngalo goe, gilaadeu e dee anga adu donu gi de goe; i hiidinga au gu hagalagohia goe bei de hagadaumee, ma de hagaduasala goe bei tangada alasala e deai sono lodo aloha, i hiidinga doo hagabaubau ina e laumalie mmao, gai oo haisala e lagolago mmao.

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Jeremiah 4:16

“Hagamanadua ange gi denga huaahenua, gai hagailoo ina i Jerusalem: ‘Dahi hagabuulinga hebagi gu loomai i dahi henua mmao; gilaadeu e hevaalogi e daamada de hebagi ange gi aduhale o Judah.

Jeremiah 4:29

Denga aduhale gu maatagu, i delaadeu langona leo o denga daane i honga hoosa ma denga daane e dilia mee hholu. Hanu e hulo naa ga mmuni i lodo mee muimui, hanu e kage age gi magavaa hadu. Gai denga aduhale alodahi gu dilia; gu deai donu dangada e nnoho ai.

Jeremiah 5:16

Alaadeu mee hhao dao e bei dahi daanunga e mahuge laa; gai gilaadeu alodahi ni daane dau i de hebagi.

Jeremiah 50:41

Tilo, dahi hagabuulingaa dangada e loomai naa i ngaiho; dahi huaahenua soa ma hodooligi soa, e loomai naa i luu bido o henua i lalo.

Jeremiah 50:42

Gilaadeu e hagauda alaadeu mee hholu ma olaadeu dao; gilaadeu e alasala ma tee llodo aaloha. Delaadeu loomai e bei de haganngolo o de moana i de masavaa olaadeu e saavini mai ai i honga hoosa; gilaadeu e loomai bei denga daane hebagi e hagatau laa i olaadeu hagabuulinga e hebagi adu gi de goe, tamaa hine o Babylon.

Jeremiah 6:4

⌊Gilaadeu e hagataba,⌋ “Hagadabena e hebagi ange gi de aduhale! Hiihidi age, gidaadeu ga hebagi i de hualaangi! Aagai gu baubau, de laa ga danu nei, gai ga danu nei donu de laa.

Jeremiah 8:16

De haganngolo usu o denga hoosa a de hagadaumee e langona mai loo i Dan; gai de hagalongaa o alaadeu hoosa daane, gu hai ma gu bolebole de henua alodahi. Gilaadeu gu loomai e oha de henua ma mee alodahi iai; de aduhale ma dangada alodahi e nnoho i kilaa.”

Ezekiel 21:31

Au e hagaduasala naa goe i dogu bole ma de hai baasi adu gi de goe i de kona dogu bole; au e dugu ange naa goe gi de gau alasala, go dangada e aabo i de oha mee.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,