Jeremiah 6:10 - De Beebaa Dabu

¹⁰ Goai aagu e basa ange aagena ma de hagakana ange? Gai goai naa e hagalangona agu muna? Tilo, olaadeu dalinga gu pono, gai gilaadeu gu dee maua i de hagallongo. Tilo, muna a Tagi Maolunga gu ni mee hakadanga i olaadeu daha; gilaadeu e dee malangilangi ai donu.

Jeremiah 6:10 Iomraidhean Croise

Psalm 1:2

Aagai ia e malangilangi i hainga a Tagi Maolunga, ma de maanadu ana hainga i de laangi ma de boo.

Psalm 119:16

Au e malangilangi i au hainga gu hagasauaa; au e dee ngalo naa donu au muna.

Psalm 119:174

Tagi Maolunga, au gu lodo mmao gi dae mai dau hagaola, gai au e malangilangi i dau hainga.

Psalm 119:24

Au e malangilangi i au muna, gai go au muna dogu ia bale.

Psalm 119:35

Dagina huu au i de haiava o au hainga, go hiidinga au e malangilangi ai.

Psalm 119:70

Olaadeu lodo gu makaga bei denga kiliisi, aagai au e malangilangi i au hainga.

Psalm 119:77

Lodo aloha mai gi de au, gi mouli ai au, go hiidinga au e malangilangi i dau hainga.

Psalm 40:8

Dogu Maadua, au e lodo e daudali i dau hagatau; au hainga gu daakodo i ogu lodo.”

Exodus 6:12

Aagai Moses ga hai ange gi Tagi Maolunga, “De gau Israel e dee hagallongo mai gi de au, gai dee hee naa de hai o Pharaoh e maua ai i de hagallongo agu muna? Au se dangada donu e dee maua i de basa gi danuaa i honga o dangada.”

Isaiah 42:20

Gu lagolago au mee gu gidee, aagai koe e dee anga ange aagena; luoo dalinga e maahuge, aagai koe e dee langona.”

Isaiah 53:1

Goai e hagadonusia amaadeu muna gu tala? Gai goai a Tagi Maolunga gu hagaago ange aagena ssauaa o dono lima?

Jeremiah 35:13

“E hagadaba Tagi o denga hagabuulinga hebagi, de Maadua o Israel: Hannoo hai ange gi denga daane o Judah ma dangada alodahi e nnoho i Jerusalem: Goodou e dee llodo e kave agu agoago ma de daudali i agu muna? go Tagi Maolunga e hagadaba.

Jeremiah 4:4

Goodou gi tuu dagaholiage ange gi Tagi Maolunga, gai tuu dagaholiage ina oodou lodo, goodou e dangada o Judah ma dangada o Jerusalem; kana humai dogu bole bei de ahi ula e dee maua laa i de diinei, i hiidinga o oodou hegau baubau.

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Jeremiah 7:13

De masavaa oodou e hai ai mee nei alodahi, go Tagi Maolunga e hagadaba, au tee modu de basa adu gi goodou, aagai goodou tee hagallongo mai; au ne hagahi goodou, aagai goodou tee pasa mai.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Ezekiel 3:7

Aagai de gau Israel e dee llodo e hagallongo au muna, go hiidinga gilaadeu e dee llodo e hagallongo agu muna, gai dangada alodahi o Israel e hagamaanege ma de hagamakaga olaadeu lodo.

Ezekiel 33:3

gai noo ia e gidee de gadilaasa gu humai gi de henua, gai ia e ili de hanga manu ga hagailoo ange ai gi dangada,

Ezekiel 33:9

Aagai noo koe e hakana ange tangada baubau ia gi dahuli gee i ana hegau baubau, gai ia e dee dahuli gee ai, gai ia e magau naa donu i hiidinga ono haisala, aagai koe e hagaola naa donu goe.

Amos 7:10

Gai Amaziah tangada haimeedabu o Bethel ne aalu gi Jeroboam de hodooligi o Israel, ga hai ange, “Amos gu noho e hai baasi adu gi de goe i honga de henua go Israel. Gai de henua gu dee llodo i ana muna alodahi e tala.

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Luke 11:45

Dahi dangada agoago o de hainga ne hai ange hogi gi de ia, “Tangada Agoago, koe e hagadookaa donu hogi gimaadeu i au muna!”

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

John 9:40

Gai hanu Pharisee i kilaa ne langona e gilaadeu ana muna, ga ssili ange gi de ia, “E aha, koe e hagadaba naa bolo gimaadeu e dee kide hogi?”

Acts 7:51

Goodou ni dangada e makaga oodou lodo! Oodou lodo e makaga gai oodou dalinga e longoduli. Gai goodou e hai baasi ange donu gi de Hagasaalunga Dabu i masavaa alodahi; goodou e bei donu oodou dubuna madagidagi!

Acts 7:60

Gai Stephen ga duuduli ga basa i de leo mmahi ga hagadaba, “Tagi Maolunga, koe gi dee dau ina ange sala nei gi gilaadeu.” Gai ga lava huu i dana tala muna nei, gai ia gu magau.

Romans 7:22

Au e malangilangi i de hainga a de Maadua, i ogu lodo alodahi,

Deuteronomy 29:4

Aagai Tagi Maolunga tigi hai gi maua e goodou i de tonu ange, gi mee alodahi oodou gu gidee ma de langona, ga dae mai ai gi anailaa nei.

Colossians 1:28

Gai go ia donu omaadeu e agoago ai nei, ma de hagakana ange ai dangada alodahi i de heiangi alodahi, gi maua ai e gimaadeu i de gaamai gilaadeu alodahi gu maatua abodonu i lodo o Klisdo.

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.