Jeremiah 51:10 - De Beebaa Dabu

¹⁰ ⌊Dangada e hagataba,⌋ ‘Tagi Maolunga gu tala odaadeu heohi; loomai, gidaadeu ga tala i Zion dagodo hegau a Tagi Maolunga, taadeu Maadua gu hai.’

Jeremiah 51:10 Iomraidhean Croise

Psalm 118:17

Au e dee magau donu aagai e mouli, ga tala dagodo hegau hagalele mouli a Tagi Maolunga.

Psalm 37:6

Ia e hai naa gi sula mai doo heohi bei de maalama o taiao, gai doo heohi gi bei de mmahi o de laa i de madohi lua o de laangi.

Psalm 64:9

Dangada alodahi e maatagu naa; gilaadeu e tala naa dagodo hegau a de Maadua ma de maanadu dagodo o ana hegau gu hai.

Psalm 66:16

Goodou alodahi e maatagu i de Maadua, loomai hagalaangona, gai au ga tala adu dagodo ana mee ne hai mai gi de au.

Psalm 9:14

gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

Isaiah 24:14

Gai dangada e doe e oo naa ga daahili ma de malangilangi. Gilaadeu i de baasi ange gi tai e tuhi naa de maolunga o Tagi Maolunga.

Isaiah 40:2

Hagamaamaane ina lodo o Jerusalem; daalaa ange gi de aduhale laa bolo gu odi ange dono masavaa hagaduasala, gai ono baubau gu maatala; Tagi Maolunga ne hai gi lua hanonga e kii ange ai dono hagaduasala i ono haisala.

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Jeremiah 50:28

Hagalaangona adu leo o dangada e silivaahea saele ma gilaadeu ne saavini ga hulo gee mai i Babylon, ma gi hagailoo ina i Zion de hai a Tagi Maolunga, taadeu Maadua, ne sui ange ai mee ne hai ange gi dono temple.

Jeremiah 50:45

Deenei ai, goodou hagalaangona de hagatau a Tagi Maolunga e hai baasi ange ai gi Babylon, ma ana mee gu hagadabena e hebagi ange ai gi de henua o de gau Babylon: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.