Jeremiah 5:21 - De Beebaa Dabu

²¹ Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Jeremiah 5:21 Iomraidhean Croise

Psalm 94:8

Goodou gi tonu ange, de gau llodo ssenga i magavaa o dangada; de gau llodo ssenga, go aahee maa oodou e heiangi ai?

Proverbs 17:16

Ni haigamaiana aha de dahi sseene a tangada lodo senga e hagao ai de heiangi, gai e deai donu se heiangi i ono daha?

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Isaiah 43:8

Dagina mai gilaadeu e hanu olaadeu ganomada, aagai e dee kide, ma gilaadeu e hanu olaadeu dalinga, aagai e longoduli.

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Jeremiah 5:20

Daalaa ange mee nei gi dangada o Jacob, ma de hagailoo ange gi dangada o Judah:

Jeremiah 5:4

Gai au ne hagadaba, “De gau nei ni dangada hagaau aloha; gilaadeu e llodo ssenga; go hiidinga gilaadeu e dee iloo haiava o Tagi Maolunga, ma hainga a delaadeu Maadua.

Jeremiah 6:10

Goai aagu e basa ange aagena ma de hagakana ange? Gai goai naa e hagalangona agu muna? Tilo, olaadeu dalinga gu pono, gai gilaadeu gu dee maua i de hagallongo. Tilo, muna a Tagi Maolunga gu ni mee hakadanga i olaadeu daha; gilaadeu e dee malangilangi ai donu.

Jeremiah 7:13

De masavaa oodou e hai ai mee nei alodahi, go Tagi Maolunga e hagadaba, au tee modu de basa adu gi goodou, aagai goodou tee hagallongo mai; au ne hagahi goodou, aagai goodou tee pasa mai.

Jeremiah 8:7

De manu lele go de stork i lo te moana e iloo masavaa gu hagailonga ange gi de ia, gai de manu kono, de swallow aama de crane e daudali olaadeu masavaa e aahe mai ai. Aagai ogu dangada e dee iloo e gilaadeu hagamodu a Tagi Maolunga.

Ezekiel 12:2

“Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Zechariah 7:11

Aagai dangada tee hagallongo mai; gilaadeu ne huuhuli mai olaadeu dua gi de ia, ma de pono olaadeu dalinga gi dee langona ai e gilaadeu ana muna.

Mark 4:12

‘gi gidee ai e gilaadeu gai e dee madea; gai gi langona ai e gilaadeu, gai e dee tonu ange aagena, gi dee daahuli ai olaadeu lodo gai de Maadua ga degi ange gi olaadeu haisala.’ ”

Mark 8:18

E hanu oodou ganomada, gai goodou e dee gidee? E hanu oodou dalinga gai goodou e dee langona? Goodou gu ngalo naa donu,

John 12:40

“Ia gu hai gi dee kide gilaadeu ma de hagamakaga olaadeu lodo, kana gidee naa huu e gilaadeu ga tonu ange gai gilaadeu ga daahuli olaadeu lodo, gai au ga hagaieiangi gilaadeu.”

Acts 28:26

‘Hannoo hai ange gi de huaadangada nei, Goodou e langona, gai e dee maua gi tonu ange; goodou e gidee, aagai e dee madea.

Romans 1:20

Gai mai i taamada age de hagadau o henua i lalo, gai dagodo o de Maadua e dee gidee laa (dono sauaa e dee ngado laa ma ono dagodo e hagaagona mai laa bolo ia se Maadua abodonu) gu gidee danuaa i mee aana gu lava i de hai. Deenei ai, gilaadeu e dee maua donu i de hagataba bolo gilaadeu e dee iloo ia.

Romans 11:8

bei de hai gu sisi ai laa, “De Maadua gu hai gilaadeu gi ssenga, olaadeu ganomada gi dee gidee, gai olaadeu dalinga gi dee langona, ga dae mai ai gi anailaa nei.”

Deuteronomy 29:3

Goodou ne gidee denga mee hagamaatagu, ma hagailonga aama mee hagalele mouli mmao.

Deuteronomy 29:4

Aagai Tagi Maolunga tigi hai gi maua e goodou i de tonu ange, gi mee alodahi oodou gu gidee ma de langona, ga dae mai ai gi anailaa nei.

Deuteronomy 32:6

De gau ssenga ma teai oodou mee e iloo, deenei doodou hai e hagao ange ai Tagi Maolunga? E dee go ia doodou Damana ne haia ina goodou, ma de hai goodou ga se huaahenua?