Jeremiah 5:15 - De Beebaa Dabu

¹⁵ Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Jeremiah 5:15 Iomraidhean Croise

Genesis 11:7

Loomai, gidaadeu ga loiho e hai gi dee heloongoi gilaadeu i alaadeu muna, gi dee maua ai e dahi i de donu ange gi muna a tangada ange laa.”

Psalm 81:5

Ia ne hagasauaa ange gi Joseph de mee nei, i de masavaa oona ne hano ai ga hebagi ange gi Egypt, go de mommee amaadeu ne langona ai hanu muna amaadeu tigi iloo laa.

Isaiah 28:11

Deelaa ai, Tagi Maolunga e basa ange naa gi de huaadangada nei i muna a de gau henua gee;

Isaiah 29:3

Au e duuli naa luu baasi de aduhale alodahi; au e duuli naa luoo baasi i denga hale dagitilo ma de hagatuu denga mee oha e hebagi adu ai gi de goe.

Isaiah 29:6

gai Tagi o denga hagabuulinga hebagi e humai naa bei de hatuli ma de ngalungalue o de henua ma de leo mmahi, madali denga ssio ma de madangi aama de ahi e dudu ai mee alodahi.

Isaiah 33:19

Gai koe e dee gidee ange naa donu gilaadeu e vaivai haia dangada, ma dangada pasa i muna oou e dee donu ange laa aagena, alaadeu muna e pasa ai e deai e tonu ange aagena.

Isaiah 39:3

Dua mee laa gai de pelaabisi go Isaiah ne humai gi daho de hodooligi go Hezekiah, ga hai ange gi de ia, “Aahee muna a denga daane laa ne hai adu gi de goe? Gai go hee olaadeu ne loomai ai laa?” Gai Hezekiah ga hai ange, “Gilaadeu ne loomai i de henua mmao go Babylon.”

Isaiah 5:26

Ia e hagaduu age naa dahi hagailonga ange gi denga huaahenua mmao, ia e hagavogi ange gi gilaadeu i luu bido o henua i lalo, gai tilo, gilaadeu e hagamoolau mai naa ma de hakemo mai!

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Jeremiah 1:15

Tilo, au gu dai hagahi naa denga hagadiilinga alodahi i denga nohoanga hodooligi i ngaiho, go Tagi Maolunga e hagadaba. Gilaadeu e loomai naa ga hagatuu olaadeu nohoanga i mada haitoga o de buibui o Jerusalem; gilaadeu e loomai naa ga hebagi ange gi ono buibui alodahi, aama denga aduhale alodahi o Judah.

Jeremiah 2:26

De gau Israel e dookaa naa donu, bei tangada gaiaa e dogaa laa i dono boogia mai — go gilaadeu ma olaadeu hodooligi, ma olaadeu dagi, ma olaadeu dangada haimeedabu aama olaadeu pelaabisi.

Jeremiah 25:9

tilo, au e aalu naa gi loomai denga huaadangada alodahi i ngaiho, ma dogu dangada hai hegau go Nebuchadnezzar, go de hodooligi o Babylon, go Tagi Maolunga e hagadaba. Au e gaamai naa gilaadeu gi hebagi ange gi de henua nei, ma dangada e nnoho ai, aama denga huaahenua i luu baasi doodou henua. Gai au e hagailonga naa de mommee nei e oha gi odi, ma de hai gi se mee hagamaatagu, ma de llele ai mouli o dangada, gai e ngadi daakodo naa ga hano ai.

Jeremiah 4:16

“Hagamanadua ange gi denga huaahenua, gai hagailoo ina i Jerusalem: ‘Dahi hagabuulinga hebagi gu loomai i dahi henua mmao; gilaadeu e hevaalogi e daamada de hebagi ange gi aduhale o Judah.

Jeremiah 5:11

Dangada o Israel ma dangada o Judah e dee hai hegau mai gi de au i de muna abodonu,” go Tagi Maolunga e hagadaba.

Jeremiah 6:22

E hagadaba Tagi Maolunga, “Tilo, dahi hagabuulingaa dangada e loomai naa i dahi henua i ngaiho; dahi huaahenua mmahi gu hiihidi age i de bido laa o henua i lalo.

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Daniel 1:4

gai e deai mee baubau i angaanga o denga dama daane laa, gilaadeu e mahamaha, ma de heiangi i de ago denga hagadaagangaa mee alodahi, ma de iloo mee, aama de heohi ange gi de hai hegau i de hale o de hodooligi. Gai ia gi agoagona ange gilaadeu i muna o de henua ma mee gu sisi i lodo beebaa a de gau Babylon.

Daniel 7:7

Dua mee nei, gai au ne hai hogi dahi midi i de boo, gai au ne gidee de haa manu dolodolo gu hanage, gai se manu hagamanavasaa ma de hagamaatagu gai e mmahi. Ono niho e nnui ma de makaga bei iron; gai de manu laa e ngungu ma de gai denga manu, ga dagadagahi mee e doe gi lalo luoono vae. Gai e dagodo gee donu ma denga manu ne loage laa i mua, gai e madaangahulu ono hanga.

Amos 6:14

“De gau Israel, tilo, au e hai naa gi humai dahi huaahenua gi hebagi adu gi goodou, go Tagi Maolunga, de Maadua o denga hagabuulinga hebagi e hagadaba; gai gilaadeu e hagaduasala naa goodou mai i Lebo Hamath ga hano ai gi de geelonga o Arabah.”

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

1 Corinthians 14:21

Gai gu sisi i de hainga e hai ange, “Au e basa ange gi de huaadangada nei i denga hagadaagangaa muna, ma muna a de gau henua gee, aagai gilaadeu e dee hagallongo mai donu gi de au, go Tagi Maolunga e hagadaba.”

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,