Jeremiah 5:14 - De Beebaa Dabu

¹⁴ Deenei ai, e hagadaba Tagi Maolunga, de Maadua o denga hagabuulinga hebagi: “Go hiidinga goodou gu tala muna nei, tilo, au e hai naa agu muna oodou e tala gi se ahi, gai de gau nei go lahhie e dudu laa i de ahi.

Jeremiah 5:14 Iomraidhean Croise

Isaiah 24:6

Deelaa ai, de malaia gu hagadohu henua i lalo, gai dangada iai gu hagaduasala i hiidinga o olaadeu haisala. Deelaa ai, dangada e nnoho i henua i lalo gu dudu i de ahi, gai gu sogoisi donu huu dangada e doe.

Jeremiah 1:9

Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.

Jeremiah 23:29

E aha, agu muna e dee bei dagodo o de ahi, go Tagi Maolunga e hagadaba, gai e bei hogi de haamaa e oha ai laa denga hadu?”

Hosea 6:5

Deenei ai, au e hai naa denga pelaabisi gi duuduudia gilaadeu, au gu daa gilaadeu gi maakau i agu muna, gai dagu hagamodu e moolau naa donu bei de gemo o de maalama.

Zechariah 1:6

Aagai agu muna ma agu hainga ne hagasauaa gu tala ange gi ogu dangada hai hegau go denga pelaabisi, tee tuu ange laa gi oodou dubuna madagidagi? Gai gilaadeu ne daahuli olaadeu lodo ga hagataba, ‘Tagi o denga hagabuulinga hebagi ne hagaduasala gimaadeu gi bei dagodo o adaadeu hegau aama dahulinga, bei dana hai gu hagatau ai laa.’ ”