Jeremiah 5:1 - De Beebaa Dabu

¹ “Goodou saavini saele naa i honga denga haiava o Jerusalem, ma de ssala naa i lo te aduhale be e gidee dahi dangada. Noo goodou e gidee dahi dangada daudahi e hai hegau i de heohi ma de ssala de muna abodonu, gai au ga degi ange gi de aduhale nei.

Jeremiah 5:1 Iomraidhean Croise

1 Kings 19:10

Gai ia ga hai ange, “Au ne hagaduu ngae ga hai hegau a Tagi Maolunga, de Maadua o denga hagabuulinga hebagi. Aagai de gau Israel gu tili dau hagatoo donu hagaheloongoi, ma de oha oo mommee o ssigidaumaha, ma de daa ga maakau oo pelaabisi i de gadilaasa. Go au donu huu e doe, gai gilaadeu e ssala hogi au e daa gi magau.”

2 Chronicles 16:9

Gai luu mada o Tagi Maolunga e daumada henua i lalo alodahi, gai ia ga hagammahi ai gilaadeu e heohi olaadeu lodo i mada luoono mada. Koe ne hai mee nei i doo lodo senga, dua iainei gai e deai naa donu se tuu de hebagi i oo daha.”

Psalm 12:1

Tagi Maolunga, balea mai au, i hiidinga gu deai donu dangada heohi e doe; gu deai donu dangada e hai hegau i de mee abodonu e doe i daho dangada.

Psalm 14:2

Tagi Maolunga e galo iho i de langi ma e tilo dangada, e tilo be hanu gilaadeu e heiangi, aabe hanu gilaadeu e saalaa de Maadua.

Psalm 14:3

Gilaadeu alodahi gu daahuli gee, gilaadeu alodahi gu hakino gee; gu deai donu se dangada e haia tanuaa, gu deai donu se dangada daudahi.

Psalm 94:16

Goai e balea mai au e hebagi ange gi de gau baubau? Goai e hidi age e balea mai au e hai baasi ange ai gi gilaadeu e haia de baubau?

Proverbs 20:6

E soa dangada e maanadu bolo gilaadeu ni dangada e abodonu, aagai e hai ngadaa donu i de gidee dahi dangada e hai hegau i de mee abodonu.

Proverbs 23:23

Hagao ina de mee abodonu, gai koe gi dee hagao ina gi daha, gai hagao ina de heiangi, ma agoago heohi, aama de donu ange danuaa.

Proverbs 8:3

ma gaogao denga haitoga e ulu ai gi lo te aduhale, ma de oo i gaogao denga haitoga:

Song of Songs 3:2

Au e hidi age naa e hano laa lo te aduhale gi lodo haiava ma lodo duu malaelae i kilaa; gai au ga ssala ai de ia oogu e aloha ai. Au ne ssala ia, aagai au tee gidee ia.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Jeremiah 2:29

Gu aha goodou gu hagabaubau ai naa au? Goodou alodahi gu hagahaisala au, go Tagi Maolunga e hagadaba.

Jeremiah 44:15

Gai denga daane alodahi ne iloo laa bolo olaadeu bodu e dudu ange mee maanongi gi denga diinonga, ma denga haahine madali gilaadeu, ma de hagabuulingaa dangada soa laa, aama dangada alodahi e nnoho i Pathros i de henua go Egypt, ga hai ange gi Jeremiah,

Jeremiah 8:6

Au gu noho donu ma gu hagallongo, aagai gilaadeu e dee tala de mee heohi. Gai gu deai donu se dangada e dahuli gee i ono baubau ga hagadaba, ‘Se aha aagu gu hai nei?’ Dahi ma dahi e hai donu huu ono mee e lodo ai, bei de hoosa e savini laa e hano gi de hebagi.

Jeremiah 9:2

Mee naa gi dahi ogu mommee i de vao, se mommee e nnoho gaainga ai dangada e hagadaga saele, gai au ga dugu ogu dangada ga hano gee mai i olaadeu daha, go hiidinga gilaadeu alodahi ni dangada e dagodo haisala, gai se hagabuulingaa dangada e dee hai hegau i de mee abodonu.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Ezekiel 22:30

Au ne ssala dahi dangada i olaadeu magavaa gi hagaduulia age de buibui ma de duu i de mommee masaavava i lo te buibui o de henua, gi dee oohaa ina ai e au de aduhale, aagai au tee gidee dahi dangada daudahi.

Ezekiel 9:9

Gai ia ne hai mai gi de au, “Haisala o dangada o Israel ma dangada o Judah gu kona mmao de baubau; de henua gu honu i todo, gai gu deai se hagamodu heohi i de aduhale. Gilaadeu e hagataba, ‘Tagi Maolunga gu tili de henua; Tagi Maolunga e dee gidee mee gu hai.’

Daniel 12:4

Aagai koe, Daniel, bonodia ma de hagamakaga muna o de beebaa mulo nei, ga dae ai gi denga laangi hagaodi. Gai dangada soa e hagadaga saele naa ga ssala gi kii ange delaadeu iloo mee.”

Joel 2:9

Gilaadeu e llele laa honga de aduhale, gilaadeu e saavini i honga denga buibui; gilaadeu e kage age gi lodo hale, gai gilaadeu e ulu naa i denga abaaba vaaligiligi bei tangada gaiaa.

Amos 8:12

Gai dangada e hagadaga saele naa i magavaa luu dai nnui laa, ma de hulo gi ngaiho ma dua; gilaadeu e saavini saele naa ga ssala muna a Tagi Maolunga, gai gilaadeu e dee gidee.

Zechariah 2:4

ga hai ange, “Savini hannoo hai ange gi tama daane laa, ‘Jerusalem e ahe ange naa ga noholia bei dagodo o denga aduhale e dee buibui, go hiidinga gu soa mmao dangada ma manu haangai e nnoho ai.

Luke 14:21

Tangada hai hegau laa ne ahe mai ga tala ange mee laa gi dono dangada aamua. Aagai taane niiana taonga gu bole mmao, gai ia ga hai ange gi dono dangada hai hegau, ‘Hagamoolau hannoo gi honga denga haiava nnui ma haiava vaaligiligi gaamai ai de gau hagaau aloha, ma de gau baagia, ma de gau dee kide, aama de gau balagelage.’

2 Thessalonians 2:10

aama hegau baubau alodahi e hagasengalia laa gilaadeu gu hagadabena ange e maakau. Gilaadeu e maakau i hiidinga gilaadeu tee llodo e kave de muna abodonu gi hagamouli ai gilaadeu.