Jeremiah 49:3 - De Beebaa Dabu

³ Heshbon, koe gi dangi, go hiidinga Ai gu maoha! Dangada o Rabbah, goodou hevaalogi tangi, gai kahu i malo daladala ma de hinangalosaa, ma de saavini i magavaa o denga buibui; go hiidinga Milcom e gaavee naa gi dahi henua gee, madali ono dangada haimeedabu aama dagi o dono henua.

Jeremiah 49:3 Iomraidhean Croise

2 Samuel 11:1

Gai de masavaa o de matili age i de ngadau mai ange laa, go de masavaa o denga hodooligi e hulo ai gi de hebagi, gai David ne hai gi hano Joab madali ono daane, aama hagabuulinga hebagi o Israel alodahi gi de hebagi. Gai gilaadeu ne daa ga maakau de gau Ammon, ma de duuli luu baasi o Rabbah. Aagai David ne noho i Jerusalem.

1 Kings 11:33

Au e hai de hegau nei i hiidinga gilaadeu ne tili au gai gu daumaha ange gi Ashtoreth, tiinonga hahine o de gau Sidon, ma Chemosh, tiinonga o de gau Moab, ma Milcom, tiinonga o de gau Ammon; gilaadeu tee daudali i ogu haiava, ma tee hai hegau i de heohi i mada luoogu mada, gilaadeu tee daohi hogi agu muna gu hagasauaa, ma agu hagamodu, bei dagodo hegau a David, tamana o Solomon ne hai.

1 Kings 11:5

Gai ia ne daumaha ange gi Ashtoreth, tiinonga hahine o de gau Sidon, ma Milcom, tiinonga hakino gee o de gau Ammon.

2 Kings 23:13

De hodooligi ne oha hogi denga mommee daumaha i baasi i dua o Jerusalem, ma baasi ngaage o de Mounga o denga Olive, go mommee a Solomon, de hodooligi o Israel ne hagatuu e daumaha ange ai gi Ashtoreth, tiinonga hakino gee o de gau Sidon, ma Chemosh, tiinonga hakino gee o de gau Moab, aama Milcom, tiinonga hakino gee o de gau Ammon.

Ezra 2:28

dangada o Bethel ma Ai se 223

Isaiah 13:6

Goodou tangi see, go hiidinga de laangi o Tagi Maolunga gu baa mai donu; gai e dae mai naa bei de hai a de Ia Mmahi Mmao laa e oha ai laa!

Isaiah 14:31

De haitoga, koe gi dangi see; de aduhale oo ma gi dangi! De gau Philistia alodahi, goodou gi bolebole ma de maatagu! Go hiidinga dahi hagabuulinga hebagi bei de useahi laumalie gu humai i ngaiho, gai e deai donu se daane iai e doo gi muli.

Isaiah 15:2

Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

Isaiah 16:7

Deenei ai, de gau Moab, goodou tangi ssee, gilaadeu alodahi gi tangi ssee i hiidinga o Moab. Gilaadeu e tangi ma de hinangalosaa i denga raisin puli o Kir Hareseth, go hiidinga gilaadeu gu maakulu.

Isaiah 23:1

Muna hagadaemaha i dagodo o Tyre. Denga vaga o Tarshish, goodou tangi see! Go hiidinga Tyre gu maoha ma gu ngadi dagodo, gu deai donu se hale be se ava i kilaa. Gai ne hagailoo mai gi gilaadeu mee nei i de henua go Cyprus.

Isaiah 23:6

Hagadae adu gi Tarshish; dangada e nnoho i tagudai, goodou tangi see!

Jeremiah 4:8

Gai goodou gahu i malo daladala ma de hinangalosaa ma de tangi, go hiidinga de bole laumalie o Tagi Maolunga e dee hano gee naa donu i gidaadeu.

Jeremiah 46:25

Gai e hagadaba Tagi o denga hagabuulinga hebagi, de Maadua o Israel, “Tilo, au e hagaduasala naa Amon tiinonga o Thebes, ma Pharaoh, ma Egypt ma ono diinonga ma ono hodooligi, ma Pharaoh aama dangada alodahi e hagadonusia ia.

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Jeremiah 48:20

Moab gu hagadogaa ina, i hiidinga gu maoha. Goodou oo magi tangi! Goodou hagailoo ina i gaogao ssaalingaa vai go Arnon bolo Moab gu oha ma gu maoha.

Jeremiah 48:37

Biho o dangada alodahi gu dahi, gumigumi alodahi gu dahi hogi; lima alodahi gu selesele ma gu lagolagohia, gai daogubu alodahi gu haoli i malo daladala.

Jeremiah 48:7

Goodou e hagadonu oodou mahi ma oodou goloa lagolago, deenei ai, goodou e hagadee kii naa hogi; gai tiinonga go Chemosh e gaavee naa gi dahi henua gee, madali ono dangada haimeedabu aama dagi o de henua.

Jeremiah 49:1

E hagadaba Tagi Maolunga i dagodo o de gau Ammon: “E aha, gu deai dama daane a Israel? Gu deai dama e dugu ai delaadeu boolonga? Gai gu aha Milcom gu kave ai de mommee o Gad, gai ono dangada gu nnoho i lodo ono aduhale?

Jeremiah 51:8

Gai tee mmule donu gai Babylon gu oha ga maoha; oo mage dangi i ono hiidinga! Gai gaavee hanu valaai e hai ai ono mee mmae; kana adu e maua naa huu gi ieiangi ia.

Jeremiah 6:26

Ogu dangada, goodou kahu i malo daladala, ma de tige saele i lodo lehu; goodou tangi ma de tangi see bei doodou tangi i dahi dama dagidahi, go hiidinga e moolau naa donu de dae mai o tangada e oohaa gidaadeu.

Amos 1:15

Delaadeu hodooligi e gaavee naa gi dahi henua gee, madali denga dagi o de henua,” go Tagi Maolunga e hagadaba.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

James 5:1

De gau lava, goodou nnoho mai hagalaangona. Goodou tangi ma de tangi see i hiidinga o denga hagaduasala gu dai tuu adu gi goodou.

Joshua 7:2

Gai Joshua ne hai hanu daane gi loomai i Jericho gi hulo gi Ai, se aduhale e baa ange gi Beth Aven i baasi dua o Bethel. Ia ne tala ange gi gilaadeu, ga hai ange, “Goodou hulo mulidagi ina de henua.” Gai denga daane laa ne hulo ga mulidagi Ai.

Joshua 8:1

Gai Tagi Maolunga ga hai ange gi Joshua, “Aude madagu aabe gi manavasaa. Hidi age, gaavee denga daane hebagi alodahi ma goodou hulo gi Ai. Tilo, au e dugu adu naa de hodooligi o Ai, ma dono huaadangada, ma dono aduhale, aama dono henua gi de goe.

Joshua 8:28

Gai Joshua ga dudu Ai ga hai gu se hagabuudungaa mee maoha ga hano ai, gai se mommee e ngadi dagodo ga dae mai ai gi anailaa nei.