Jeremiah 49:25 - De Beebaa Dabu

²⁵ Gai gu aha tee dilia ai laa de aduhale a dangada e tuhi laa, gai go de aduhale oogu e malangilangi ai?

Jeremiah 49:25 Iomraidhean Croise

Isaiah 1:26

Au e hagaahe adu naa oo dangada hagamodu bei de masavaa i mua, gai oo dangada hagasaele gi bei taamada age. Muli mai naa huu gai koe e hagaingoo ange go de Aduhale Heohi ma de Aduhale e Hai Hegau i de Mee Abodonu.”

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Jeremiah 48:39

Gu kona donu dono maoha! Gu kona donu delaadeu tangi! Gu kona donu de ahe dua o Moab ma de dogaa! Moab gu se mee e hakadanga ai dangada, gai gu se mee hagamaatagu ange gi dangada i luoono baasi.”

Jeremiah 51:41

Dee hee de hai ne hagadee kii ai laa Sheshak, gai de henua a henua i lalo e tuhi gu magulu! Babylon gu hai ma gu se mee hagamaatagu i magavaa o denga huaahenua!

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Revelation 18:10

Gai gilaadeu e hulo naa ga tuu i de mommee mmao i delaadeu maatagu i de hagaduasala o de aduhale laa, ga hagataba, “Gu vakaa loo! Gu vakaa loo! De aduhale laumalie, go Babylon, de aduhale mmahi! Doo hagaduasala ne duu adu gi de goe i e dahi donu huu aoaa!”