Jeremiah 48:9 - De Beebaa Dabu

⁹ Hagamalili ina ange soolo gi honga o Moab go hiidinga e oha naa ga maoha; ono aduhale e hai naa ga ni mommee e ngadi daakodo, gu deai dangada e nnoho ai.

Jeremiah 48:9 Iomraidhean Croise

Psalm 11:1

Go Tagi Maolunga de buibui oogu e gai ange aagena. Gai gu aha gu hai mai ai naa goodou gi de au, “Hannoo mmuni i de mounga bei dagodo o dahi manu lele?

Psalm 55:6

Gai au e hagadaba, “Mee naa gi hanu ogu bakau bei dahi manu kono! Gai au ga lele e hano e hagamabu;

Isaiah 16:2

Denga damaa hine o Moab i denga mommee e hulo ai laa lo te vai o Arnon e bei denga manu llele e gabagaba laa i de masavaa olaadeu ne hai ai gi hulo gee i de hoohanga.

Jeremiah 44:22

Gai Tagi Maolunga tee maua i de golomagi ono lodo i hiidinga o oodou dahulinga baubau ma de hakino gee ne hai. Gai doodou henua gu se mommee e ngadi dagodo, gu se muna hagamalaia, ma teai dangada e nnoho ai, bei ono dagodo anailaa nei.

Jeremiah 46:19

Dangada e nnoho i Egypt, haoa oodou goloa e hulo ai goodou gi dahi henua gee, go hiidinga Memphis e oha naa ga ngadi dagodo, gu se mommee maoha gu deai dangada e nnoho ai.

Jeremiah 48:28

Dangada e nnoho i Moab, goodou hulo gee i denga aduhale ma gi nnoho i magavaa o denga hadu; goodou gi bei denga manu kono e hai laa olaadeu hoohanga i mada haonga i honga mounga.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Revelation 12:14

Aagai gu gaavange gi de hine laa e lua bakau o de igele laumalie, gi maua ai e ia i de lele e hano gee mai i de labodo laa ga hano gi de vao, i dono mommee e diiloo ange ai i e dahi ngadau, ma e lua ngadau, aama e dahi bido ngadau.