Jeremiah 48:7 - De Beebaa Dabu

⁷ Goodou e hagadonu oodou mahi ma oodou goloa lagolago, deenei ai, goodou e hagadee kii naa hogi; gai tiinonga go Chemosh e gaavee naa gi dahi henua gee, madali ono dangada haimeedabu aama dagi o de henua.

Jeremiah 48:7 Iomraidhean Croise

2 Samuel 5:21

Gai de gau Philistia ne tili olaadeu diinonga i kilaa, gai David ma ono daane ga saabai denga diinonga laa ga kave madali gilaadeu.

1 Kings 11:33

Au e hai de hegau nei i hiidinga gilaadeu ne tili au gai gu daumaha ange gi Ashtoreth, tiinonga hahine o de gau Sidon, ma Chemosh, tiinonga o de gau Moab, ma Milcom, tiinonga o de gau Ammon; gilaadeu tee daudali i ogu haiava, ma tee hai hegau i de heohi i mada luoogu mada, gilaadeu tee daohi hogi agu muna gu hagasauaa, ma agu hagamodu, bei dagodo hegau a David, tamana o Solomon ne hai.

1 Kings 11:7

Gai Solomon ne hagaduu dahi mommee daumaha ange gi Chemosh, tiinonga hakino gee o de gau Moab, gai dahi mommee ange gi Molek, go tiinonga hakino gee o de gau Ammon, i honga dahi duuduu baasi dua o Jerusalem.

Psalm 40:4

E manuuia tangada e hagadonusia Tagi Maolunga, gai e dee ssala dono bale i daho de gau lodo maolunga, go gilaadeu e daudali ange i denga ngadi diinonga.

Psalm 52:7

“Goodou diiloo dagodo o tangada e dee haia de Maadua go dono mommee buibui makaga, aagai dana tali hagalodolodo go ono goloa lagolago, gai ia e hagadaga ange de mmahi i ana hegau baubau.”

Jeremiah 13:25

Deenei doodou duuhanga, go tuuhanga aagu gu hagamodu adu gi de goe, go Tagi Maolunga e hagadaba, go hiidinga koe gu ngalo au gai koe gu tali hagalodolodo ange gi denga ngadi diinonga.

Jeremiah 43:12

Gai ia e dahu naa de ahi i lodo hale o denga diinonga o de gau Egypt; ia e dudu naa olaadeu hale daumaha ga kave gee olaadeu diinonga i de henua. Gai Nebuchadnezzar e kave naa goloa o de henua go Egypt, bei de hai a tangada hagaloosi ssiibi e aau ai laa denga gudu i dono malo laa daha, gai e deai naa donu dangada e buibuia dono humai ma dono ahe.

Jeremiah 48:13

Gai Moab e dogaa naa i tiinonga go Chemosh, bei de hai o de gau Israel ne dookaa ai laa, i delaadeu tali hagalodolodo ange gi tiinonga go Bethel.

Jeremiah 48:46

E vakaa naa goe e Moab! Dangada o Chemosh gu maakau; au dama daane gu gaavee gi dahi henua gee, gai au damaa hine gu gaavee gee hogi.

Jeremiah 49:3

Heshbon, koe gi dangi, go hiidinga Ai gu maoha! Dangada o Rabbah, goodou hevaalogi tangi, gai kahu i malo daladala ma de hinangalosaa, ma de saavini i magavaa o denga buibui; go hiidinga Milcom e gaavee naa gi dahi henua gee, madali ono dangada haimeedabu aama dagi o dono henua.

Jeremiah 49:4

Tamaa hine e dee hai hegau i de mee abodonu, gu aha gu basa hagasoenga ai naa goe i oo geelonga, ma de tali hagalodolodo ange oo goloa hagamogomogo, ga hagadaba, ‘Goai e maua i de hai baasi mai gi de au?’

Jeremiah 9:23

E hagadaba Tagi Maolunga: “Tangada heiangi gi dee duuhia donu huu dono heiangi, gai taane mmahi gi dee duuhia donu huu ono mahi, tangada lava gi dee duuhia hogi ono goloa lagolago,

Hosea 10:13

Goodou ne doo de baubau, gai goodou gu hagihagi hua o de baubau, goodou ne gai hogi hua o de hadu muna. Gai go hiidinga goodou ne kai ange gi oodou mahi donu ma oodou daane hebagi soa,

Numbers 21:29

De gau Moab, goodou e vakaa naa! Dangada o Chemosh, goodou e maakau donu! Ia gu tili ana dama gi silivaahea saele, gai ana damaa hine gu noonoodia ma gu gaavee gi Sihon, de hodooligi o de gau Amor.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Revelation 18:7

Hagaduasala ina ia ma de hagadaemaha ina ia gi bei de hagamahamaha ma de mouli danuaa aana ne kave. Ia ne hagadaba i ono lodo, ‘Au se hine hodooligi e noho i honga dogu nohoanga hodooligi. Au e dee se hine gu magau dogu bodu, au e dee haihai naa donu ga hinangalosaa.’

Judges 11:24

E aha, koe e dee lodo laa e kave mee a doo diinonga go Chemosh gu gaavadu gi de goe? Gai mommee alodahi a Tagi Maolunga demaadeu Maadua e gaamai gi gimaadeu, gai gimaadeu e kave donu ga henua ai.