Jeremiah 48:19 - De Beebaa Dabu

¹⁹ Dangada e nnoho i Aroer, goodou tuu i gaogao de haiava ma gi dagidiiloo ai; goodou ga ssili ange gi taane e savini laa ga hano aama de hine e ola laa, ga hai ange, ‘Ni aha gu hai naa?’

Jeremiah 48:19 Iomraidhean Croise

Deuteronomy 2:36

Gai mai loo i Aroer, go de aduhale e duu laa i de hiihii o de geelonga go Arnon, aama mai i de aduhale i lo te geelonga, ga hano ai loo ga dae gi Gilead, teai donu se aduhale daudahi ne mmahi ange i gidaadeu. Gai Tagi Maolunga taadeu Maadua ne dugu mai aduhale nei alodahi gi gidaadeu.

1 Samuel 4:16

Gai taane laa ga hai ange gi Eli, “Au se goodo humai donu huu i de mommee o de hebagi; au ne savini mai i de hebagi anailaa nei.” Gai Eli ga ssili ange gi de ia, “Dagu dama, aahee dagodo o de hebagi?”

1 Chronicles 5:8

ma Bela tama daane a Azaz, tama daane a Shema, tama daane a Joel. Gilaadeu ne noho i de mommee go Aroer ga hano ai ga dae gi Nebo ma Baal Meon.

2 Samuel 24:5

Gilaadeu ne hulo gi de baasi i dua o Jordan ga nnoho gaainga i Aroer, i baasi ngaage de geelonga. Muli mai gai gilaadeu ne hulo ga hagadaga i Gad ma Jazer.

Numbers 32:34

Gai de aamuli o Gad ne hagatuu Dibon, ma Ataroth, ma Aroer,

Joshua 12:2

Go Sihon de hodooligi o de gau Amor, e hodooligi laa i Heshbon. Gai dono nohoanga hodooligi e daamada mai i Aroer i de hiihii o de geelonga go Arnon — ma mai i lo te ungaalodo o de geelonga laa — ga hano ai gi ssaalingaa vai go Jabbok, go de ngaadonga o de henua o de gau Ammon, aama dahi luu baasi o Gilead.

Judges 11:26

Gai ne dolulau ngadau o de gau Israel ne nnoho ai i Heshbon ma ono aduhale vaaligiligi, ma Aroer ma ono aduhale vaaligiligi, aama denga aduhale alodahi i gaogao Arnon. Gu aha goodou tee kave ai laa aduhale laa i de masavaa laa?