Jeremiah 45:5 - De Beebaa Dabu

⁵ E aha, koe e hagammahi naa e ssala gi maua e goe hanu mee lagolago? Aude saalaa mee naa. Tilo, au e hai naa gi humai de hai ngadaa gi honga o denga huaadangada alodahi, go Tagi Maolunga e hagadaba; gai au e hagaola naa doo mouli, go de hagaoanga aau e mau i de hebagi i mommee alodahi oou e hano aagena.’ ”

Jeremiah 45:5 Iomraidhean Croise

Genesis 6:12

Gai de Maadua ga tilo huu honga henua i lalo, gai ia gu gidee bolo gu kona donu de hakino gee, go hiidinga hegau alodahi a dangada gu kona donu hakino gee.

1 Kings 3:11

Gai de Maadua ga hai ange gi de ia, “Koe ne dangidangi i de mee nei; koe tee dangidangi mai i de mouli daulooloa, be go de lava, aabe go de daa oo hagadaumee gi maakau, aagai koe ne dangidangi mai i de heiangi gi maua ai e goe i de dagi dangada i de heohi.

1 Kings 3:9

Gaamai gi de au, doo dangada hai hegau, de heiangi e dagi ai oo dangada, gi maua ai e au i de vvae de mee danuaa mai i de mee baubau. Gai goai e bau ange gi de dagi doo huaadangada soa?”

2 Kings 5:26

Aagai Elisha ne hai ange gi de ia, “Dogu hagasaalunga ne hano madali goe, i de masavaa o taane laa ne iho mai ai i honga dono hada ga hedae adu gi de goe. E aha, deenei de masavaa e kave ai sseene, ma malo, ma veelengaa olive ma veelengaa grape, ma ssiibi, ma kaau aama daane ma haahine hai hegau?

Psalm 131:1

Tagi Maolunga, au e dee lodo maolunga, gai luoogu mada e dee llodo gi lunga; au e dee hagasaele de hai hanu hegau nnui, aabe ni mee e dee maua e au i de hai.

Isaiah 66:16

Gai Tagi Maolunga e hagaduasala naa dangada alodahi i de ahi ma dana gadilaasa, gai e soa naa dangada a Tagi Maolunga e daa ga maakau.

Jeremiah 21:9

Tangada e noho i de aduhale nei e daia naa ga magau, i de gadilaasa ma de onge aama de mee hagamaakau. Gai tangada e hano laa ga dau ange gi de gau Babylon, go dangada gu loomai nei ma e duuli luu baasi de aduhale e mouli naa; ia e hagaola naa donu huu dono mouli.

Jeremiah 25:15

Gai Tagi Maolunga, de Maadua o Israel, ne hai mai gi de au, “Gaavee de ubu e poo nei i dogu lima, gai e honu i uvaini o dogu bole, gai koe ga hai denga huaahenua alodahi aagu e hai goe gi hano aagena gi unu ai.

Jeremiah 25:16

Gai ga unumia naa huu e gilaadeu, gai gilaadeu gu ssee saele ma de ssenga, i hiidinga o de gadilaasa aagu gu hai gi hano gi olaadeu magavaa.”

Jeremiah 25:26

ma hodooligi alodahi i ngaiho, e mmao aama de paa mai, ga hagadaga ai gilaadeu — go nohoanga hodooligi alodahi o henua i lalo. Gai de hodooligi o Sheshak e unu ai naa hogi i olaadeu dua.

Jeremiah 25:31

De leo o de hellumi gu dae loo gi de bido laa o henua i lalo, go hiidinga Tagi Maolunga gu hagabaubau denga huaahenua. Ia e hagamodu naa muna o dangada alodahi; ma de daa gi maakau de gau baubau i de gadilaasa,’ ” go Tagi Maolunga e hagadaba.

Jeremiah 38:2

“E hagadaba Tagi Maolunga: Be goai e noho i de aduhale nei, gai ia e daia donu ga magau i de gadilaasa, ma de onge aama de mee hagamaakau. Gai tangada e sao ga hano ga dau ange gi de gau Babylon e mouli donu. Ia e hagaola naa dono mouli, gai ia e mouli naa.

Jeremiah 39:18

Gai au e hagaola naa goe; koe e dee magau naa donu i de gadilaasa, gai koe e hagaola naa donu huu doo mouli, i hiidinga koe ne hagadonu au,’ ” go Tagi Maolunga e hagadaba.

Zephaniah 3:8

Deenei ai, goodou daalia mai au, go Tagi Maolunga e hagadaba, de laangi laa gai au e duu age naa ga hagabaubau goodou. Au gu baba ange e hagabuni denga huaahenua, ma denga nohoanga hodooligi, gai au ga hagaduasala ai gilaadeu i dogu lili — ma dogu bole alodahi. Henua i lalo alodahi e oha ga odi i de ahi o dogu lili i hiidinga dogu lodo gaiaa.

Romans 12:16

Goodou nnoho hagabuni i de hagadau abodonu; goodou gi dee llodo maolunga, gai hai soa ange ma de hagahedaea ange goodou gi gilaadeu e maolalo. Goodou gi dee hagataba i oodou lodo bolo goodou e iloo mee alodahi.

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”