Biblia Todo Logo
Bìoball air-loidhne

- Sanasan -




Jeremiah 44:16 - De Beebaa Dabu

16 “Gimaadeu e dee hagallongo donu au muna gu tala mai i de ingoo o Tagi Maolunga!

Faic an caibideil Dèan lethbhreac




Jeremiah 44:16
24 Iomraidhean Croise  

“Gidaadeu ga duuduu alaau daula, ma de tili gee alaau mee e noonooa ai gidaadeu.”


Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”


Au ne hagahi goodou, gai goodou tee llodo e hagallongo agu muna; au ne haalo adu dogu lima gi goodou, gai teai se goodou ne anga mai;


Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.


Gilaadeu gu buni e aahe ange gi haisala o olaadeu dubuna, go dangada ne kino laa i de hagallongo agu muna. Gai gilaadeu ne daudali i denga diinonga ma de daumaha ange gi gilaadeu. Dangada o Israel ma Judah gu oha de hagatoo donu hagaheloongoi aagu ne hai madali olaadeu dubuna.


Aagai gilaadeu tee hagallongo mai, aabe ne aanga mai gi agu muna, gai ne hagamakaga olaadeu lodo baubau. Gai au ne gaavange gi gilaadeu denga hagamalaia, gu tala laa i de hagatoo donu hagaheloongoi, go mee aagu ne tala ange gilaadeu gi daudali ai, aagai gilaadeu tee daudali ai.’ ”


De hagabuulingaa dangada baubau nei tee llodo e hagallongo mai gi de au, gai ne hagamakaga olaadeu lodo, gai ne hulo ga daudali ange i denga diinonga ma de daumaha ange gi gilaadeu, e bei donu dagodo o de mee nnoa ungaalodo nei — gilaadeu gu deai donu olaadeu haigamaiana!


Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”


Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”


Aagai noo goodou e hagataba, ‘Gimaadeu e dee nnoho donu i de henua nei,’ ga dee hagallongo ange ai gi Tagi Maolunga, doodou Maadua,


gai Azariah tama daane a Hoshaiah, ma Johanan tama daane a Kareah, ma denga daane hagamaolunga alodahi ne hai ange gi Jeremiah, “Koe e hadu muna! E dee go Tagi Maolunga demaadeu Maadua donu ne haia goe gi humai gi hai mai, ‘Goodou gi dee hulo gi nnoho i Egypt.’


Gai Jeremiah ga hai ange gi dangada alodahi ma denga haahine hogi, “Dangada alodahi o Judah e nnoho laa i de henua go Egypt, goodou hagalaangona muna a Tagi Maolunga.


E hagadaba Tagi o denga hagabuulinga hebagi, de Maadua o Israel: Goodou ma oodou bodu gu hagatoo donu i oodou ngudu ma de hagassula de mee nei i oodou lima, ma de hagataba, ‘Gimaadeu e hagassula donu mee amaadeu gu lava i de hagatoo donu ai, bolo gimaadeu e hai ssigidaumaha o mee maanongi, ange gi de hine hodooligi o de langi, aama de hai sigidaumaha o mee unu ange gi de ia.’ Hano, goodou haia donu gi bei oodou mee gu hagatoo donu ai! Hagassula ina oodou hagatoo donu!


E hagadaba Tagi Maolunga, “Goodou tuu i sugusuguinga o denga haiava diiloo ai, gai ssili be i hee denga haiava madagidagi, ma de ssili be i hee de haiava danuaa, gai goodou ga seesee i ono lodo, gi maua ai e oodou hagasaalunga i de hagamaabunga. Aagai goodou e hagataba, ‘Gimaadeu e dee seesee donu i de haiava laa.’


Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.


Au gu noho donu ma gu hagallongo, aagai gilaadeu e dee tala de mee heohi. Gai gu deai donu se dangada e dahuli gee i ono baubau ga hagadaba, ‘Se aha aagu gu hai nei?’ Dahi ma dahi e hai donu huu ono mee e lodo ai, bei de hoosa e savini laa e hano gi de hebagi.


Noo goodou gu paba ange e duuduli e daumaha ange gi dagu diinonga gu hagaduu laa, i de masavaa oodou e langona ai de ili o de hanga manu, ma de flute, ma de lyre, ma mee hagadangidangi iai daula, ma de harp, ma de bagpipe, aama denga hagadaagangaa mee hagadangidangi alodahi, gai gu danuaa. Aagai noo goodou e dee daumaha ange gi tiinonga laa, gai goodou e tili ange donu gi lo te ahi ula mmahi i de masavaa moolau. Gai goai naa donu de maadua e maua i de hagaola goodou mai i dogu sauaa?”


Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’


Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”


Aagai dangada tee llodo e daudali i muna a Samuel; gai gilaadeu ga hai ange, “E dee galemu donu! Gimaadeu e llodo donu gi dahi omaadeu hodooligi,


Lean sinn:

Sanasan


Sanasan