Jeremiah 44:10 - De Beebaa Dabu

¹⁰ Gai gilaadeu tee hagamaolalo donu olaadeu lodo ga dae mai ai gi anailaa nei, gilaadeu tee maatagu hogi i de au, aagai tee daudali i agu hainga ma agu muna gu hagasauaa adu gi goodou ma oodou dubuna.

Jeremiah 44:10 Iomraidhean Croise

1 Kings 21:29

“Koe gu gidee ange laa bolo Ahab gu hagamaolalo ia i ogu mada i mua? Go hiidinga ia gu hagamaolalo ia i ogu mada i mua, deelaa ai, au e dee gaamai naa de mee hai ngadaa laa i dono masavaa e mouli ai, gai e gaamai i de masavaa o dana dama.”

2 Kings 22:19

Go hiidinga koe gu dahuli oo lodo ma de hagamaolalo, i mada luu mada o Tagi Maolunga, i de masavaa aau ne langona ai agu muna ne tala, e hai baasi ange ai gi de mommee nei ma ono dangada, bolo gilaadeu e hagamalaia naa gai de mommee nei e hai naa ga ngadi dagodo, ma hiidinga dau ssae oo malo ma de dangi i mada luoogu mada — deenei ai, e hagadaba Tagi Maolunga: Au gu langona au muna.

2 Chronicles 32:26

Aagai Hezekiah ne sui dono lodo maolunga ga hagamaolalo, madali dangada e nnoho i Jerusalem; deelaa ai, Tagi Maolunga tee hagaduasala gilaadeu i dono bole i de masavaa o Hezekiah.

2 Chronicles 33:12

Gai de masavaa huu oona ne duasala ai, gai ia ga dalodalo ange gi Tagi Maolunga dono Maadua i de bale, ma de hagamaolalo i mada luu mada o de Maadua o ono dubuna madagidagi.

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Chronicles 34:27

Go hiidinga koe ne dahuli oo lodo ga hagamaolalo i mada luu mada o de Maadua, i dau masavaa aau ne langona ai ana muna, e hai baasi ange ai gi de mommee nei ma ono dangada, ma hiidinga doo hagamaolalo i mada luoogu mada, ga ssae oo malo ma de dangi i ogu mada i mua — deenei ai, e hagadaba Tagi Maolunga: Au gu langona au muna.

Psalm 34:18

Tagi Maolunga e hagabaa ange gi gilaadeu e daemaha olaadeu lodo, ma de hagaola gilaadeu gu deai selaadeu tali.

Psalm 51:17

Gai denga sigidaumaha o de Maadua e lodo ai go de daemaha de lodo i baubau; de Maadua, koe e dee hagangadi mee de lodo e daemaha i baubau aama de dahuli de lodo.

Psalm 78:10

Gilaadeu tee daudali i de hagatoo donu hagaheloongoi a de Maadua, gai tee llodo e seesee i ana hainga.

Exodus 10:3

Gai Moses ma Aaron ga hulo gi daho Pharaoh, ga hai ange gi de ia, “E hagadaba Tagi Maolunga de Maadua o de gau Hebrew, ‘Dee hee maa taulooloa dau dee lodo e hagamaolalo goe i mada luoogu mada? Dugua dogu huaadangada gi hulo, gi maua ai e gilaadeu i de daumaha mai gi de au.

Exodus 9:17

Gai koe e duudagi donu huu de hagamaolunga huu i dogu huaadangada, koe tigi dugu donu gilaadeu gi hulo.

Exodus 9:30

Gai au e iloo bolo goodou ma oo dangada hai hegau tigi maatagu donu i Tagi Maolunga de Maadua.”

Proverbs 14:16

Tangada heiangi e madagu i Tagi Maolunga, ma de kino i de baubau, aagai tangada lodo senga e lodo maolunga ma de vaivai hai hegau.

Proverbs 16:6

Go de aloha ma de hai hegau i de mee abodonu e maatala ai haisala, gai de madagu i Tagi Maolunga e hai tangada gi hano gee i de baubau.

Proverbs 28:14

Tangada e madagu laa i Tagi Maolunga i masavaa alodahi e manuuia donu, aagai tangada e hagamakaga ina ono lodo e duu ange naa gi de hai ngadaa.

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Isaiah 42:24

Goai ne gaavange Jacob bei goloa e maua i de hebagi, ma de dugu ange Israel gi de gau gaiaa? E aha, e dee go Tagi Maolunga, de ia odaadeu gu haisala ange laa aagena? Go hiidinga gilaadeu tee llodo e daudali i ono haiava, gilaadeu tee llodo e hagallongo ange gi ana hainga.

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Jeremiah 10:7

De Hodooligi o denga huaahenua, goai e dee madagu i de goe? Deenei de mee e heohi de hai adu gi de goe. Gai e deai donu e bei oo dagodo, i magavaa o de gau heiangi alodahi o denga huaahenua, ma olaadeu nohoanga hodooligi alodahi.

Jeremiah 26:4

Gai koe hai ange gi gilaadeu, ‘E hagadaba Tagi Maolunga: Noo goodou e dee hagallongo mai gi de au, ga daudali i agu hainga gu gaavadu gi goodou,

Jeremiah 32:23

Gai de masavaa huu olaadeu ne loomai ga henua ai, gai gilaadeu tee hagallongo adu gi au muna, aabe ne seesee i au hainga; gilaadeu tee hai donu dahi mee daudahi, aau ne tala ange gilaadeu gi haia. Deelaa ai, koe gu hai gi loomai denga hai ngadaa nei alodahi gi gilaadeu.

Jeremiah 36:24

Gai de hodooligi ma ono dangada hai hegau tee maatagu hogi i delaadeu langona muna laa alodahi, aabe ne saesae olaadeu malo.

Jeremiah 44:23

Gai go hiidinga goodou ne hai ssigidaumaha i mee maanongi, ma de hai baasi ange gi Tagi Maolunga i doodou haisala, gai tee hagallongo ange gi muna a Tagi Maolunga, aabe ne daudali i ana hainga ma ana muna gu hagasauaa, aama ana muna gu tala — deenei ai, de hai ngadaa nei gu hai adu gi goodou, bei doodou hai gu gidee ai naa anailaa nei.”

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 6:15

E aha, gilaadeu e dee dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Gai gilaadeu e maakau naa hogi madali gilaadeu gu maakau laa; gilaadeu e hagadee kii naa i de masavaa aagu e hagaduasala ai gilaadeu,” go Tagi Maolunga e hagadaba.

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

Ezekiel 9:4

Gai Tagi Maolunga ne hai ange gi de ia, “Hannoo hagadaga i lo te aduhale o Jerusalem maaga ina ai honga lae o dangada alodahi e daemaha ma de gonogono i hiidinga denga mee hakino gee alodahi e hai i lo te aduhale.”

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 27:54

De masavaa o tagi o de lau ma denga daane hebagi madali ia, e hagaloosia ange laa Iesu ne gidee ai de ngalungalue o de henua ma mee alodahi gu hai laa, gai gilaadeu gu maatagu mmao, ga hagataba, “Ni muna abodonu, taane nei go Tama Daane donu a de Maadua!”

Luke 23:40

Aagai taane ange laa ga hagasee dono soa, ga hai ange, “Koe e dee madagu naa donu i de Maadua, i hiidinga koe ne hagamodu oo muna e hagaduasala bei dagodo o taane nei?

Romans 11:20

Ni muna abodonu; gilaadeu ne aau gee, i hiidinga delaadeu dee hagadonusia, gai koe e pigi ange donu huu i doo gai. Deenei ai, koe gi dee hagamaolunga, aagai koe gi madagu.

1 Peter 5:6

Deenei ai, goodou gi hagamaolalo i lalo de lima sauaa o de Maadua, gai ia ga hagaamua ai goodou i de masavaa heohi.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”