Jeremiah 43:6 - De Beebaa Dabu

⁶ Gilaadeu ne kave hogi denga daane ma haahine, ma gauligi, ma denga damaa hine a de hodooligi, ma dangada alodahi a Nebuzaradan tagi o de gau hagaloosi, ne dugu laa i daho Gedaliah tama daane a Ahikam, tama daane a Shaphan, ma de pelaabisi go Jeremiah, aama Baruch tama daane a Neriah.

Jeremiah 43:6 Iomraidhean Croise

Jeremiah 38:22

Denga haahine alodahi e doe i de hale o de hodooligi o Judah, e dagi naa ga kave gi denga dagi i lalo o de hodooligi o Babylon. Gai denga haahine e hai adu naa gi de goe: ‘Oo soa aau e hagadonu naa gu dagi gee goe; gilaadeu gu maua i de hagasenga goe. Gai luoo vae gu ssege gi lo te bela; gai gilaadeu gu tili goe.’

Jeremiah 39:10

Aagai Nebuzaradan, tagi o de gau hagaloosi, ne dugu hanu dangada hagaau aloha e deai laa alaadeu mee i de henua; gai ia ne gaavange gi gilaadeu hanu veelengaa grape ma hanu alahenua i de masavaa laa.

Jeremiah 40:11

Gai ga langona huu e de gau Ssuu alodahi i Moab, ma Ammon, ma Edom aama denga henua ange laa bolo de hodooligi o Babylon ne dugu hanu dangada i Judah, gai gu hili ange Gedaliah tama daane a Ahikam, tama daane a Shaphan gi dagina gilaadeu,

Jeremiah 40:7

Gai dagi alodahi o de hebagi ma olaadeu daane e nnoho laa i lodo henua, gu langona bolo de hodooligi o Babylon gu hai Gedaliah, tama daane a Ahikam go de goobena o de henua, ma de hai ia gi dagina denga daane, ma haahine aama denga gauligi alodahi e hagaau aloha laa, gai tee gaavee gi Babylon.

Jeremiah 41:10

Gai Ishmael ne noonooa dangada alodahi e doe i Mizpah ga kave: go denga damaa hine a de hodooligi, madali dangada alodahi e doe i Mizpah, go dangada a Nebuzaradan tagi o de gau hagaloosi ne dugu i daho Gedaliah tama daane a Ahikam. Gai Ishmael tama daane a Nethaniah ne noonoa gilaadeu alodahi ga hulo ai gilaadeu gi daho de gau Ammon.

Jeremiah 43:3

Gai Baruch tama daane a Neriah ne hai goe gi hai baasi mai gi gimaadeu, e gaavange ai gimaadeu gi de gau Babylon, gai gilaadeu ga daa ai gimaadeu gi maakau, aabe e kave gimaadeu gi Babylon.”

Jeremiah 45:1

Gai aanei muna a de pelaabisi go Jeremiah ne tala ange gi Baruch tama daane a Neriah, i de haa ngadau o Jehoiakim tama daane a Josiah, de hodooligi o Judah, i dua de sisi a Baruch muna a Jeremiah ne tala ange gi de ia i lo te beebaa mulo:

Jeremiah 52:10

Gai de hodooligi o Babylon ne daa ga maakau denga dama daane a Zedekiah i mada luoono mada, ia ne daa hogi ga maakau dagi alodahi o Judah i Riblah.

Lamentations 3:1

Au se dangada gu duu ange gi de hai ngadaa i de haele a de Maadua au i dono bole;

John 21:18

Ni muna abodonu, ni muna abodonu aagu e hai adu nei gi de goe, doo masavaa e dama daane ai, gai koe e nnoa doo ungaalodo i doo beele, ga hano be go hee oou e lodo e hano aagena. Gai doo masavaa naa huu e madumadua ai, gai koe e haalo naa luoo lima, gai dahi dangada gee ga nnoa doo ungaalodo i de beele, ga dagi goe gi de mommee oou e dee lodo e hano aagena.”