Jeremiah 43:2 - De Beebaa Dabu

² gai Azariah tama daane a Hoshaiah, ma Johanan tama daane a Kareah, ma denga daane hagamaolunga alodahi ne hai ange gi Jeremiah, “Koe e hadu muna! E dee go Tagi Maolunga demaadeu Maadua donu ne haia goe gi humai gi hai mai, ‘Goodou gi dee hulo gi nnoho i Egypt.’

Jeremiah 43:2 Iomraidhean Croise

Genesis 19:14

Gai Lot ne sao ange hogi gi duaahaho ga basa ange gi hagababa o luaana damaa hine, ga hai ange, “Gooluu hagamoolau hulo gee mai i de mommee nei, go hiidinga Tagi Maolunga gu dai oha naa de aduhale nei.” Aagai gilaau e maanadu bolo ia e hakadanga ange gi gilaau.

2 Chronicles 36:13

Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.

Psalm 119:21

Koe e hagasee de gau hagamaolunga, go gilaadeu gu maalaia, gilaadeu ni dangada gu hulo gee i au hainga.

Psalm 12:3

Tagi Maolunga gi duuduudia malaungudu e hagasegesege ina ange dangada, ma de alelo e basa hagamaolunga,

Psalm 123:4

Gu daulooloa mmao demaadeu hagadookaa ina i daho de gau hagamaolunga, ma de hagangadi mee ina i daho de gau lodo maolunga.

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Exodus 9:17

Gai koe e duudagi donu huu de hagamaolunga huu i dogu huaadangada, koe tigi dugu donu gilaadeu gi hulo.

Proverbs 16:5

Tagi Maolunga e kino i dangada hagamaolunga alodahi. Ni muna abodonu, de gau bee nei e dee haihai naa donu ga dee hagaduasala.

Proverbs 30:9

kana gona odi naa huu de lagolago agu mee, gai au ga hagangadi mee goe, gai au ga hagadaba, “Goai donu go Tagi Maolunga?”, aabe e kona dogu hagaau aloha, gai au ga gaiaa, ga dee hagadubu ai de ingoo o dogu Maadua.

Proverbs 6:17

go luu mada hagamaolunga, ma de alelo hadu muna, ma lima e daia dangada tigi haisala,

Proverbs 8:13

De madagu i Tagi Maolunga e kino i de baubau; au e kino i de hagamaolunga ma de lodo maolunga, ma dahulinga baubau aama de hadu muna.

Isaiah 7:9

Gai de biho o Ephraim go Samaria, gai de biho o Samaria go tama daane a Remaliah. Noo goodou e dee hagadonusia muna nei, gai goodou e dee maua naa donu gi duu gi makaga.’ ”

Isaiah 9:8

De Ia Aamua gu tala dahi mee e hai baasi ange ai gi Jacob, gai e hai ange naa hogi gi Israel.

Jeremiah 13:15

Nnoho mai hagalaangona; goodou aude hagamaolunga, go hiidinga Tagi Maolunga gu hagadaba.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Jeremiah 40:8

Gai Ishmael tama daane a Nethaniah, ma Johanan ma Jonathan luu dama daane a Kareah, ma Seraiah tama daane a Tanhumeth, ma denga dama daane a Ephai taane Netophah, ma Jaazaniah taane Maacah, aama olaadeu daane ne loomai gi daho Gedaliah i Mizpah.

Jeremiah 41:16

Gai Johanan tama daane a Kareah, ma dagi alodahi o denga daane hebagi madali ia ne kave dangada alodahi e doe i Mizpah, go dangada aana ne hagaahe mai i daho Ishmael tama daane a Nethaniah, i dua dana daa Gedaliah tama daane a Ahikam: go denga daane hebagi, ma denga haahine, ma denga gauligi, aama denga eunuch. Aanei gilaadeu aana ne hagaahe mai i Gibeon.

Jeremiah 41:18

Go hiidinga gilaadeu gu maatagu i de gau Babylon, i hiidinga Ishmael tama daane a Nethaniah gu daa ma gu magau Gedaliah tama daane a Ahikam, taane a de hodooligi o Babylon ne hili ange gi dagina de henua.

Jeremiah 42:1

Gai dagi alodahi o denga daane hebagi madali Johanan tama daane a Kareah ma Jezaniah tama daane a Hoshaiah, aama dangada alodahi, mai i tangada maolalo ga dae ai gi tangada maolunga,

Jeremiah 42:20

bolo goodou e dee heohi donu, i doodou masavaa ne hai au gi hano gi Tagi Maolunga, doodou Maadua, ga hai mai, ‘Dalodalo ange gi Tagi Maolunga taadeu Maadua, gai be se aha naa huu a Tagi Maolunga taadeu Maadua e tala adu, gai koe ga tala mai gi gimaadeu mee alodahi aana e tala adu, gai gimaadeu ga hai gi bei.’

Jeremiah 42:5

Gai gilaadeu ne hai ange gi Jeremiah, “Tagi Maolunga e heohi donu ma de hai hegau i de mee abodonu, i dono hai baasi mai gi gimaadeu, noo gimaadeu e dee hagassula muna alodahi a Tagi Maolunga doo Maadua e tala adu koe gi daalaa mai gi gimaadeu.

Jeremiah 43:1

Gai ga odi huu muna alodahi a Tagi Maolunga delaadeu Maadua, i de tala ange a Jeremiah gi dangada, go muna a Tagi Maolunga delaadeu Maadua, ne hai ia gi hano gi daalaa ange gi gilaadeu,

Jeremiah 44:16

“Gimaadeu e dee hagallongo donu au muna gu tala mai i de ingoo o Tagi Maolunga!

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”