Jeremiah 43:12 - De Beebaa Dabu

¹² Gai ia e dahu naa de ahi i lodo hale o denga diinonga o de gau Egypt; ia e dudu naa olaadeu hale daumaha ga kave gee olaadeu diinonga i de henua. Gai Nebuchadnezzar e kave naa goloa o de henua go Egypt, bei de hai a tangada hagaloosi ssiibi e aau ai laa denga gudu i dono malo laa daha, gai e deai naa donu dangada e buibuia dono humai ma dono ahe.

Jeremiah 43:12 Iomraidhean Croise

2 Samuel 5:21

Gai de gau Philistia ne tili olaadeu diinonga i kilaa, gai David ma ono daane ga saabai denga diinonga laa ga kave madali gilaadeu.

Esther 6:9

ga gaavange denga malo ma de hoosa laa gi dahi dagi aamua o de hodooligi, gai ia gi hano gi hakahudia ange taane a de hodooligi gu lodo e hagadubu ga hakage ange ia gi honga de hoosa, ga dagi de hoosa laa lo te aduhale, ga hagadaba, ‘Deenei de hai a de hodooligi e hagadubu ai tangada aana gu lodo laa e hagadubu.’ ”

De Beebaa go Job 40:10

Hagalaagii ina goe i ssauaa e dagi ai ma de maolunga, gai hakahu ina goe i de mahamaha ma de hagadubu.

Psalm 104:2

Ia e gahu i de maalama bei de malo; ia e doha de langi bei de hale malo,

Psalm 132:16

Au e hakahu naa ono dangada haimeedabu i de hagaola, gai ono dangada dabu e daahili naa i delaadeu malangilangi.

Psalm 132:18

Au e hai naa gi dookaa ono hagadaumee, aagai de hau hodooligi i honga dono biho e hagadagadaga age naa.”

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Isaiah 21:9

Tilo, hanu dangada e kage i honga hoosa gu loomai, gai denga hoosa e hagatau dagilua.” Gai tangada dagitilo ne basa ange, “Babylon gu maoha, Babylon gu maoha! Denga diinonga alodahi o olaadeu maadua gu maoha ma gu daakodo i honga de gelegele.”

Isaiah 46:1

Bel gu ino gi lalo, Nebo gu duuduli; olaadeu diinonga e hagauda i honga manu dolodolo ma manu haangai. Gai mee nei e kave saele ma de hagauda ma e hagadaemaha ai denga manu.

Isaiah 46:2

Gilaadeu e ino gi lalo ma de duuduli alodahi; gu dee maua i de hagaola de mee alaadeu e hagauda laa, gilaadeu e noonoodia hogi ga gaavee gee gi dahi henua gee.

Isaiah 49:18

Dangage age ma gi diiloo; au dama alodahi gu hagabuni mai gi oo daha. Au e hagatoo donu i dogu mouli, go Tagi Maolunga e hagadaba, “Koe e hai naa gilaadeu alodahi bei mee hagalaagii aau e dau laa; koe e dau naa gilaadeu bei mee hagalaagii o de hine gu dai hai bodu.

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.

Isaiah 59:17

Ia e dau de heohi bei de mee dau i hadahada ma de hagauda de goobai baalanga o de hagaola i honga dono biho; gai e gahu i malo e sui ange ai i de hagaduasala, ma de saabini ia i de lodo mmahi bei de malo laa daha.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 61:5

Gai de gau henua gee e hagaloosi oodou hagabuulingaa manu, de gau henua gee e hagabalabala naa oodou veelenga, ma de velevele oodou veelengaa grape.

Jeremiah 10:11

Gai goodou hai ange gi gilaadeu: “E dee go denga diinonga ne haia de langi ma henua i lalo, gai gilaadeu e hai naa ga llilo i honga de henua ma lalo de langi.”

Jeremiah 10:15

E deai olaadeu haigamaiana, gai ni mee hakadanga; gilaadeu e llilo naa i de masavaa o delaadeu hagaduasala.

Jeremiah 25:19

go Pharaoh de hodooligi o Egypt ma ono dangada hai hegau, ma dagi o de henua aama ono dangada alodahi,

Jeremiah 43:13

Ia e oha naa denga duludulu hadu i lo te hale daumaha o de laa i Egypt, ma de dudu hale daumaha o denga diinonga o Egypt.’ ”

Jeremiah 46:25

Gai e hagadaba Tagi o denga hagabuulinga hebagi, de Maadua o Israel, “Tilo, au e hagaduasala naa Amon tiinonga o Thebes, ma Pharaoh, ma Egypt ma ono diinonga ma ono hodooligi, ma Pharaoh aama dangada alodahi e hagadonusia ia.

Jeremiah 48:7

Goodou e hagadonu oodou mahi ma oodou goloa lagolago, deenei ai, goodou e hagadee kii naa hogi; gai tiinonga go Chemosh e gaavee naa gi dahi henua gee, madali ono dangada haimeedabu aama dagi o de henua.

Jeremiah 49:27

Gai au e dudu naa denga buibui o Damascus, gai de ahi e oha naa denga hale danuaa o Ben-Hadad.”

Jeremiah 50:2

“Goodou daalaa gi langona e dangada i denga huaahenua, hagaduulia age dahi hagailonga ma de hagailoo ange gi dangada; goodou e dee hagammuni donu, aagai hagataba, ‘Babylon e hagadee kii naa, gai a Bel e hagadogaa naa, Merodak e madagu naa. Ono diinonga e hagadookaa ina naa, gai ono diinonga gu maatagu.’

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Ezekiel 29:11

Gai e deai naa donu dangada, aabe ni manu dolodolo e seesee saele i kilaa; e deai naa hogi dangada e nnoho i kilaa i e madahaa ngadau.

Ezekiel 29:19

Deenei ai, e hagadaba de Ia Aamua go Iahweh: Tilo, au e dugu ange naa de henua go Egypt gi Nebuchadnezzar de hodooligi o Babylon, gai ia e mmoli naa denga goloa hagamogomogo alodahi ga kave. Ia e oha ma de gaiaa mee alodahi i de henua, ga hagao ange ai ono daane hebagi.

Ezekiel 30:13

E hagadaba de Ia Aamua go Iahweh: Au e oha naa denga diinonga, ma de hai gi deai diinonga i Memphis. Gai Egypt e deai naa sono dagi, gai au e hai naa gi maatagu dangada i honga de henua.

Daniel 11:8

Gai ia e kave naa olaadeu diinonga gi Egypt, madali olaadeu diinonga baalanga, ma olaadeu goloa selevaa ma goolo. Gai ia e dee hakoso naa donu de hodooligi o ngaiho i hanu ngadau.

Zephaniah 2:11

Tagi Maolunga e hagalele mouli i dono hai baasi ange gi gilaadeu, i de masavaa aana e oha ai denga diinonga alodahi o de henua. Denga huaahenua alodahi e daumaha ange naa gi de ia, dahi ma dahi i dono henua donu.

Romans 13:12

Gu ui de boo, gai gu dae mai de laangi. Deenei ai, gidaadeu ga tili hegau o de gohu gai ga hagauda goloa hebagi o de maalama.

Ephesians 4:24

ga hakahu goodou i tangada hoou, ne hai laa ga bei de hagadulagi o de Maadua i de heohi abodonu laa aama de dabu.

Ephesians 6:11

Gai hagauda ina de malo ma goloa hebagi alodahi o de Maadua, gi maua ai e goodou i de tuu e hai baasi ange gi denga hagadaagangaa hagatale a de ia hagabaubau laa.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

Colossians 3:14

Gai hagapunidia ange gi mee nei alodahi de aloha, go de mee e noodia mee alodahi ga hai gi buni abodonu.