Jeremiah 4:3 - De Beebaa Dabu

³ Gai Tagi Maolunga e hai ange gi denga daane o Judah ma Jerusalem: “Hagabalabala ina oodou gelegele tigi hagabalabala laa, gai goodou aude dooa oodou manu i magavaa o denga manu daladala.

Jeremiah 4:3 Iomraidhean Croise

Genesis 3:18

Gai denga manu dabeo aama manu daladala e ssomo age naa i honga de gelegele, gai koe e gaimee naa i hua o manu i honga de gelegele.

Exodus 23:11

aagai de hidu ngadau naa huu, gai goodou ga dugu oodou gelegele gi ngadi daakodo, gi deai hegau e hai ange aagena. Gai de gau hagaau aloha i oodou magavaa gi gaimee i manu e ssomo ai. Gai mee e doe i delaadeu gai, gai denga manu dolodolo gi gaimee ai. Gai deenei hogi doodou hai e hai ai oodou veelengaa olive aama oodou veelengaa grape.

Hosea 10:12

Goodou dooa ange de heohi gi oodou lodo, gai goodou ga hagihagi ai hua o de abodonu; hagabalabala ina de gelegele makaga i oodou lodo, go hiidinga gu dae mai de masavaa oodou e ssala ai Tagi Maolunga, ga dae ai gi dono humai ga hai gi hano iho de heohi gi oodou elunga.

Matthew 13:22

Gai golee ne too ange laa gi magavaa o denga manu daladala, go tangada e langona e ia muna laa; aagai mee hagamanavasaa o henua i lalo nei, ma de lava e hagasengalia laa dangada ga hagakabi muna laa, gai tee maua gi hhua.

Matthew 13:7

Hanu ne too ange gi magavaa o denga manu daladala, gai manu daladala laa ga ssomo age ga hagakabi gilaadeu.

Mark 4:7

Hanu ne too ange gi magavaa manu daladala, gai denga manu daladala laa ga ssomo age ga hagakabi gilaadeu, gai manu laa tee maua gi hhua.

Luke 8:14

Gai golee ne too ange laa gi magavaa manu daladala, go dangada ne langona laa muna nei, aagai ga hulo gee huu gilaadeu, gai muna laa gu haolia i denga maanadu hagamanavasaa, ma de lava, aama mee hagalodo danuaa alodahi o de mouli nei, gai olaadeu hua e dee maua gi maatua.

Luke 8:7

Hanu ne too ange gi magavaa o denga manu daladala, gai denga manu daladala ga ssomo age ga haoli.