Jeremiah 4:27 - De Beebaa Dabu

²⁷ E hagadaba Tagi Maolunga, “De henua alodahi e maoha naa ga ngadi dagodo, gai au e dee oha naa donu gi odi.

Jeremiah 4:27 Iomraidhean Croise

2 Chronicles 36:21

Gai de gelegele o de henua ne hagamabu danuaa; masavaa alodahi o de henua ne ngadi dagodo ai, gai de gelegele ne hagamabu hogi, ga dae ai gi de odi ange de madahidu ngadau, e hagassula ai muna a Tagi Maolunga gu tala laa i daho Jeremiah.

Nehemiah 9:31

Gai go hiidinga doo lodo aloha laumalie koe tee hagalilo gilaadeu aabe ne tili gilaadeu, go hiidinga koe se Maadua abodonu ma de lodo aloha.

Isaiah 17:6

Aagai e hanu hua e doe ai, bei de olive gu hagailiili iho laa ono hua, gai e lua be dolu hua e doe i denga laa i de ulu, aabe haa be lima hua i denga laa ange laa,” go Tagi Maolunga, de Maadua o Israel e hagadaba.

Isaiah 24:1

Tilo, Tagi Maolunga e oha naa henua i lalo ga hai gi se mommee e ngadi dagodo; ia e oha naa ono elunga ga hai gi mavaevae saele dangada iai.

Jeremiah 18:16

Gai delaadeu henua e hai naa ga se mee hagamaatagu, gai se mommee e hagavogivogi ai dangada i de lele olaadeu mouli ga hano ai; gai dangada alodahi e seesee laa kilaa e geugeu naa olaadeu biho i delaadeu llele olaadeu mouli i ono dagodo.

Jeremiah 25:11

Gai de henua nei alodahi e hai naa ga deai dangada e nnoho ai gai se mommee e ngadi dagodo, gai denga huaahenua nei e hai hegau ange naa gi de hodooligi o Babylon i e madahidu ngadau.

Jeremiah 30:11

Gai au e noho naa donu madali goe ma de hagaola goe, go Tagi Maolunga e hagadaba. Gai ga hagallilo ina naa donu e au denga huaahenua alodahi, aagu gu hai oo dangada gi mavaevae saele aagena, aagai au e dee hai donu gi odi oo dangada i de llilo. Au e haele naa goe i de heohi; au e dee dugu naa donu huu goe, gai e hagaduasala donu goe.

Jeremiah 4:20

Gu lagolago mmao mee ne oha ga maoha, de henua alodahi gu maoha ma gu ngadi dagodo ai. Gai ne daa hagalele donu de maoha ogu hale malo, ma malo e buibui ai luu baasi.

Jeremiah 4:7

Dahi laiono gu sao mai i lodo mee muimui; gai de ia e oohaa denga huaahenua gu sao e humai. Ia gu dugu dono mommee gai ia ga oha ai gi maoha doo henua. Oo aduhale e ngadi daakodo naa, gu deai dangada e nnoho ai.

Jeremiah 44:6

Deelaa ai, au gu hai baasi ange gi gilaadeu i dogu bole ma dogu lili; gai dogu bole gu dudu de aduhale o Judah ma honga denga haiava o Jerusalem ma gu maoha ma de ngadi daakodo anailaa nei.

Jeremiah 46:28

Dogu dangada hai hegau go Jacob, aude madagu, go hiidinga au e madali goe, go Tagi Maolunga e hagadaba. Gai ga oohaa naa donu e au huaahenua alodahi aagu gu hai oo dangada gi mavaevae saele aagena, gai au e dee oha donu goe. Au e haele naa goe i de hai heohi; au e dee dugu naa donu huu goe, gai e hagaduasala donu goe.”

Jeremiah 5:10

Hannoo laa lodo ana veelengaa grape ga oohaa ai, aagai e dee oha gi odi. Aaua gi odi iho ono laa, go hiidinga gilaadeu e dee nii Tagi Maolunga.

Jeremiah 5:18

Aagai ga hai naa donu mee nei i laangi laa, go Tagi Maolunga e hagadaba, gai au e dee daa donu goodou gi odi.

Jeremiah 7:34

Gai au e hai naa gi dee langona leo o de hine ma taane gu dai hagahai bodu e llodo danuaa ai, aabe e malangilangi ai i lodo aduhale o Judah, aama honga haiava o Jerusalem, gai de henua e ngadi dagodo naa.”

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Lamentations 2:7

De Ia Aamua gu hagangadi mee dono mommee o ssigidaumaha, ma de tili dono mommee dabu. Ia gu dugu ange de hagadaumee gi oohaa denga buibui o ono hale danuaa; gilaadeu gu hagalongaa i lo te hale o Tagi Maolunga, bei mee e hai i laangi o dahi daonga gu hagailonga laa.

Ezekiel 11:13

Gai de masavaa aagu ne basa pelaabisi ai, gai Pelatiah tama daane a Benaiah gu magau. Gai au ga ino gi honga de gelegele, ga oo ga hagadaba, “Dogu Ia Aamua go Iahweh! Koe ga daa naa donu gi odi dangada o Israel e doe?”

Ezekiel 20:17

Aagai au ne lodo aloha ange gi gilaadeu; au tee daa gilaadeu gi maakau, gai tee hai gi odi gilaadeu i de maakau i de vao.

Ezekiel 33:28

Gai au e hai naa de henua gi se mommee e ngadi dagodo, gai ono mahi aana e tuhi ai laa ia e hai naa ga deai, gai denga mounga o Israel e ngadi daakodo naa; gu deai dangada e hulo gi kilaa.

Ezekiel 6:14

Gai au e hagaabo naa dogu lima ga hai baasi ange ai gi gilaadeu, ma de oha de henua ga hai gi ngadi dagodo, i olaadeu mommee nnoho alodahi, mai i de vao ga dae ai gi Riblah. Gai gi iloo ai e goodou bolo go au donu go Iahweh.’ ”

Leviticus 26:31

Au e oha naa gi maoha oodou aduhale, gai ni mommee dabu gi ngadi daakodo, gai au e dee hagadungu naa donu oodou sigidaumaha nnamu kala.

Leviticus 26:44

Aagai e dee galemu naa donu delaadeu hai mee nei alodahi, gai de masavaa naa huu olaadeu e nnoho ai i de henua o olaadeu hagadaumee, gai au e dee tili donu i gilaadeu, be e kino i gilaadeu, aabe daa gilaadeu gi odi i de maakau, ga oha ai dagu hagatoo donu hagaheloongoi ne hai madali gilaadeu. Go au donu go Iahweh delaadeu Maadua.

Zephaniah 1:18

Alaadeu selevaa ma alaadeu goolo e dee maua naa donu i de hagaola gilaadeu i de laangi o Tagi Maolunga e bole ai. Dono magiaa e bei naa de ahi e dudu naa ga odi henua i lalo alodahi, gai ia e moolau naa donu dana daa ga maakau dangada alodahi i henua i lalo.