Jeremiah 4:22 - De Beebaa Dabu

²² ⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Jeremiah 4:22 Iomraidhean Croise

Genesis 39:16

Gai de hine laa ga dugu de malo o Joseph i ono daha ga dae ai gi de humai o tangada aamua o Joseph gi de hale,

2 Samuel 13:3

Aagai Amnon e dahi ono soa, dono ingoo go Jonadab, ia se dama daane nii Shimeah, dahi daina daane o David; Jonadab se daane heiangi vaivai dagodo.

Psalm 36:3

Ana muna e tala e baubau, ma de daahanga dangada; ia gu dee hai hegau i de heiangi ma tanuaa.

Psalm 36:4

Ia e hai donu hogi denga hagatau baubau i honga dono moenga; ia e hagababa ange ia gi dahi haiava e dee danuaa; gai ia e dee kino donu i de baubau.

Psalm 53:4

E aha, dangada e haia de baubau tigi heiangi nei donu — go gilaadeu e vaivai haia ogu dangada bei de gai a dangada pelaoaa, gai gilaadeu e dee dalodalo ange gi de Maadua?

Psalm 82:5

Gilaadeu e dee iloo mee gai e dee tonu. Gilaadeu e seesee saele i lo te gohu; gai tagelo alodahi o henua i lalo gu dai baakuu.

Proverbs 28:5

De gau baubau e dee tonu ange gi dagodo o de hagamodu heohi, aagai gilaadeu e saalaa Tagi Maolunga e honu delaadeu tonu ange.

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

Isaiah 27:11

De masavaa naa huu o ono laa vaaligi e mmasa ai, gai gu hadihadi, gai denga haahine ga hai ai alaadeu ahi. Gai de huaadangada nei e dee maua donu gi tonu ange, gai de ia ne haia gilaadeu tee lodo aloha i gilaadeu; de ia ne haia gilaadeu tee abodonu ange gi gilaadeu.

Jeremiah 10:8

Gilaadeu alodahi e ssenga ma de llodo ssenga; gilaadeu e agoago i daho denga diinonga laagau e deai laa olaadeu haigamaiana.

Jeremiah 13:23

E aha, e maua e tangada Ethiopia i de sui de leebunga o dono gili, be go de leopard i de sui denga mee daubulebule i dono gili? Gai e bei ai hogi, goodou e dee maua donu i de hai tanuaa go hiidinga goodou gu aabo i de hai de baubau.

Jeremiah 2:8

De gau haimeedabu tee ssili, ‘I hee iai Tagi Maolunga?’ De gau hai hainga tee iloo e gilaadeu au; gai de gau hagaloosi ssiibi gu haisala mai gi de au. Denga pelaabisi gu pasa pelaabisi i de ingoo o Baal, ma de daudali i denga diinonga deai haigamaiana.

Jeremiah 4:21

Dee hee maa taulooloa dagu tilo de hagailonga o de hebagi ma de hagallongo de ili o de hanga manu?

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Jeremiah 5:4

Gai au ne hagadaba, “De gau nei ni dangada hagaau aloha; gilaadeu e llodo ssenga; go hiidinga gilaadeu e dee iloo haiava o Tagi Maolunga, ma hainga a delaadeu Maadua.

Jeremiah 9:2

Mee naa gi dahi ogu mommee i de vao, se mommee e nnoho gaainga ai dangada e hagadaga saele, gai au ga dugu ogu dangada ga hano gee mai i olaadeu daha, go hiidinga gilaadeu alodahi ni dangada e dagodo haisala, gai se hagabuulingaa dangada e dee hai hegau i de mee abodonu.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Jeremiah 9:5

Dahi ma dahi e daahanga tangada e baa ange gi de ia, gu deai se dangada e daalaa de muna abodonu. Gilaadeu alodahi gu aabo ange i tala muna hhadu; gilaadeu e hagadee saohia gilaadeu i de hai de baubau.

Ezekiel 16:30

Ga kona de baageaa dau maanadu, go de Ia Aamua go Iahweh e hagadaba. Koe ne hai mee nei alodahi, bei dahulinga a de hine hai be se manu.

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Hosea 5:4

Alaadeu hegau hakino gee gu daohi gilaadeu gi dee aahe mai gi delaadeu Maadua. Go hiidinga gilaadeu e llodo mmao i de hai be se manu, gai gilaadeu gu dee iloo Tagi Maolunga.

Amos 3:10

“Gilaadeu e dee iloo de hai de mee heohi, go Tagi Maolunga e hagadaba. Gilaadeu e hagabudu mee alaadeu e gaiaa ma de vaivai hai ai dangada i lodo olaadeu mommee buibui makaga.”

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Luke 16:8

Aagai tangada aamua laa ne tuhi dono dangada hai hegau baubau laa i ana hegau heiangi ne hai; go hiidinga dangada o henua i lalo e heiangi ange i dama a de maalama i de hai hegau i magavaa olaadeu dangada.

John 16:3

Gai gilaadeu e hai mee nei i hiidinga gilaadeu e dee iloo dogu Damana, gilaadeu e dee iloo hogi au.

Romans 1:22

Gilaadeu e hagataba bolo gilaadeu ni dangada heiangi, aagai gilaadeu ni dangada donu llodo ssenga;

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Romans 16:19

Go hiidinga dangada alodahi gu iloo dagodo o doodou hagallongo i muna, deenei ai, au gu malangilangi mmao i oodou hiidinga, gai au e lodo goodou gi heiangi i de mee danuaa gai gi dee heiangi i de baubau.

Romans 3:11

e deai donu se dangada e donu ange; e deai donu se dangada e saalaa de Maadua.

1 Corinthians 14:20

Denga daina, goodou gi dee maanadu gauligi; gai maanadu bei dagodo o denga gaagaa i de hai de baubau, aagai oodou maanadu gi maatua abodonu.

Deuteronomy 32:28

Israel se huaahenua e dee heiangi, gai ni dangada e dee tonu.

Deuteronomy 32:6

De gau ssenga ma teai oodou mee e iloo, deenei doodou hai e hagao ange ai Tagi Maolunga? E dee go ia doodou Damana ne haia ina goodou, ma de hai goodou ga se huaahenua?