Jeremiah 4:13 - De Beebaa Dabu

¹³ Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Jeremiah 4:13 Iomraidhean Croise

2 Samuel 1:23

Saul ma Jonathan ni daane niio dangada e aaloha ai aama de mahamaha, gai gilaau tee mavaevae donu i delaau maakau. Gilaau e kemo ange i denga igele, gai e mmahi ange i denga laiono.

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 19:1

Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Isaiah 3:8

Jerusalem e oha naa ga maoha, gai Judah e hagadee kii ina naa, i hiidinga alaadeu muna ma hegau e hai baasi ange gi Tagi Maolunga, ma de hagangadi mee dono mahamaha.

Isaiah 5:28

Dao o alaadeu mee hholu e kangi, alaadeu mee hholu alodahi gu dada ma gu maalena; vae o alaadeu hoosa e bei hadu makaga, gai hagasii o olaadeu hada hebagi e bei dagodo o ssou.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Jeremiah 10:19

⌊Dangada e hagataba,⌋ “Gu vakaa loo au i hiidinga au gu lagohia! Dogu maanuga e dee maua gi mahu. Aagai au e hagadaba, ‘Ni muna abodonu, de mee nei dogu magi, au e hagauda donu de mee nei.’

Jeremiah 4:12

gai se madangi mmahi mai i ogu daha. Gai se madangi niiagu ne hagahi gi humai gi hagaduasala ina gilaadeu.”

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 46:18

Au e hagatoo donu i dogu mouli, go de Hodooligi e hagadaba, dono ingoo go Tagi o denga hagabuulinga hebagi: E humai naa dahi bei dagodo o Tabor i magavaa o denga mounga, ma dagodo o Carmel i gaogao tai.

Jeremiah 48:40

Go hiidinga e hagadaba Tagi Maolunga: “Tilo, e humai naa dahi bei de igele gemo, ga doha luoono bakau ga hebagi ange ai gi Moab.

Jeremiah 49:22

Tilo, dahi igele gemo e lele mai naa ga hagatili iho, ga doha luoono bakau ga hai baasi ange ai gi Bozrah. Gai lodo o denga daane hebagi mmahi o Edom e bei naa lodo o de hine gu hai ono hagalangona.”

Jeremiah 6:23

Gilaadeu gu dau alaadeu mee hholu ma olaadeu dao; gilaadeu e vaivai hai dangada ma tee llodo aaloha. Delaadeu loomai i honga hoosa e bei de hadihadi mai o denga beabeau; gilaadeu e hagatau hugadoo i olaadeu hagabuulinga hebagi, e hebagi adu gi de goe, tamaa hine o Zion.”

Jeremiah 9:19

De leo o tangi see e langona mai i Zion: ‘Gidaadeu gu odi i de maoha! Gidaadeu gu kona mmao i de dookaa. Gidaadeu e hulo gee donu i taadeu henua i hiidinga odaadeu hale gu maoha.’ ”

Lamentations 4:19

Dangada e dolohia gimaadeu e kemo ange i denga igele i lo te langi i lunga; gilaadeu e doolohi gimaadeu i honga denga mounga, ma de mmuni e tali ai gimaadeu i lodo henua.

Ezekiel 26:10

Ana hoosa e kona mmao de lagolago, gai gilaadeu e hai naa ga buu de mama ga haoli ai goe. Gai doo buibui e ngalungalue naa i de saavini mai o denga hoosa hebagi, ma denga hada hagauda aama hada hebagi, i dono masavaa e ulu ai i lodo oo haitoga, bei de hai a denga daane e ulu ai laa i de aduhale gu maoha ma gu masaavava.

Ezekiel 38:9

Gai goodou ma oo daane hebagi ma huaadangada alodahi madali goe e loomai naa bei dagodo o de madangi mmahi; goodou e haoli de henua bei de hagausinga maadolu.

Daniel 11:40

Gai laangi hagaodi naa huu gai de hodooligi o ngaage e hebagi ange gi de ia, de hodooligi o ngaiho e humai naa ga hebagi ange gi de hodooligi o ngaage i denga hada hebagi, ma daane e kage i honga hoosa aama denga vaga lagolago mmao. Gai ia e hagadee kii naa denga henua lagolago ma de gage mai gi honga denga henua laa bei dagodo o tolona.

Daniel 7:4

Tahi manu alasala laa e bei de laiono, gai ono bakau e bei bakau o de igele. Gai au ne duudagi de haaina, ga dae ai gi de aau gee luoono bakau, ma de hagahidi age ia gi duu i honga luu vae bei dagodo o tangada; gai gu gaavange gi de ia dahi hadu manava bei de hadu manava o tangada.

Hosea 8:1

Ilihia de hanga manu i doo ngudu! Dahi igele gu hano iho gi honga de hale o Tagi Maolunga, go hiidinga gilaadeu gu oha dagu hagatoo donu hagaheloongoi, ma de hai baasi ange gi agu hainga.

Micah 2:4

De laangi laa gai dangada e hagadogaa naa i goodou; gilaadeu e hagammae manava naa goodou i dahi daahili, ga hai adu, ‘Gu vakaa loo gimaadeu; de henua o ogu dangada gu vaevae ma gu kave gee. Ia gu kave gee mee nei mai i de au! Ia gu gaavange omaadeu gelegele gi dangada ne hagadee kii ina gimaadeu.’ ”

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Habakkuk 1:8

Alaadeu hoosa e kemo ange i denga leopard, gai e hagamaatagu ange i denga wolf i de ahiahi boo. Olaadeu hagabuulinga hebagi e hagassoe mai donu huu; olaadeu daane i honga hoosa e loomai i de mommee mmao. Gilaadeu e bei de igele e hagatili iho laa ga kadi dahi manu;

Zechariah 6:1

Au ne galo age ange ga gidee e haa hada hebagi e ssao mai i magavaa o e lua mounga; gai luu mounga laa e hai i denga bronze.

Matthew 24:30

Aagai de hagailonga o Tama a Tangada e hagasula mai naa i de langi. Gai huaabodu o henua i lalo alodahi e tangi naa, ga hagailiili olaadeu hadahada i delaadeu gidee Tama a Tangada, e humai i honga giliiga o de langi i ssauaa ma de mahamaha laumalie.

Deuteronomy 28:49

Gai Tagi Maolunga e gaamai naa dahi huaahenua gi hebagi adu gi de goe, mai i de mommee mmao, i de bido laa o henua i lalo, gai gilaadeu e loomai naa bei de igele, gai se huaahenua e pasa i muna oou e dee donu ange aagena,

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.