Jeremiah 39:1 - De Beebaa Dabu

¹ Gai ssiva ngadau huu o Zedekiah ne hodooligi ai i Judah, i de madaangahulu malama, gai Nebuchadnezzar, de hodooligi o Babylon, ma dono hagabuulinga hebagi alodahi ne loomai e hebagi ange gi Jerusalem, gai gilaadeu ne duuli luu baasi de aduhale.

Jeremiah 39:1 Iomraidhean Croise

2 Chronicles 36:17

Tagi Maolunga ne hai hogi gi humai de hodooligi o de gau Babylon gi hai baasi ange gi gilaadeu, gai ia ne daa ga maakau alaadeu dama daane i de gadilaasa i lo te laadeu mommee dabu, ia tee lodo aloha ange donu gi dahi alaadeu dama daane, be se damaa hine, be se daane maadua, aabe se daane madumadua. Gai de Maadua ne dugu ange ia gi hagadee kii ina gilaadeu.

Jeremiah 32:1

Gai Tagi Maolunga ne hagaago ange ana muna gi Jeremiah i de madaangahulu ngadau o Zedekiah, de hodooligi o Judah, gai go de madaangahulu ma valu ngadau o Nebuchadnezzar ne hodooligi ai.

Jeremiah 34:1

De masavaa o Nebuchadnezzar, de hodooligi o Babylon, ma dono hagabuulinga hebagi alodahi, ma denga nohoanga hodooligi alodahi o henua i lalo aana e dagi laa, ne hebagi ange gi Jerusalem ma ono aduhale alodahi, gai Tagi Maolunga ne hagaago ange ana muna gi Jeremiah, ga hai ange,

Jeremiah 34:22

Gai au e tala naa dahi hagailoo, go Tagi Maolunga e hagadaba, gai au ga hagaahe mai ai gilaadeu gi de aduhale nei. Gai gilaadeu e hebagi ange naa ga hagadee kii de aduhale nei ga dudu i de ahi. Au e hai naa denga aduhale o Judah gi se mommee e ngadi daakodo, gai gi deai dangada e nnoho ai.”

Jeremiah 42:18

Gai e hagadaba Tagi o denga hagabuulinga hebagi, de Maadua o Israel: Dogu lili ma dogu bole ne hai baasi ange gi dangada e nnoho i Jerusalem, gai e bei ai hogi, dogu bole e hai baasi adu naa hogi gi goodou i de masavaa oodou e hulo ai gi Egypt. Goodou e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada; goodou e dee gidee ange naa donu de mommee nei.’

Jeremiah 52:1

Zedekiah gu madalua ma dahi ono ngadau i de masavaa oona ne dae ange ai ga hodooligi, gai ia ne hodooligi i e madaangahulu ma dahi ngadau i Jerusalem. Gai de ingoo o dono dinana go Hamutal, tamaa hine a Jeremiah, taane Libnah.

Jeremiah 6:6

Gai e hagadaba Tagi o denga hagabuulinga hebagi: “Selea iho denga manu ssomo i kilaa ma de hagatuu age mee e oha ai Jerusalem. De aduhale nei e hagaduasala naa donu; go hiidinga e honu i dangada e vaivai haia dangada.

Ezekiel 33:21

Gai de madaangahulu ma lua ngadau huu i de lima laangi o de madaangahulu malama, gai dahi daane ne ola ga savini mai i Jerusalem gi ogu daha, ga hai mai, “De aduhale o Jerusalem gu hagadee kii ina!”

Ezekiel 4:3

Gai koe gaavee dahi gumedi baalanga ga dugu i ooluu magavaa ma de ada o de aduhale, bei dagodo o dahi buibui baalanga; gai koe ga noho ga huli ange gi de aduhale, e dagodo be koe e lodo e duuli luu baasi de aduhale e hebagi ange aagena. De mee nei se hagailonga ange gi de gau Israel.

Ezekiel 40:1

Gai taamada huu o de ngadau e madalua ma lima i dua demaadeu gaavee gee i de henua, i de madaangahulu laangi o de malama, i de madaangahulu ma haa ngadau i dua de hagadee kii ina o Jerusalem — de laangi laa gai ssauaa o Tagi Maolunga ne hano iho gi ogu elunga, ga kave au gi kilaa.

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Zechariah 8:19

“E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”

Deuteronomy 28:36

Gai Tagi Maolunga e hai naa goe ma de hodooligi e dagina goe gi hulo gi dahi huaahenua aau ma oo dubuna madagidagi e dee iloo. Gai koe ga daumaha ange ai gi denga diinonga laagau ma hadu.