Jeremiah 37:1 - De Beebaa Dabu

¹ Gai Nebuchadnezzar, de hodooligi o Babylon ne hai Zedekiah tama daane a Josiah gi hodooligi i Judah; ia ne sui Jehoiachin tama daane a Jehoiakim ga hodooligi ai.

Jeremiah 37:1 Iomraidhean Croise

2 Kings 24:12

Gai Jehoiachin, de hodooligi o Judah, ma dono dinana, ma ono dangada bale, ma de gau maolunga, ma dagi o de henua alodahi gu hai hegau ange gi de ia. Gai de valu ngadau huu o Nebuchadnezzar, de hodooligi o Babylon ne hodooligi ai, gai ia ne nnoa Jehoiachin.

2 Kings 24:17

Gai de hodooligi o Babylon ne hai Mattaniah, taina daane o tamana o Jehoiachin, gi suuia ia gi hodooligi ai, ia ne sui hogi dono ingoo ga hagahi ange ia go Zedekiah.

Jeremiah 21:1

Gai Tagi Maolunga ne hagaago ange ana muna gi Jeremiah, i de masavaa a de hodooligi go Zedekiah ne hai ai gi loomai Pashhur tama a Malkiah, ma tangada haimeedabu go Zephaniah, tama daane a Maaseiah, gi hai mai,

Jeremiah 22:24

Au e hagatoo donu i dogu mouli, go Tagi Maolunga e hagadaba, e dee galemu donu koe, Jehoiachin tama daane a Jehoiakim, de hodooligi o Judah e bei de buulei i dogu lima, gai au e unusi mai naa donu goe i dogu lima.

Jeremiah 22:28

E aha, Jehoiachin se daane e hagangadi mee ina, gai e bei dahi gumedi hadu gu maoha laa, gai se ssaa e deai dangada e llodo ai? Gai gu aha gilaadeu ma ana dama gu gaavee gee ai gi dahi henua alaadeu e dee iloo?

Jeremiah 24:1

Dua huu de kave gee a Nebuchadnezzar, de hodooligi o Babylon Jehoiachin, tama a Jehoiakim, de hodooligi o Judah, ma dagi o Judah, ma labagau o denga laagau ma baalanga, mai i Jerusalem ga kave gi Babylon, gai tilo, Tagi Maolunga ne hagaago mai gi de au e dahi midi: au ne gidee e lua gede e hhao ai denga hua fig e daakodo i ma te temple o Tagi Maolunga.

Jeremiah 34:2

“E hagadaba Tagi Maolunga, de Maadua o Israel: Hannoo gi daho Zedekiah, de hodooligi o Judah, hai ange gi de ia: E hagadaba Tagi Maolunga: Tilo, au gu dai dugu ange naa de aduhale nei gi de hodooligi o Babylon gi hagadee kii ina, gai ia e dudu naa de aduhale i de ahi.

Jeremiah 52:31

Gai de matolu ma hidu ngadau huu i dua de gaavee gee o de hodooligi o Judah go Jehoiachin, i de madalua ma lima laangi o de madaangahulu ma lua malama, gai go de ngadau o Evil-Merodak ne dae ange ai ga hodooligi i Babylon, gai ia ne degi ange gi Jehoiachin, de hodooligi o Judah, ga hagasao mai ia i lo te hale pono.