Jeremiah 34:21 - De Beebaa Dabu

²¹ Gai au e dugu ange naa Zedekiah, de hodooligi o Judah, ma denga dagi gi olaadeu hagadaumee, go dangada e saalaa gilaadeu e daa gi maakau, ma de hagabuulinga hebagi o de hodooligi o Babylon gu hulo gee mai laa i oodou daha.

Jeremiah 34:21 Iomraidhean Croise

2 Kings 25:6

Gai de gau Babylon ne poo Zedekiah ga kave gi daho de hodooligi o Babylon i Riblah, ga hagamodu ai ono muna.

Jeremiah 22:25

Gai ia ga dugu ange goe gi dangada e nnoho naa e daia goe gi magau, go dangada oou e madagu ai naa: go Nebuchadnezzar de hodooligi o Babylon ma de gau Babylon.

Jeremiah 32:3

Gai Zedekiah, de hodooligi o Judah gu hhao Jeremiah gi lo te hale pono i kilaa, ga hai ange, “Gu aha gu basa pelaabisi ai naa goe e hai mai, ‘E hagadaba Tagi Maolunga: Au gu dai dugu ange naa de aduhale nei gi de hodooligi o Babylon gi hagadee kii ina.

Jeremiah 32:4

Gai Zedekiah, de hodooligi o Judah, e dee ola mai naa donu i daho de gau Babylon, aagai ia e gaavange naa donu gi de hodooligi o Babylon, ia e gidee naa luoono mada ma de basa ange gi de ia.

Jeremiah 39:6

Gai de hodooligi o Babylon ne daa ga maakau denga dama daane a Zedekiah i Riblah i mada luoono mada, ia ne daa hogi ga maakau de gau aamua alodahi o Judah.

Jeremiah 44:30

E hagadaba Tagi Maolunga: Tilo, au e dugu ange naa Pharaoh Hophra, de hodooligi o Egypt, gi ono hagadaumee gu nnoho laa e daa ia gi magau, bei dagu hai ne dugu ange ai laa Zedekiah, de hodooligi o Judah gi Nebuchadnezzar, de hodooligi o Babylon, go dono hagadaumee gu noho laa e daa ia gi magau.”

Jeremiah 52:10

Gai de hodooligi o Babylon ne daa ga maakau denga dama daane a Zedekiah i mada luoono mada, ia ne daa hogi ga maakau dagi alodahi o Judah i Riblah.

Jeremiah 52:8

Aagai de hagabuulinga hebagi o Babylon ne doolohi de hodooligi go Zedekiah ga poo i lo te duu malaelae o Jericho, gai ono daane hebagi alodahi gu mavaevae saele.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.

Ezekiel 17:12

“Hai ange gi dangada e hai baasi mai laa gi de au, ‘Goodou tigi tonu ange naa donu gi de hagadoonunga o mee nei?’ Hai ange gi gilaadeu, ‘Tilo, de hodooligi o Babylon ne humai gi Jerusalem ga kave madali ia de hodooligi ma denga dagi gi Babylon.

Ezekiel 17:16

Au e hagatoo donu i dogu mouli, go de Ia Aamua go Iahweh e hagadaba: ia e magau naa donu i Babylon, go de mommee o de hodooligi ne hilia ia e noho ai, go de ia ne haia de hagatoo donu hagaheloongoi aana ne hagangadi mee laa ma de oha.

Ezekiel 17:20

Gai au e maga ange naa dagu galauna gi ono elunga e buulou ai ia, ma de kave ia gi Babylon, gai au ga hagaduasala ai ia i kilaa, i hiidinga ia tee hai hegau mai gi de au i de mee abodonu.