Jeremiah 33:4 - De Beebaa Dabu

⁴ Gai e hagadaba Tagi Maolunga, de Maadua o Israel, i dagodo o denga hale i lo te aduhale nei, ma hale o denga hodooligi o Judah, gu oohaa iho laa e buibui ai de aduhale i denga mee oha aama de gadilaasa:

Jeremiah 33:4 Iomraidhean Croise

Isaiah 22:10

Goodou ne dau denga hale i Jerusalem gai ne oha iho denga hale e hagamakaga ai de buibui.

Isaiah 32:13

ma hiidinga o de henua o ogu dangada gu ssomo ai daladala ma manu duiduia — uaa, goodou tangi i hiidinga o hale alodahi oodou nogo malangilangi ai laa, aama hiidinga o de aduhale hagalongaa nei.

Isaiah 32:14

Denga hale danuaa e ngadi daakodo naa, de aduhale nogo hagalongaa laa e deai naa dangada iai; denga hale buibui makaga ma hale dagitilo e hai naa ga se vao, ga hano ai, gai se mommee e malangilangi ai denga donkey, ma de mommee e haangai ai denga hagabuulingaa ssiibi;

Jeremiah 32:24

Tilo, gu hagabudubudu age denga gelegele e hagadee kii ai de aduhale, gai de aduhale e hagadee kii ina naa i de gau Babylon e hebagi ange laa aagena, i hiidinga o de gadilaasa, ma de onge, aama de mee hagamaakau. Gai au muna ne tala gu hagassula donu, bei dau hai gu gidee ai naa.

Jeremiah 6:6

Gai e hagadaba Tagi o denga hagabuulinga hebagi: “Selea iho denga manu ssomo i kilaa ma de hagatuu age mee e oha ai Jerusalem. De aduhale nei e hagaduasala naa donu; go hiidinga e honu i dangada e vaivai haia dangada.

Lamentations 2:7

De Ia Aamua gu hagangadi mee dono mommee o ssigidaumaha, ma de tili dono mommee dabu. Ia gu dugu ange de hagadaumee gi oohaa denga buibui o ono hale danuaa; gilaadeu gu hagalongaa i lo te hale o Tagi Maolunga, bei mee e hai i laangi o dahi daonga gu hagailonga laa.

Ezekiel 21:22

Gai dono lima madau e hagassula naa mee gu hagamodu ange gi Jerusalem, gai ia e hagatuu age naa mee e oha ai de buibui, ma de hagailoo taamada o de hebagi, ma de hagatuu mee e oha ai denga haitoga o de aduhale, ma de hagabudubudu age gelegele e oha ai de buibui, ma de hagatuu mee e oha ai de buibui.

Ezekiel 26:8

Ia e daa naa ga maakau i de gadilaasa denga damaa hine i honga de henua. Ia e hagatuu naa denga mee e hai baasi adu ai gi de goe, ma de hagabudubudu age denga gelegele i gaogao oo buibui, ga hagaduu age dahi mee buibui laumalie e hebagi adu ai gi de goe.

Ezekiel 4:2

Gai koe ga hagatuu mee e oha ai, ma de hagaduu dahi bae e kage age ai, ma de hagabudubudu age denga gelegele i gaogao de ada o de aduhale laa, ga hagaduu de mommee nnoho gaainga i luu baasi, aama de hagadaabena denga laagau i luu baasi e oha ai de buibui o de aduhale.

Habakkuk 1:10

Gilaadeu e doo mee i denga hodooligi, ma de hakadanga i denga dagi. Gilaadeu e kada i denga mommee buibui makaga, gilaadeu e hagabudubudu age denga gelegele e hagadee kii ai de aduhale.

Deuteronomy 20:20

Gai goodou e maua i de sele iho denga manu ssomo e deai olaadeu hua, ga hagatuu ai oodou mee e oha ai de aduhale oodou e hebagi ange laa aagena, ga dae ai gi de maoha dono buibui.