Jeremiah 33:3 - De Beebaa Dabu

³ Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Jeremiah 33:3 Iomraidhean Croise

Psalm 145:18

Tagi Maolunga e baa ange gi gilaadeu e hagahia ange ia; go gilaadeu alodahi e hagahia ia i de muna abodonu.

Psalm 25:14

Tagi Maolunga e tala ange ono lodo gi gilaadeu e maatagu i de ia; ia e hai gi iloo e gilaadeu dana hagatoo donu hagaheloongoi.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Isaiah 45:3

Gai au e gaavadu naa gi de goe denga goloa hagamogomogo e daakodo laa i de mommee gohu, ma goloa lagolago i de mommee e dee gidee laa, gi iloo ai e goe bolo go au donu go Iahweh, de Maadua o Israel, ne hagahia adu goe i doo ingoo.

Isaiah 48:6

Koe gu langona mee nei; galo ange diiloo mee nei alodahi, gai koe gi daalaa hagadonu mee nei. Mai iainei gai au e tala adu hanu mee hoou, ma mee e hagammuni gai koe e dee iloo.

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Jeremiah 23:35

Gai goodou siilia ange gi tangada e baa adu gi goodou aama oodou dangada, hai ange, ‘Aahee muna a Tagi Maolunga ne basa mai ai?’ aabe ‘Aahee muna a Tagi Maolunga gu tala?’

Jeremiah 29:12

Gai goodou e hagahi mai naa au ma de dalodalo mai gi de au, gai au ga hagallongo oodou dalodalo.

Jeremiah 32:17

Dogu Ia Aamua go Iahweh, koe ne hai de langi ma henua i lalo i doo sauaa laumalie ma doo lima mmahi. Gai e deai donu se mee daudahi e hai ngadaa adu gi de goe.

Jeremiah 32:27

“Tilo, go au go Iahweh, de Maadua o dangada alodahi. E aha, e dahi laa mee daudahi aagu e dee maua i de hai?

Daniel 2:18

Ia ne hai ange gilaadeu gi dangidangi ange gi de Maadua o de langi, ia gi abodonu ange gi gilaadeu mage hagaagona ange de mee e dee iloo laa, gi dee daia ai gilaadeu ma ono soa gi maakau madali denga daane heiangi o Babylon.

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

Daniel 2:23

De Maadua o ogu dubuna, au e hagaahe adu de abodonu ma de tuhi goe: koe gu gaamai gi de au de heiangi ma de mmahi; koe gu hagaago mai gi de au mee amaadeu gu dangidangi adu ai gi de goe, koe gu hagaago mai gi gimaadeu de mee a de hodooligi e lodo gi iloo.”

Joel 2:32

Gai dangada alodahi e hagahia ange de ingoo o Tagi Maolunga e hagamouli; Gai dangada e hagaola naa i honga de mounga go Zion ma Jerusalem, bei de hai a Tagi Maolunga gu tala ai laa; dangada ne ola, go gilaadeu a Tagi Maolunga ne hagahi.

Amos 3:7

Ni muna abodonu, de Ia Aamua go Iahweh e dee hai donu dahi mee daudahi noo ia e tigi hagaago ange dana hagatau gi ono dangada hai hegau go denga pelaabisi.

Micah 7:15

“Au e hagaago adu naa agu hegau hagalele mouli, bei de masavaa oou ne sao mai ai i de henua go Egypt.”

Matthew 13:35

Ia ne hai mee nei e hagassula ai mee gu tala laa i daho de pelaabisi e hai ange, “Au e basa naa i denga mee hagasengasenga; au e tala naa mee e dee iloo laa mai i taamada age o henua i lalo.”

Acts 2:21

Gai be goai e hagahia ange Tagi Maolunga gai ia e hagamouli.’

1 Corinthians 1:2

Ange gi de nohoanga dabu o de Maadua i Corinth, go gilaadeu gu hagadabu laa i lodo o Klisdo Iesu, ma de hagahi e hai ai ono dangada dabu, madali gilaadeu alodahi e hagahia ange laa de ingoo o Tagi Maolunga go Iesu Klisdo, i mommee alodahi — go Tagi Maolunga olaadeu aama gimaadeu hogi:

Ephesians 3:20

Gidaadeu gi duuhia de ia e maua laa i de hagahai hegau dono sauaa, gi kii ange i mee odaadeu e dangidangi ange ai aabe go adaadeu maanadu, bei dagodo o dono sauaa e hai hegau laa i odaadeu lodo,

Deuteronomy 4:29

Aagai noo goodou e ssala Tagi Maolunga doodou Maadua i doodou nnoho i kilaa, gai goodou e gidee donu ia noo goodou e hagaduu ngae ga ssala ia i oodou lodo alodahi aama oodou hagasaalunga alodahi.

Deuteronomy 4:7

Gai e deai ange donu se huaahenua laumalie e hanu olaadeu maadua e kona de baa ange gi olaadeu dangada, bei de baa mai o Tagi Maolunga taadeu Maadua gi gidaadeu, i masavaa odaadeu e dalodalo ange ai gi de ia.

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.