Jeremiah 32:41 - De Beebaa Dabu

⁴¹ Gai au e malangilangi naa donu i de hai ange tanuaa gi gilaadeu, ma de hai naa gilaadeu gi nnoho i de henua nei ga hano ai, i ogu lodo alodahi, ma dogu hagasaalunga alodahi.

Jeremiah 32:41 Iomraidhean Croise

Psalm 80:8

Koe ne sigi mai dahi grapevine i Egypt, koe ne aau gee denga huaahenua gai ga doo de grapevine laa.

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Isaiah 62:4

Gai koe gu dee hagabinga bolo go De ia gu Dilia, gai doodou henua gu dee hagabinga bolo go Ngadi Dagodo. Aagai koe e hagaingoo ange naa go Hephzibah, gai doo henua e hagaingoo ange naa go Beulah; go hiidinga Tagi Maolunga e malangilangi naa i de goe, gai doo henua e bei naa de hine gu hai bodu.

Isaiah 62:5

Dahi dama daane e hai bodu ange gi dahi damaa hine, gai e bei ai hogi au dama e hai bodu adu naa gi de goe. Gai de Maadua e malangilangi naa hogi i de goe, bei de malangilangi o tama daane i dono bodu.

Isaiah 65:19

Au e malangilangi naa i Jerusalem, ma de lodo danuaa i ogu dangada; gai e deai naa donu se tangi aabe se tangi see e langona i lo te aduhale.

Jeremiah 18:9

Gai noo au e hagailoo i dahi masavaa dagodo o dahi huaahenua aabe se nohoanga hodooligi, bolo au e hagaduu ma de hai gi makaga,

Jeremiah 24:6

Gai au e dagitilo naa e hai ange tanuaa gi gilaadeu, ma de hagaahe mai gilaadeu gi de henua nei. Au e hagatuu age naa gilaadeu, e dee oha iho gilaadeu. Au e doo naa gilaadeu, e dee unuunusi age.

Jeremiah 31:28

Bei dagu hai ne tilo ai laa ga unuunusi age ma de oha gilaadeu, ma de hagadee kii, ma de daa ga maakau, ma de hagaduasala gilaadeu, gai au e tilo naa hogi ga hagatuu age ma de doo gilaadeu, go Tagi Maolunga e hagadaba.

Ezekiel 36:36

Gai denga huaahenua e doe i oodou gaogao, e iloo naa bolo go au donu go Iahweh, go au ne hagatuulia age ange mommee gu lava laa i de oha, ma de aahe ange ga doo mommee gu ngadi dagodo laa. Go au donu go Iahweh ne hagadaba, gai au e hagasula naa donu de mee nei.’

Hosea 14:5

Au e bei naa de maluulu o taiao ange gi Israel; gai ono huaala e bei naa bei de lilii. Ono aga e bei naa aga o cedar o Lebanon,

Amos 9:15

Gai au e hai naa gilaadeu gi nnoho i honga delaadeu henua, gilaadeu e dee aahe ange donu e gaavee gee i de henua aagu gu gaavange gi gilaadeu,” go Tagi Maolunga doo Maadua e hagadaba.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Zephaniah 3:17

Tagi Maolunga, doo Maadua e noho madali goe, gai e mmahi i de hagaola goe. Ia e malangilangi mmao donu i de goe, gai ia e hagaaneane naa goe i dono aloha; ia e malangilangi naa ma de daahili i oo hiidinga.”

Deuteronomy 28:63

Gai Tagi Maolunga e malangilangi naa hogi i de hai adu tanuaa gi de goe ma de hai gi soa goodou, aagai ia e malangilangi naa hogi i de hagaduasala goodou ga dae ai gi teai se goodou e doe. Goodou e gaavee gee naa i de henua oodou ga hulo naa e kave e henua ai.

Deuteronomy 30:9

Gai Tagi Maolunga doodou Maadua e hai naa gi hagadagadaga age goodou i mee alodahi oodou e hai; goodou e hagadili ga soa oodou dama, oodou manu e hagadili naa ga lagolago, gai manu i honga oodou gelegele e hhua lagolago naa. Gai Tagi Maolunga e ahe ange naa ga malangilangi i goodou, bei dono hai ne malangilangi ai laa i oodou dubuna madagidagi,