Jeremiah 30:21 - De Beebaa Dabu

²¹ Gai delaadeu dagi se dangada donu i olaadeu magavaa; delaadeu dangada aamua e haanau naa i olaadeu magavaa. Gai au e gaamai naa ia gi baa mai, gai ia e humai naa ga hagabaa mai gi de au, Gai goai naa donu e maua i de humai e hagabaa mai noo au e dee dugu ange? go Tagi Maolunga e hagadaba.

Jeremiah 30:21 Iomraidhean Croise

Genesis 18:27

Gai Abraham ga basa ange hogi, ga hai ange, “Dogu Ia Aamua, aude haihaia, i dagu ahe ange e basa adu gi de goe, e dee galemu donu au e bei dagodo o de mama i honga de gelegele ma lehu;

Genesis 18:30

Gai Abraham ga hai ange, “Dogu Ia Aamua, koe gi dee lili i dagu ahe ange e basa adu. Gai noo e dinodolu donu huu dangada heohi e gidee i kilaa?” Gai ia ga hai ange, “Au e dee oha donu de aduhale laa, noo au e gidee e dinodolu dangada heohi i kilaa.”

Genesis 18:32

Gai Abraham ne hai ange hogi, “Dogu Ia Aamua, koe gi dee bole, gai au ga ahe ange e basa adu. Noo e dinoangahulu donu huu e gidee i kilaa?” Ia ne hai ange, “Au e dee oha donu de aduhale laa, i hiidinga o tinoangahulu dangada laa.”

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

2 Samuel 7:13

Go ia e hagaduulia dahi hale e hagadubu ai dogu ingoo, gai au e hai naa dono nohoanga hodooligi gi dagodo ga hano ai.

Ezra 2:2

Gilaadeu ne aahe madali Zerubbabel, ma Jeshua, ma Nehemiah, ma Seraiah, ma Reelaiah, ma Mordecai, ma Bilshan, ma Mispar, ma Bigvai, ma Rehum, aama Baanah.) Gai deenei taelodo o de gau Israel ne daohi:

Nehemiah 7:2

Gai au ne hili dogu daina daane go Hanani, ma Hananiah tagi o de hale dagitilo gi dagina Jerusalem, go hiidinga ia se daane e hai hegau i de muna abodonu ma de madagu i de Maadua, gai e deai ange donu se daane e bei ono dagodo.

Psalm 65:4

E manuuia gilaadeu aau e hili ga gaamai, gi noho i lo te buibui o doo hale! Gimaadeu e duadonu naa i mee danuaa i doo hale, go doo temple dabu.

Psalm 89:29

Gai au e hai naa dono aamuli gi hodooligi ga hano ai, gai dono nohoanga hodooligi e duudagi naa donu huu i taulooloa de dagodo de langi i lunga.

Exodus 3:5

Gai ia ga hai ange, “Aude humai gi hagabaa mai gi de mommee nei, gai koe aaua oo mee vae, go hiidinga de mommee oou e duu ai naa se gelegele dabu.

Isaiah 63:1

Goai e humai nei i Edom ma Bozrah, ma de gahu malo e mmea? Goai deenei, gu gahu hagadanuaa nei ma de seesee mai i de kona dono mmahi? “Go au donu deenei, au e tala de mee heohi gai e mmahi i de hagaola.”

Jeremiah 30:9

Aagai gilaadeu e hai hegau ange naa gi Tagi Maolunga delaadeu Maadua, ma delaadeu hodooligi go David, go de ia aagu e gaamai e hai ai delaadeu hodooligi.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Jeremiah 49:19

Tilo, au e bei de laiono i lodo mee muimui i Jordan e humai laa e hai baasi ange gi de mommee iai helii lau kohu; gai e moolau naa donu dagu doolohi ia ga hai gi hano gee i dono henua. Gai au ga hili tangada oogu e malangilangi ai gi de hegau nei. Goai e bei ogu dagodo? Gai goai e maua i de hai baasi mai gi de au? Gai goai tangada hagaloosi e maua i de hebagi mai gi de au?

Jeremiah 50:44

Tilo, au e humai naa bei de laiono i lodo mee muimui o Jordan gi de mommee iai helii lau kohu, gai e moolau naa donu dagu doolohi ia ga hai gi hano gee i dono henua. Gai au ga hili tangada oogu e malangilangi ai gi de hegau nei. Goai e bei ogu dagodo? Gai goai e maua i de hai baasi mai gi de au? Gai goai tangada hagaloosi e maua i de hebagi mai gi de au?”

Ezekiel 37:24

Gai dogu dangada hai hegau go David e hodooligi naa i olaadeu elunga, gai gilaadeu alodahi gu dahi donu huu olaadeu dangada hagaloosi. Gai gilaadeu gi daudali ai naa i agu hagamodu ma de kana ange ga daohi agu mee gu hagasauaa.

Hosea 1:11

Dangada o Judah ma dangada o Israel e hagabuni naa ga hili dahi dagi gi dagina gilaadeu, gilaadeu e hagadagadaga age naa i honga de henua, gai de laangi o Jezreel e hai naa ga se laangi maolunga.

Numbers 16:40

bei de hai a Tagi Maolunga gu tala ange ai laa gi Eleazar i daho Moses. Gai se mee e hagamanadua ange ai gi de gau Israel, bolo e deai ange donu dangada, go dahi aamuli donu huu o Aaron, e maua i de humai e dudu denga mee maanongi, i mada luu mada o Tagi Maolunga, ia kana bei hogi dagodo o Korah ma dangada ne daudali ange i de ia.

Numbers 16:5

ga hai ange gi Korah ma denga daane madali ia, “Boo taiao gai Tagi Maolunga e hagaago mai naa be goai ono dangada gai goai e dabu, gai goai e maua i de hano e hagabaa ange gi de ia. Gai tangada naa huu aana e hili, gai ia gi humai gi hagabaa ange gi de ia.

Matthew 2:2

ga ssili ga hagataba, “I hee iai tama gu haanau laa, go de Hodooligi o de gau Ssuu? Gimaadeu ne gidee dono heduu i baasi dua, gai gimaadeu ga loomai ai nei e daumaha ange gi de ia.”

Matthew 27:37

Gai gilaadeu ne hagapigi age gi ulu dono biho de mee oona ne hagabaubau ina ai, gai ne sisi ga hai ange, “Deenei Iesu, de Hodooligi o de gau Ssuu.”

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Luke 24:26

E aha, de Klisdo e dee hagaduasala naa i mee nei alodahi, i mua dana kave dono mahamaha?”

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

Romans 8:34

Goai ai naa e maua i de hagabaubau gilaadeu? E deai donu. Go Klisdo Iesu ne magau — gai ia ne mouli age hogi — gai ia gu noho i de baasi madau o de Maadua, ma e dangidangi ai i odaadeu hiidinga.

Deuteronomy 17:15

gai goodou diiloo hilia tangada e hodooligi i oodou elunga, gi se dangada nii Tagi Maolunga doodou Maadua e hili, gai gi se dangada Israel donu; goodou e dee hili dahi dangada henua gee gi dagina goodou.

Deuteronomy 18:18

Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.

Deuteronomy 33:5

Tagi Maolunga gu hodooligi i Jeshurun, i de masavaa o denga dagi o de huaadangada ma denga aamuli o Israel ne hagabuni ai.

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

1 John 2:2

Go ia ssigidaumaha e tala ai odaadeu haisala, gai e dee go odaadeu haisala donu huu, gai go haisala hogi o henua i lalo alodahi.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.