Biblia Todo Logo
Bìoball air-loidhne

- Sanasan -




Jeremiah 30:10 - De Beebaa Dabu

10 Jacob, dogu dangada hai hegau, aude madagu; Israel, koe gi dee manavasaa, go Tagi Maolunga e hagadaba. Tilo, au e hagaola naa donu goe mai i denga mommee mmao, aama oo hagadiilinga mai i henua olaadeu gu gaavee laa aagena. Jacob e ahe ange naa ga nnoho paba ma de duadonu, gai e deai ange naa donu se dangada e hagamadagu ina ia.

Faic an caibideil Dèan lethbhreac




Jeremiah 30:10
40 Iomraidhean Croise  

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”


De laangi laa gai Tagi Maolunga e hai naa gi ilaage goodou mai i de hagaduasala, ma de hai ngadaa, aama doodou hagahai hegau ina,


E deai naa hogi laiono i kilaa, be ni manu alasala e loage gi ono elunga; mee nei alodahi e dee gidee naa donu i kilaa. Aagai gilaadeu donu huu gu hagaola e seesee i kilaa,


Aude madagu, go hiidinga au madali goe; au e gaamai naa oo hagadiilinga mai i dua, ma de hagabuni mai goodou i dai.


“Aagai koe, Jacob, dogu dangada hai hegau, hagalaangona, ma Israel, de ia aagu gu hili.


E hagadaba Tagi Maolunga, go de ia ne haia goe, ma de hagaholi goe i de mommee o denga dama, gai go de ia ne balea adu goe: Aude madagu, Jacob, dogu dangada hai hegau; Jeshurun, de mommee aagu ne hili.


Au e hagahi naa dahi manu lele alasala mai i dua, se daane mai i dahi henua mmao, gai ia ga hagasula ina dagu hagatau. Gai be ni aha naa huu aagu gu tala, gai au e hai naa donu gi bei; gai be ni aha naa huu aagu gu hagatau, gai au e hai naa donu.


au e hai gi baa mai dogu heohi, gai e dee mmao donu; gai dagu hagaola mai e dee mmule donu. Au e hai dagu hagaola gi dagodo i Zion, gai dogu mahamaha i Israel.


Tilo, gilaadeu nei e loomai naa i mommee mmao — hanu mai i ngaiho, hanu mai i dai, gai hanu mai i Syene.”


Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.


Koe gi dee madagu; koe e dee hagadogaa ina naa donu. Koe gi dee manavasaa i doo hagangadi mee ina; koe e dee hagamaolalo ina. Gai koe e ngalo naa doo hagadogaa ina i de masavaa oou e gauligi ai, gai koe e dee manadua naa donu doo hagadogaa ina i teai soo bodu.


Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.


Au e hili naa hanu dangada hagaloosi gi diiloo ange gilaadeu, gai gilaadeu e dee maatagu ange naa donu, be e manavasaa olaadeu lodo, gai e deai naa hogi se gilaadeu e tili,” go Tagi Maolunga e hagadaba.


Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.


aagai gilaadeu e hagataba naa, ‘Gimaadeu e hagatoo donu i de mouli o Tagi Maolunga, de ia ne hagassao ina mai denga aamuli o Israel i denga henua i ngaiho aama mai i henua alodahi aana ne kave gilaadeu gi nnoho ai.’ Gai gilaadeu e loomai naa ga nnoho i delaadeu henua donu.”


Go hiidinga au e iloo denga hagatau aagu gu hagadabena adu gi goodou, go Tagi Maolunga e hagadaba, ni hagatau e hai ai gi duadonu goodou e dee hai adu ai de baubau, gai gi dahi ai oodou tali i denga laangi e loomai.


E hagadaba Tagi Maolunga: Goodou e gidee naa donu au, gai au e hagaahe adu naa doodou manuuia. Au e hagabuni mai naa goodou i denga huaahenua alodahi, ma mommee aagu ne hai goodou gi mavaevae saele aagena, go Tagi Maolunga e hagadaba; au e hagaahe mai naa goodou gi de mommee aagu ne kave gee ai goodou gi denga henua gee.


Gai dangada o Judah e loomai naa madali dangada o Israel i laangi laa, gilaadeu e hagabuni naa ga aahe mai i de henua i ngaiho, ga loomai gi de henua aagu gu bolo ange gi olaadeu dubuna madagidagi.


E tae mai naa laangi, go Tagi Maolunga e hagadaba, aagu e hagaahe ange ai de manuuia o dogu huaadangada, go dangada o Israel ma Judah, ga hagaahe gilaadeu gi de henua aagu ne gaavange gi olaadeu dubuna gi henua ai,” go Tagi Maolunga e hagadaba.


E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.


Laangi laa gai Judah e ola naa, gai Jerusalem e duadonu naa. Gai deenei dono hai e hagaingoo ai: Tagi Maolunga Taadeu Heohi.


Hagauda ina hogi doo hagadogaa ina, koe ne hai ga hanu hagaheohi o oo daina haahine. Go hiidinga oo haisala ne kii ange donu de hakino gee i olaadeu haisala, deelaa ai, e dagodo be gilaadeu e danuaa ange i de goe. Deenei ai, koe gi dogaa gai gi hagauda ina doo hagangadi mee ina, go hiidinga koe ne hai oo daina haahine ga dagodo be gilaadeu e heohi.


ga hagadaba, “Au e hano naa e hebagi ange gi denga aduhale e dee buibui laa. Au e hano naa e hebagi ange gi dangada e nnoho danuaa laa ma de nnoho paba, i mommee alodahi e dee buibui gai e deai haitoga ma laagau hagamakaga iai.


“De masavaa laa gai Michael, tagi maolunga e buibuia laa doo huaadangada, e hidi age naa. Gai e dae mai naa dahi masavaa hai ngadaa, gai tigi ai ange donu se masavaa bee nei mai i taamada age o denga huaahenua ga dae mai ai gi de masavaa laa. Aagai de masavaa laa gai oo dangada alodahi gu sisi laa olaadeu ingoo i lo te beebaa e ola naa.


De laangi laa, gai au e hai naa dahi hagatoo donu hagaheloongoi ange gi gilaadeu madali denga manu dolodolo o lodo henua ma manu llele, ma manu e tolo i honga de gelegele. Au e hai naa gi deai mee hholu, ma gadilaasa, ma hebagi i honga de henua, gai dangada alodahi e nnoho paba ma tee maatagu.


Au e hai bodu adu naa gi de goe i de muna abodonu, gai koe e iloo naa bolo go au donu go Iahweh.


Gai e bei hogi goe, Judah, dahi laangi hagihagi gu hagamodu adu gi de goe. I de masavaa aagu e hagaahe ange ai de manuuia o dogu huaadangada,


De henua, aude madagu, gai lodo danuaa ma de malangilangi. Ni muna abodonu, Tagi Maolunga gu hai hanu hegau hagalele mouli.


Gu aha gu kona ai naa doo dangi — gu deai soo hodooligi? E aha, gu odi naa donu de maakau oo dangada bale, gai koe gu mmae bei de hine gu hai ono hagalangona?


E hagadaba Tagi o denga hagabuulinga hebagi: De laangi laa gai dahi ma dahi e gauna ange naa dono soa gi noho madali ia i lalo dana grapevine ma dana fig.”


“Tamaa hine o Zion, aude madagu; tilo, doo hodooligi e humai naa, gai ia e gage i honga tama a dahi donkey!”


Lean sinn:

Sanasan


Sanasan