Jeremiah 3:8 - De Beebaa Dabu

⁸ Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Jeremiah 3:8 Iomraidhean Croise

2 Chronicles 21:11

Ia ne hagatuu hogi denga mommee daumaha i honga duuduu o Judah, ma de hai dangada o Jerusalem gi haia denga dahulinga baubau, ma de hai Judah gi dahuli gee.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Jeremiah 33:24

“Koe gu langona naa bolo de gau nei e hagataba, ‘Tagi Maolunga gu tili luu huaabodu aana gu hili’? Gilaadeu gu hagangadi mee dogu huaadangada, gai gu dee hagabinga bolo gilaadeu se huaahenua.

Jeremiah 5:7

“Dee hee dagu hai e degi adu ai gi de goe? Au dama gu daahuli gee i de au gai gu hagatoo donu i denga diinonga e dee ni maadua abodonu. Au ne haangai ange gilaadeu ga boobosu, aagai gilaadeu ne dagodo haisala ma de daga ga hulo gi hale o de gau hai be ni manu.

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Ezekiel 16:47

Gai koe tee ago ange donu huu i alaadeu haingaa mee ma de ago ange i alaadeu dahulinga hakino gee, aagai koe ne moolau donu de hai ga kii ange doo baubau i gilaadeu.

Ezekiel 16:51

Samaria tee lagolago donu ono haisala bei oo haisala. Koe ne kii ange donu de lagolago au dahulinga hakino gee ne hai i gilaadeu. Au dahulinga hakino gee ne hai ga dagodo be oo daina haahine ni dangada heohi.

Ezekiel 23:44

Gai gilaadeu ne dagodo haisala madali ia, bei de hai o denga daane e dagodo haisala ai laa madali de hine hai be se manu; gilaadeu ne dagodo haisala madali Oholah ma Oholibah, luu haahine baubau.

Ezekiel 23:9

Deelaa ai, au ne dugu ange ia gi ono dau soa, go de gau Assyria oona e lodo e dagodo haisala ai.

Hosea 3:4

De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.

Deuteronomy 24:1

Noo dahi daane gu hai bodu ange gi dahi hahine, aagai ia gu dee malangilangi i de ia, go hiidinga ia gu gidee dahi mee dee heohi i ono daha, gai ia gi siia dahi beebaa maavae gaavange gi de hine laa, ga hai ia gi hano gee mai i dono hale.

Deuteronomy 24:3

gai togolua daane laa gu kino hogi i de ia, ga sisi ange dahi beebaa maavae ga gaavange gi de ia, ga hai hogi ia gi hano gee mai i dono hale, aabe taane laa gu magau,