Jeremiah 3:3 - De Beebaa Dabu

³ Deenei ai, de langi gu daohi gi dee pala, gai gu dee pala de langi i taamada o de ngadau. Gai koe gu bei dagodo o de hine hai be se manu; koe e dee dogaa donu i au hegau hagadookaa dangada.

Jeremiah 3:3 Iomraidhean Croise

Genesis 19:34

Taiao age gai tamaa hine madua ne hai ange gi tamaa hine gauligi, “Au ne hano anaboo ga dagodo haisala madali taau damana. Gidaau ga aahe ange e hagaunu ia gi senga i uvaini aaboo nei, gai koe ga hano hogi ga dagodo haisala ma ia, gi maua ai e gidaau i de hai gi dee llilo hagadiilinga o taau damana i ono daha.”

Nehemiah 9:17

Gilaadeu tee llodo e hagallongo adu, gai tee hagamaanadu i denga hegau hagalele mouli aau ne hai i olaadeu daha, aagai ne hagamakaga olaadeu lodo ga hili dahi dagi e aahe ai gi de mommee olaadeu ne hagahai hegau ina ai i Egypt. Aagai koe se Maadua e degi, ma de abodonu aama de lodo aloha mmao, e dee moolau de lili gai e honu i de aloha; koe tee tili donu gilaadeu.

Proverbs 21:29

Tangada baubau e hagassee, aagai tangada e heohi laa, e hagasaele dono hai e seesee ai.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Jeremiah 14:1

Gai Tagi Maolunga ne hagaago ange gi Jeremiah dagodo o tee pala de langi:

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

Jeremiah 14:3

De gau aamua gu hai olaadeu dangada hai hegau gi hulo gi asu vai; gilaadeu ne hulo gi de vai i lo te baba, aagai teai alaadeu vai ne gide. Gilaadeu ne aahe mai ma alaadeu ngadi manu vai; gilaadeu gu dookaa ma de ssenga ange, gilaadeu gu haoli olaadeu biho.

Jeremiah 14:4

De gelegele gu mmasa ma de mahangahanga, i hiidinga tee pala de langi i honga de henua; de gau hai veelenga gu manavasaa ma de haoli olaadeu biho.

Jeremiah 36:2

“Gaavee dahi beebaa mulo ga sisi ai muna alodahi aagu gu tala adu i dagodo o Israel ma Judah, ma denga huaahenua ange laa alodahi, mai i taamada dogu basa adu gi de goe i de masavaa o Josiah ga dae mai ai gi anailaa nei.

Jeremiah 5:24

Gai gilaadeu e dee hagataba i olaadeu lodo, ‘Gidaadeu ga maatagu i Tagi Maolunga taadeu Maadua, go de ia ne gaamai de langi i de hagaodi ma taamada o de ngadau i de masavaa gu dugu, gai go de ia ne gaamai gi gidaadeu denga uvigi o de hagihagi.’

Jeremiah 5:25

Gai hegau baubau gu daohi mee nei gi dee loomai; oodou haisala gu daohi mee danuaa i goodou.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Jeremiah 6:15

E aha, gilaadeu e dee dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Gai gilaadeu e maakau naa hogi madali gilaadeu gu maakau laa; gilaadeu e hagadee kii naa i de masavaa aagu e hagaduasala ai gilaadeu,” go Tagi Maolunga e hagadaba.

Jeremiah 8:12

Gai gilaadeu e dookaa laa donu i alaadeu hegau hakino gee? E deai, gilaadeu e dee dookaa donu; gilaadeu e dee iloo donu be se aha de dookaa. Deenei ai, gilaadeu e maakau naa madali gilaadeu gu maakau laa; gilaadeu e hagadee kii ina naa i de masavaa o de hagaduasala, go Tagi Maolunga e hagadaba.

Jeremiah 9:12

Goai tangada gu heiangi abodonu e donu ange gi de mee nei? Gai goai a Tagi Maolunga gu tala ange mee nei aagena, gi maua ai e ia i de tala de mee nei? Gu aha gu maoha ai nei de henua ma gu ngadi dagodo be se vao, gu deai dangada e hulo laa kilaa?

Ezekiel 3:7

Aagai de gau Israel e dee llodo e hagallongo au muna, go hiidinga gilaadeu e dee llodo e hagallongo agu muna, gai dangada alodahi o Israel e hagamaanege ma de hagamakaga olaadeu lodo.

Leviticus 26:19

gai au e hai naa gi deai se mmahi oodou e hagamaolunga ai naa, gai au e hai naa lo te langi gi bei dagodo o de iron, gai de gelegele o doodou henua gu makaga bei de bronze.

Amos 4:7

Au ne hai hogi gi dee pala de langi i e dolu malama i mua de masavaa o de hagihagi. Au ne hai gi pala de langi i dahi aduhale, aagai ne hai gi dee pala de langi i de aduhale ange laa. Au ne hai gi pala iho de langi gi honga dahi veelenga, aagai ne hai gi dee pala de langi i de veelenga ange laa.

Amos 4:8

Gai dangada e hagadaga naa i denga aduhale e ssala ai hanu vai unu, gai gilaadeu tee boobosu i de unu ai; aagai goodou tee aahe mai gi de au, go Tagi Maolunga e hagadaba.

Zephaniah 2:1

De huaahenua hagadookaa, goodou hagabuni, goodou hagabuni,

Zephaniah 3:5

Aagai Tagi Maolunga e noho laa i kilaa e heohi, ia e dee hai hegau i de mee dee heohi. Daiao alodahi gai ia e hagamodu muna i de heohi, gai ia e dee tuu donu de hai mee nei i laangi alodahi; aagai de gau baubau e dee dookaa donu.

Haggai 1:11

Au gu hagahi tau laohie gi hano iho gi honga oodou veelenga ma honga mounga, ma honga denga grain, ma grapevine, ma denga olive e hai ai laa lolo, ma honga mee alodahi e ssomo i honga de gelegele, ma honga o dangada, ma denga manu haangai, aama hegau alodahi oodou e hai.”

Deuteronomy 28:23

Lo te langi i lunga e bei naa dagodo o de bronze, gai honga de gelegele e bei naa dagodo o de iron.

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.