Jeremiah 3:25 - De Beebaa Dabu

²⁵ Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”

Jeremiah 3:25 Iomraidhean Croise

Psalm 106:6

Gimaadeu gu haisala, bei hegau a omaadeu dubuna madagidagi; gimaadeu gu hai mee dee heohi, ma de hai de baubau.

Psalm 106:7

De masavaa o omaadeu dubuna e nnoho ai i Egypt, gai gilaadeu tee hagamaanadu au hegau hagalele mouli; gilaadeu ne ngalo dagodo o doo abodonu laumalie, gai gilaadeu ne hai baasi adu gi de goe i gaogao Tai Mmea.

Psalm 109:29

Gai gi deai se hagadubu o dangada e hagabaubau ina au, gai gilaadeu gi hagauda ina togaa bei de malo laa daha.

Proverbs 13:18

Tangada e dee anga ange laa gi muna bale e hagaau aloha ma de hagadogaa ina, aagai tangada e hagalaangona laa muna hagaheohi e maua de hagadubu.

Proverbs 5:13

Au tee hagallongo ange gi muna a ogu dangada agoago, gai tee anga ange gi muna ne tala mai gi de au.

Isaiah 48:8

Koe tigi langona naa donu aabe gu donu ange; mai loo i mua gai luoo dalinga tigi maahuge donu. Gai au e iloo dagodo o doo dee hai hegau i de mee heohi, gai koe ne hagaingoo ange bolo se dangada hagamanege mai i doo haanau.

Isaiah 50:11

Tilo, goodou alodahi e haulasia dahi ahi, ma de kave denga lama e haula laa, goodou seesee i de maalama o oodou ahi, ma denga lama oodou gu haula laa. Deenei dagu hai e hai ai goodou: goodou e daakodo gi lalo i doodou mmae.

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Jeremiah 14:20

Tagi Maolunga, gimaadeu e tala adu donu omaadeu baubau, ma baubau o omaadeu dubuna madagidagi, go hiidinga gimaadeu gu haisala adu donu gi de goe.

Jeremiah 14:7

Tagi Maolunga, omaadeu baubau gu hagahaisala gimaadeu, aagai koe balea mai i hiidinga o doo ingoo. Gu kona mmao tee modu demaadeu aahe dua; gimaadeu gu haisala adu donu gi de goe.

Jeremiah 2:17

Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 2:2

“Hannoo daalaa ange gi langona e dangada o Jerusalem, hai ange: ‘E hagadaba Tagi Maolunga, Au e manadua dau hagadubu au i doo masavaa e dama daane ai, ma doo aloha i de au bei de hine gu dai hai bodu, ma doo daudali mai i de au i de vao, go de mommee e deai mee ssomo ai.

Jeremiah 2:26

De gau Israel e dookaa naa donu, bei tangada gaiaa e dogaa laa i dono boogia mai — go gilaadeu ma olaadeu hodooligi, ma olaadeu dagi, ma olaadeu dangada haimeedabu aama olaadeu pelaabisi.

Jeremiah 20:18

Gu aha gu doo mai ai nei au i de mommee o denga dama, gi gidee ai e au de hai hegau kona ma taemaha, ma dogu hagadogaa ina i taulooloa dogu mouli?

Jeremiah 22:21

Au ne basa adu gi de goe i de masavaa oou e duadonu ai, aagai koe ne hai mai, ‘Au e dee hagallongo adu!’ Deenei dau dahulinga e hai mai i doo gauligi; koe tee hagallongo mai donu gi de au.

Jeremiah 3:13

Gai goodou gi daalaa bolo goodou gu haisala; goodou gu hai baasi ange donu gi Tagi Maolunga doodou Maadua, goodou gu dagodo haisala madali denga diinonga o de gau henua gee ma lalo denga manu ssomo alodahi, goodou tee hagallongo mai gi de au, go Tagi Maolunga e hagadaba.

Jeremiah 31:19

Dua dogu huli gee i de goe, gai au ne dahuli ogu lodo; dua dogu agoagona ga donu ange, gai au ne hagailiili ogu hadahada ⌊i dogu daemaha⌋. Au ne dogaa ma de hagadogaa ina, i hiidinga o ogu baubau i de masavaa oogu e dama daane ai.’

Jeremiah 6:26

Ogu dangada, goodou kahu i malo daladala, ma de tige saele i lodo lehu; goodou tangi ma de tangi see bei doodou tangi i dahi dama dagidahi, go hiidinga e moolau naa donu de dae mai o tangada e oohaa gidaadeu.

Jeremiah 7:19

E aha, go au alaadeu gu hai laa gi lili? go Tagi Maolunga e hagadaba. E aha, e dee go gilaadeu donu huu alaadeu e hagammae ma de hagadookaa?

Jeremiah 8:14

⌊Dangada e hagataba,⌋ “Gu aha gidaadeu gu nnoho ai naa donu huu? Gidaadeu ga hagabuni! Gidaadeu ga saavini e mmuni i lodo aduhale buibui ga maakau ai i kilaa! Go hiidinga Tagi Maolunga taadeu Maadua gu baba ange e daa gidaadeu gi maakau ma de gaamai vai hagammau gidaadeu gi unumia, i hiidinga gidaadeu gu haisala ange gi de ia.

Jeremiah 9:18

Gilaadeu gi hagamoolau mai gi tangi see i gidaadeu, ga dae ai gi de hoohonu odaadeu ganomada i loimada, ga malingilingi iho i odaadeu hiihii mada.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Lamentations 5:7

Omaadeu dubuna ne haisala, gilaadeu gu dee mouli iainei; gai gimaadeu gu hagaduasala i hiidinga o olaadeu baubau.

Ezekiel 2:3

Ia ne hai mai gi de au, “Tama a tangada, au e hai naa goe gi hano gi daho de gau Israel, go dangada e hai baasi mai laa gi de au; gilaadeu ma olaadeu damana ne haisala mai gi de au ga dae mai ai gi anailaa nei.

Ezekiel 36:32

Gai goodou gi tonu ange, bolo e dee go oodou hiidinga aagu e hai ai nei mee nei, go de Ia Aamua go Iahweh e hagadaba. Gai goodou e de gau Israel, goodou e hagadookaa ma de hagangadi mee ina i hiidinga oodou hegau gu hai.

Ezekiel 44:13

Gilaadeu e dee maua i de loomai e hagapaa mai e hai hegau a tangada haimeedabu, aabe loomai e hagapaa ange gi ogu goloa dabu ma mee dabu mmao; aagai gilaadeu e hai naa gi dookaa i hiidinga o alaadeu hegau hakino gee gu hai.

Ezekiel 7:18

Gai gilaadeu e kahu naa i denga malo daladala ma de hoohonu i de maatagu; gilaadeu gu dookaa, gai olaadeu biho gu dahi ma gu malali.

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Hosea 9:10

Au ne gidee Israel bei de hai a dahi e gidee ai laa hanu grape i de vao; Au ne gidee oodou dubuna madagidagi bei de gidee a dahi hanu hua o de fig i taamada. Aagai de masavaa olaadeu ne tae mai ai gi Baal o Peor, gai gilaadeu ne gaavange gilaadeu gi dahi diinonga hagadookaa, ma de hai ga hakino gee gilaadeu bei dahi diinonga olaadeu e llodo ai laa.

Zephaniah 1:17

Au e hagahai ngadaa naa dangada, gai gilaadeu e seesee saele naa bei dagodo o de gau dee kide, go hiidinga gilaadeu gu haisala ange gi Tagi Maolunga. Olaadeu dodo e hagassii saele naa bei de mama o de gelegele, gai olaadeu angaanga e bei naa denga mee hakino gee.

Romans 6:21

Aagai ni aha oodou ne mau laa i de masavaa laa, mai i mee oodou gu dookaa ai naa iainei? De hagaodi o mee laa go de magau donu.

Judges 2:2

gai goodou gi dee haia donu dahi hagatoo donu hagaheloongoi madali dangada o de henua nei; gai goodou gi oha ina olaadeu mommee o ssigidaumaha.’ Aagai goodou tee daudali i agu muna adu gi goodou. Gai se hegau bee hee oodou gu hai nei?