Jeremiah 3:22 - De Beebaa Dabu

²² “Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Jeremiah 3:22 Iomraidhean Croise

Song of Songs 1:4

Gaavee au madali goe; gidaau ga hagamoolau e hulo! De hodooligi gu kave au gi lodo ono aabi. Gimaadeu e malangilangi naa ma de llodo danuaa i de goe, gimaadeu e tuhi naa doo aloha; doo aloha e danuaa ange i denga uvaini. E heohi donu delaadeu aaloha i de goe!

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Isaiah 27:8

Koe se hagabau donu dau alualu gilaadeu gi hulo gi dahi henua gee — ia ne busi gilaadeu gi hulo gee i de madangi o dono ngudu, bei de laangi e ssau mai ai de madangi i dua.

Isaiah 31:6

De gau Israel, goodou aahe mai gi de ia oodou gu hai baasi ange naa aagena.

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Jeremiah 3:12

Hannoo hagailoo ina muna nei i de bido gi ngaiho: Ahe mai, de ia e dee hai hegau i de mee abodonu go Israel, go Tagi Maolunga e hagadaba, au gu dee lili i goodou, i hiidinga au gu degi adu, go Tagi Maolunga e hagadaba. Au e dee golo age dogu bole ga hano ai.

Jeremiah 30:17

Aagai au e hagaieiangi naa goe, ma de hai gi mmahu oo maanuga, go Tagi Maolunga e hagadaba, go hiidinga koe ne hagaingoo ange bolo se ia e kino ai dangada, ma Zion e deai laa dangada e anga ange aagena.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Jeremiah 4:1

“Israel, noo koe e lodo e ahe mai gi de au, gai ahe mai, go Tagi Maolunga e hagadaba. Noo koe e aau gee oo diinonga hakino gee i mada luoogu mada, gai goodou e dee aahe ange e hulo gee,

Ezekiel 18:30

Deenei ai, dangada o Israel, au e hagaduasala naa goodou, dangada alodahi e hagaduasala naa donu gi bei dagodo o alaadeu hegau, go de Ia Aamua go Iahweh e hagadaba. Goodou daahuli oodou lodo mage huuhuli gee mai i oodou haisala alodahi, kana maakau goodou i hiidinga oodou baubau.

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Hosea 13:4

Aagai go au donu go Iahweh doo Maadua mai loo i de henua go Egypt. Gai e deai ange donu soo Maadua, go au donu huu; e deai ange hogi soo Ia Hagaola, go au donu huu.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Hosea 14:4

Au e hagaieiangi naa gilaadeu mai i delaadeu hulo gee i de au ma de aloha ange gi gilaadeu, i hiidinga gu helui dogu lili i gilaadeu.

Hosea 14:5

Au e bei naa de maluulu o taiao ange gi Israel; gai ono huaala e bei naa bei de lilii. Ono aga e bei naa aga o cedar o Lebanon,

Hosea 14:8

Ephraim, ni aha naa donu aagu e hai i denga diinonga? Au e basa ange naa ma de aloha ange gi de ia. Au e bei dahi cypress lau kohu, go au e haia goe ga hua lagolago.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”