Jeremiah 3:2 - De Beebaa Dabu

² Koe gi galo age gi ulu denga duuduu malaelae ma gi diiloo. E dahi laa mommee oou tee dagodo haisala ai? Koe ne noho i gaogao de haiava ma e tali ai oo dau soa, koe e bei de gau Arab e nnoho laa i de vao. Koe gu hai ma gu hakino gee de henua, i doo hai be se manu ma au hegau baubau.

Jeremiah 3:2 Iomraidhean Croise

Genesis 38:14

Gai ia ga hagaui malo o de hine gu magau dono bodu, ga haoli ia i de malo haoli gi dee madea ai ia, gai ia ne hano ga noho i gaogao de haitoga o Enaim, se mommee e baa ange gi de haiava e hano laa gi Timnah. Go hiidinga ia gu gidee bolo Shelah gu madua, gai tigi gaavange e hai ai dono bodu.

1 Kings 11:3

Ia ne hai bodu ange gi e hidulau damaa hine hodooligi, gai e dolulau hogi ono bodu laa daha; gai ono bodu ne hai ga dahuli gee ono lodo.

2 Kings 23:13

De hodooligi ne oha hogi denga mommee daumaha i baasi i dua o Jerusalem, ma baasi ngaage o de Mounga o denga Olive, go mommee a Solomon, de hodooligi o Israel ne hagatuu e daumaha ange ai gi Ashtoreth, tiinonga hakino gee o de gau Sidon, ma Chemosh, tiinonga hakino gee o de gau Moab, aama Milcom, tiinonga hakino gee o de gau Ammon.

Psalm 106:38

gilaadeu ne hai ga ssali dodo o dangada e dee haisala, go dodo o alaadeu dama daane ma damaa hine, go dama alaadeu ne sigidaumaha ange gi denga diinonga o Canaan; gai de henua gu hakino gee i denga dodo.

Proverbs 23:28

Ia e bei tangada gaiaa e mmuni laa ma e tali ai, ia e hai naa ga soa dangada e dee hai hegau i de mee abodonu.

Proverbs 7:11

Ia se hine nngana de leo ma de makaga ono lodo, ia e dee maua i de noho donu huu i dono hale;

Jeremiah 12:12

De gau e oohaa mee gu nnoho i mommee maolunga alodahi i de vao, e deai laa mee e ssomo ai, gai de gadilaasa a Tagi Maolunga e oha naa de henua mai i dahi bido ga dae ai gi de bido ange laa; gai gu deai dangada e maua gi ola.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Jeremiah 2:23

Gai dee hee dau hai e hagadaba ai naa, ‘Au e dee hakino gee donu; au tigi daudali ange donu i Baal’? Galo ange diiloo au mee e hai i lo te geelonga, gai hagasaelea dagodo o au hegau. Koe e gemo i de savini saele bei dagodo o dahi gamelo hahine,

Jeremiah 2:7

Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Jeremiah 3:13

Gai goodou gi daalaa bolo goodou gu haisala; goodou gu hai baasi ange donu gi Tagi Maolunga doodou Maadua, goodou gu dagodo haisala madali denga diinonga o de gau henua gee ma lalo denga manu ssomo alodahi, goodou tee hagallongo mai gi de au, go Tagi Maolunga e hagadaba.

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.

Jeremiah 3:9

Go hiidinga ia ne hagangadi mee donu dono dagodo haisala, gai ia ne hai ga hakino gee de henua alodahi i ana hegau haisala, i dono daumaha ange gi denga hadu ma laagau.

Jeremiah 7:29

Duudia oo ngaangaaulu ma gi dilia, gai noho dangi i honga denga duuduu malaelae, go hiidinga Tagi Maolunga gu kino ma de tili de atangada nei i dono lili.

Ezekiel 16:16

Koe ne kave hanu oo malo ga hagalaagii ai denga mommee daumaha, gai koe ne hai be se manu i kilaa. Dahulinga nei e dee ni mee donu e hai, aabe ni mee e hagassula.

Ezekiel 20:28

De masavaa aagu ne gaamai ai gilaadeu gi de henua aagu gu hagatoo donu bolo e gaavange gi gilaadeu, gai gilaadeu ne gidee denga duuduu maolunga ma denga manu ssomo lau kohu i kilaa, gai gilaadeu ga hulo ga dudu alaadeu sigidaumaha i kilaa, gai gilaadeu ga hai ai au gi lili. Gilaadeu ne dudu hogi sigidaumaha nnamu kala, ma de llingi sigidaumaha o mee unu.

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Luke 16:23

aagai ia ne galo age i lo te ahi, i de masavaa oona e hagammae ai, gai ia gu gidee Abraham i de mommee mmao ma Lazarus i dono gaogao.

Deuteronomy 12:2

Goodou oohaa alodahi mommee daumaha i honga mounga, ma duuduu aama lalo manu ssomo nnui, go mommee a denga huaahenua oodou gu dai hagadee kii naa, e daumaha ange ai gi olaadeu diinonga.