Jeremiah 3:16 - De Beebaa Dabu

¹⁶ Laangi laa, i de masavaa oodou e hagadili ai ga soa i honga de henua, go Tagi Maolunga e hagadaba, gai dangada e dee hagataba naa donu, ‘De ngavesi o de hagatoo donu hagaheloongoi a Tagi Maolunga.’ Gai e dee hanage naa donu i olaadeu lodo, aabe e manadua e gilaadeu de mee nei; gilaadeu e dee maingaa ange naa donu teai se mee nei, aabe e aahe ange e hagaduu dahi.

Jeremiah 3:16 Iomraidhean Croise

Isaiah 60:22

Dangada hugadoo e sogoisi i goodou e hai naa ga se aamuli soa, gai de hagabuulinga damaa mee hugadoo e hai naa ga se huaahenua soa. Go au donu go Iahweh, au e hai gi moolau de hai mee nei i de masavaa gu hagamodu.

Isaiah 61:4

Gilaadeu e aahe ange naa ga hagatuu age mommee gu maoha ma gu ngadi daakodo i denga masavaa gu hulo; gilaadeu e hagaahe age naa denga aduhale gu maoha laa, ma gu ngadi daakodo mai i denga atangada gu hulo.

Isaiah 65:17

“Tilo, au e hai naa de langi hoou ma henua i lalo hoou. Denga mee madagidagi e hagangalo naa, dangada e dee manadua naa donu.

Jeremiah 3:17

De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo.

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Jeremiah 31:27

“Tilo, e tae mai naa laangi, go Tagi Maolunga e hagadaba, aagu e hhao ai Israel ma Judah i hagadiilinga o dangada ma dama a denga manu.

Jeremiah 31:8

Tilo, au e hagaahe mai naa gilaadeu i henua i ngaiho, ma de hagabuni mai gilaadeu i luu bido o henua i lalo. E hanu naa hogi dangada dee kide ma de gau balagelage i olaadeu magavaa, ma denga haahine hai tama aama denga haahine gu hai olaadeu hagalangona; dahi hagabuulingaa dangada soa e aahe mai naa gi kinei.

Jeremiah 7:4

Goodou aude hagadonusia denga muna hhadu e hagadaba laa, ‘Deenei de temple o Tagi Maolunga, de temple o Tagi Maolunga, de temple o Tagi Maolunga.’

Ezekiel 15:5

Tilo, de masavaa tigi vela ai, gai e deai donu ono haigamaiana; gai e kii ange naa donu teai ono haigamaiana i dua de dudu ga vela i de ahi!

Ezekiel 37:26

Au e hai naa dahi hagatoo donu hagaheloongoi o de nnoho paba madali gilaadeu, gai se hagatoo donu hagaheloongoi ange gi gilaadeu ga hano ai e dee ngado mai. Au e hai naa gilaadeu gi nnoho i de henua ma de hai gi soa gilaadeu, gai au e hagaduu naa dogu mommee dabu i olaadeu daha ga hano ai.

Amos 9:9

Gai tilo, au e tala hagasoe de muna, ga nonu ange naa dangada o Israel gi daho denga huaahenua, bei de hai e nonu ai laa denga grain, gai e deai naa donu se damaa hadu daudahi e doo gi honga de gelegele.

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Matthew 1:11

Josiah ne hagadili Jeconiah ma ono daina, i de masavaa o delaadeu gaavee gi Babylon.

Matthew 3:9

Gai goodou aude hagataba, ‘Gimaadeu ni dama nii Abraham’. Au e hai adu gi goodou, de Maadua e maua donu i de hai hadu nei e hai ai dama a Abraham!