Jeremiah 3:13 - De Beebaa Dabu

¹³ Gai goodou gi daalaa bolo goodou gu haisala; goodou gu hai baasi ange donu gi Tagi Maolunga doodou Maadua, goodou gu dagodo haisala madali denga diinonga o de gau henua gee ma lalo denga manu ssomo alodahi, goodou tee hagallongo mai gi de au, go Tagi Maolunga e hagadaba.

Jeremiah 3:13 Iomraidhean Croise

Nehemiah 9:2

Gai de gau Israel ne vvae gee gilaadeu mai i de gau henua gee alodahi, ga tuu ga tala olaadeu haisala aama baubau o olaadeu dubuna madagidagi.

Proverbs 28:13

Tangada e hagamuunia ono haisala e dee hagadagadaga ange donu, aagai tangada e daalaa ma de tili ono haisala, de Maadua e abodonu ange naa gi de ia.

Isaiah 57:5

Goodou e llodo mmao e hai be ni manu i magavaa o denga oak ma manu ssomo nnui alodahi; goodou e sigidaumaha oodou dama i lodo geelonga ma lalo hadu i gaogao mounga.

Jeremiah 14:10

E hagadaba Tagi Maolunga i dagodo o de huaadangada nei: “Gilaadeu e llodo mmao e hulo gee mai i ogu daha; gilaadeu e dee llodo donu e nnoho donu huu Deelaa ai, Tagi Maolunga e dee malangilangi donu i gilaadeu; ia e dee ngalo naa hogi olaadeu baubau gai ia e hagaduasala gilaadeu i hiidinga olaadeu haisala.”

Jeremiah 14:20

Tagi Maolunga, gimaadeu e tala adu donu omaadeu baubau, ma baubau o omaadeu dubuna madagidagi, go hiidinga gimaadeu gu haisala adu donu gi de goe.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Jeremiah 2:25

Aude savini saele ga dae ai gi teai oo mee vae, gai doo hakii gu mmasa gee. Aagai koe e hagadaba, ‘E deai donu haigamaiana! Au e vaasuu i denga diinonga o denga henua gee, au e daudali ange naa donu i gilaadeu.’

Jeremiah 3:2

Koe gi galo age gi ulu denga duuduu malaelae ma gi diiloo. E dahi laa mommee oou tee dagodo haisala ai? Koe ne noho i gaogao de haiava ma e tali ai oo dau soa, koe e bei de gau Arab e nnoho laa i de vao. Koe gu hai ma gu hakino gee de henua, i doo hai be se manu ma au hegau baubau.

Jeremiah 3:25

Gidaadeu ga daakodo gi lalo i lodo odaadeu hagadogaa, ga haoli gidaadeu i odaadeu hagadogaa. Gidaadeu gu haisala ange gi Tagi Maolunga taadeu Maadua, go gidaadeu alodahi ma odaadeu dubuna; mai i de masavaa odaadeu e gauligi ai ga dae mai ai gi anailaa nei. Gidaadeu tee hagallongo ange gi de leo o Tagi Maolunga taadeu Maadua.”

Jeremiah 3:6

Gai Tagi Maolunga ne hai mai gi de au, i de masavaa o Josiah e hodooligi ai: “Koe e gidee naa hegau a de ia e dee hai hegau i de mee abodonu go Israel? Ia e hanage gi honga denga duuduu maolunga alodahi ma lalo denga manu ssomo alodahi ma e hai be se manu ai.

Jeremiah 7:24

Gai gilaadeu tee hagallongo mai aabe ne aanga mai, aagai ne hagamakaga olaadeu lodo ma de hai donu huu olaadeu llodo. Gilaadeu ne aahe dua tee hulo gi mua.

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.

Ezekiel 16:15

Aagai koe ne tali hagalodolodo ange gi doo mahamaha, gai koe ga hano ga hai be se manu i hiidinga de soa dangada ne langona oo longo, gai koe ne dagodo haisala madali dangada alodahi e llodo i de goe.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Deuteronomy 12:2

Goodou oohaa alodahi mommee daumaha i honga mounga, ma duuduu aama lalo manu ssomo nnui, go mommee a denga huaahenua oodou gu dai hagadee kii naa, e daumaha ange ai gi olaadeu diinonga.