Jeremiah 26:21 - De Beebaa Dabu

²¹ Gai ga langona huu e de hodooligi go Jehoiakim ma ono daane hebagi aama dagi o de henua alodahi ana muna, gai de hodooligi ne hagatale de poo ia e daa gi magau. Aagai Uriah gu langona e ia, gai ia gu madagu ga savini ga hano gi Egypt.

Jeremiah 26:21 Iomraidhean Croise

1 Kings 18:10

Au e hagatoo donu i de mouli o Tagi Maolunga, doo Maadua, bolo e deai donu se huaahenua, aabe se nohoanga hodooligi daudahi a dogu dangada aamua tigi kave hanu dangada gi saalaa ai goe. Gai de masavaa naa huu a dahi huaahenua, aabe se nohoanga hodooligi e tala ai bolo koe e dee maleva i kilaa, gai Ahab ga hai gilaadeu gi hagatoo donu ange, bolo gilaadeu tigi gidee donu goe.

2 Chronicles 16:10

Gai Asa ne lili i taane e gidee mee e loomai i hiidinga o muna nei, gai ia ga hhao ia gi lo te hale pono. Gai Asa ne vaivai hai hogi hanu dangada i de masavaa laa.

2 Chronicles 24:21

Aagai gilaadeu ga hagasaele ange de daa ia gi magau. Gilaadeu ne daudali i muna a de hodooligi ga maga ia gu magau i denga hadu i lo te buibui o de hale o Tagi Maolunga.

Psalm 119:109

Dogu mouli e hai ngadaa i masavaa alodahi, aagai au e dee ngalo donu dau hainga.

Proverbs 29:25

Doo madagu i tangada e nnoa goe bei ssele, aagai be goai e hagadonusia Tagi Maolunga e ola.

Jeremiah 26:10

Gai ga langona huu e denga dagi o Judah mee nei, gai gilaadeu ga loomai i de hale o de hodooligi gi de hale o Tagi Maolunga, ga nnoho i olaadeu duulanga i ma te Haitoga Hoou o de hale o Tagi Maolunga.

Jeremiah 36:26

Gai de hodooligi ne tala ange gi Jerahmeel, dahi dama daane a de hodooligi, ma Seraiah tama daane a Azriel, ma Shelemiah tama daane a Abdeel, gilaadeu gi hulo gi boogia tangada sisi go Baruch ma de pelaabisi go Jeremiah. Aagai Tagi Maolunga gu lava i de hagammuni gilaau.

Jeremiah 38:4

Gai denga dagi ne hai ange gi de hodooligi, “Taane nei e daa donu gi magau. Ia e hai ma e llodo baageaa denga daane hebagi e doe i lo te aduhale ma dangada alodahi i ana muna e tala ange gi gilaadeu. Taane nei e dee ssala de mee e danuaa ange gi de huaadangada, aagai e ssala delaadeu hagaduasala.”

Matthew 10:23

De masavaa naa huu oodou e vaivai haia ai i dahi aduhale, gai goodou saavini hulo gi de aduhale e mua ange. Ni muna abodonu aagu e hai adu nei gi goodou, Tama a Tangada e dae mai naa i mua doodou hulo gi aduhale hugadoo o Israel.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Matthew 10:39

Be goai e gidee dono mouli e tili donu; gai be goai e tili dono mouli i ogu hiidinga e kave donu de mouli.

Matthew 14:5

Gai Herod ne lodo e daa John gi magau, gai ia ne madagu i dangada, go hiidinga gilaadeu e hagataba bolo John se pelaabisi.

Mark 6:19

Gai Herodias ne golo age mee laa i hiidinga dono lili i a John, ia ne lodo e daa a John gi magau. Aagai ia tee maua,