Jeremiah 26:2 - De Beebaa Dabu

² “E hagadaba Tagi Maolunga: Hannoo duu i lo te buibui o de hale o Tagi Maolunga basa ange ai gi dangada alodahi i denga aduhale o Judah, e loomai laa e daumaha i de hale o Tagi Maolunga. Gai koe ga tala ange muna alodahi aagu e tala adu gi de goe; aude hagamuunia donu dahi mee daudahi!

Jeremiah 26:2 Iomraidhean Croise

Jeremiah 1:17

Aagai koe hagadabena ina oo mee hannoo daalaa ange gi gilaadeu muna alodahi aagu e tala adu gi de goe. Aude madagu donu i gilaadeu, kana haia e au goe gi kona doo madagu i gilaadeu.

Jeremiah 1:7

Aagai Tagi Maolunga ne hai mai gi de au, “Aude hai mai, ‘Au se gauligi donu huu;’ go hiidinga koe e hai naa donu gi hano gi daho dangada alodahi aagu e tala adu koe gi hano gi olaadeu daha, gi daalaa ange muna alodahi aagu e tala adu.

Jeremiah 19:14

Gai Jeremiah ne ahe mai i Topheth, go de mommee a Tagi Maolunga ne hai laa ia gi hano gi basa pelaabisi ai, gai ia ga hano gi lo te buibui o de hale o Tagi Maolunga, ga hai ange gi dangada alodahi,

Jeremiah 23:28

De pelaabisi gu hai laa dahi midi gi daalaa dana midi, aagai tangada e daohia agu muna gi kana ange gi daalaa agu muna i de heohi. Gai e dee dagodo daudahi donu lau o de grain ma denga hua, go Tagi Maolunga e hagadaba.

Jeremiah 25:2

Gai de pelaabisi go Jeremiah ne basa ange gi dangada alodahi o Judah ma gilaadeu e nnoho i Jerusalem, ga hai ange,

Jeremiah 28:5

Gai de pelaabisi go Jeremiah ne basa ange gi de pelaabisi go Hananiah, i madamada o de gau haimeedabu ma dangada alodahi e tuu i lo te hale o Tagi Maolunga.

Jeremiah 36:10

Gai Baruch ne gaamai de beebaa mulo laa, ga dau ange muna a Jeremiah gi dangada alodahi i de hale o Tagi Maolunga, i lo te aabi o Gemariah tama daane a tangada sisi go Shaphan, gai de aabi laa go teege i lunga o de buibui, i gaogao de Haitoga Hoou o de hale o Tagi Maolunga.

Jeremiah 42:4

Gai Jeremiah de pelaabisi ga hai ange gi gilaadeu, “Au gu langona oodou muna. Tilo, au e dalodalo ange naa gi Tagi Maolunga doodou Maadua bei oodou muna. Gai be aahee naa huu muna a Tagi Maolunga e basa adu ai gi goodou, gai au ga tala adu gi goodou. Au e dee hagammuni naa donu dahi muna daudahi i goodou.”

Jeremiah 7:2

“Hannoo duu i de haitoga o de hale o Tagi Maolunga mage hagailoo ina ai muna nei: Hagalaangona muna a Tagi Maolunga, goodou dangada alodahi o Judah e ulu i denga haitoga nei e daumaha ange ai gi Tagi Maolunga.

Jeremiah 7:27

Gai ga daalaa ange naa donu e goe mee nei gi gilaadeu, aagai gilaadeu e dee hagallongo adu; gai ga hagahia naa donu e goe gilaadeu, gai gilaadeu e dee pasa adu naa donu.

Ezekiel 3:10

Ia ne hai mai hogi gi de au, “Tama a tangada, hagalaangona muna alodahi aagu e tala adu gi de goe ma gi daohia i oo lodo.

Ezekiel 33:7

Gai koe, tama a tangada, au gu hili goe e hai ai tangada dagitilo o de gau Israel; gai koe ga hagallongo agu muna e tala adu ga hagakana ange ai gilaadeu.

Ezekiel 40:4

Gai taane laa ne hai mai, “Tama a tangada, galo ange diiloo i luoo ganomada, gai hagalaangona i luoo dalinga ma de daohi mee alodahi aagu gu dai hagaago adu gi de goe, gai aanei hiidinga aagu ne gaamai ai nei goe gi kinei. Gai koe ga tala ange ai gi de gau Israel mee alodahi aau gu gidee.”

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Luke 19:47

Laangi alodahi gai Iesu ne agoago i de temple. Gai de gau haimeedabu maolunga, ma de gau sisi, aama dagi o dangada ne ssala delaadeu hai e daa ai ia gi magau.

John 18:20

Iesu ne hai ange gi de ia, “Au ne agoago i madamada o dangada alodahi. Au ne agoago i laangi alodahi i lodo synagogue ma lo te temple, go de mommee o de gau Ssuu alodahi e hagabuni ai. Au tee tala hagammuni donu dahi mee.

John 8:2

Gai boo taiao donu huu gai ia ne ahe gi de temple. Gai dangada alodahi gu loomai gi ono daha, gai ia ga noho i kilaa ga agoago ange ai gilaadeu.

Acts 20:20

Gai au tee hagammuni donu dahi mee, gai ne agoago adu goodou i mee e haigamaiana adu gi goodou, ma de agoago adu goodou i de mommee iai dangada soa aama oodou hale,

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Acts 5:25

Aagai dahi dangada gu humai ga tala ange gi gilaadeu, ga hai ange, “Denga daane oodou ne hhao laa gi lo te hale pono e tuu i lo te buibui o de temple ma e agoago ange ai dangada.”

Acts 5:42

Gai gilaadeu tee helui donu delaadeu agoago ma de tala i de temple aama hale o dangada bolo Iesu go de Klisdo donu.

Deuteronomy 12:32

Kana ange diiloo gi daudali goodou i muna alodahi aagu e tala adu gi goodou; goodou aude hagapuni ina ange aabe e aau gee hanu muna mai i mee nei.

Deuteronomy 12:5

Aagai goodou e ssala de mommee a Tagi Maolunga doodou Maadua e hili e dugu ai dono ingoo, ma de hai ai dono mommee e noho, i magavaa o oodou aamuli alodahi. Gai go kilaa oodou e hulo aagena,

Deuteronomy 4:2

Gai goodou e dee hagapuni ange aabe e aau gee hanu muna i muna aagu gu tala adu gi goodou, aagai goodou daohia hainga a Tagi Maolunga doodou Maadua aagu gu tala adu gi goodou.

Joshua 8:35

Gai teai donu se muna daudahi i muna alodahi a Moses gu tala ange gi Joshua tee dau i madamada o de hagabuulingaa dangada o Israel, madali denga haahine ma gauligi, aama de gau henua gee e nnoho laa i olaadeu daha.

Revelation 22:19

Gai be goai e aaua gee dahi mee mai i muna pelaabisi gu sisi i lo te beebaa nei, gai de Maadua e aau gee naa hogi dono duuhanga mai i de manu o de mouli aama mai i de aduhale dabu gu tala laa olaau dagodo i lo te beebaa nei.